Shkrime
Vegimi hyjnor i Apostullit Gjekmarkaj
Nga Minella Aleksi
Në vigjilje të festës të të Shëlbuemit, apostulli Gjekmarkaj na bëri me dije eksperiencën e vet hyjnore dhe rikthimin tek Ati i tij shpirtëror, “Në se unë nuk shkoj, nuk do të vijë tek ju Ngushëlluesi, por në se shkoj, do t’jua dërgoj” – kështu na e rrëfen Shën Gjoni.
I lumnueshmi Shën Gjon i çfaqet Apostullit Gjekmarkaj në gjumë dhe i kujton se “Festa e “Të Shëlbumit” po afron për të na kujtuar se çdo njeri është i thirrur për jetën e pasosur”.
Si bir i denjë i Atit të tij shpirtëror Gjekmarkaj të nesërmen në Parlament ligjëroi: “Berisha u arrestua në një agresion që i është bërë kushtetutës, ata nuk menduan se Berisha do t’u fliste nga lart, nga qielli, duke i befasuar të pafetë dhe duke u dhënë shah-mat në fushën e lirë të demokracisë”.
Dikush i bëri pyetjen, pse ti dhe jo një tjetër?!. Nën rrezatimin mrekullor, Gjekmarkaj si mbartës i porosisë hyjnore shpjegon arsyet pse Shën Gjoni e ngarkoi me detyrën e Mesazherit ëngjëllor:
Kudo ku gjëndesh të rrethon atmosferë solemniteti, zotëron artin e mbajtjes së një fytyre të drejtë gjatë predikimeve më komike. Në fakt, mund të them se ke një sens humori “hyjnor”, duke i kthyer edhe detyrat më të zakonshme të “Atit” tënd shpirtëror në mundësi për një nënqeshje qiellore.
Kur në foltore në atmosferë solemne, dëshmoje vegimin tënd të jetës nuk mund të mos ndieja se nën kostumin tënd si nën mantelin e një prifti, gurgullonte sens humori që mund të bënte këmbanat e kishës të qeshnin apo një copë buke në sallë të kthehej për të vobektit në një festë shpirtërore.
Kam vërejtur se Urtësia të karakterizon me mënyrën sesi mendon dhe jo me atë se çfarë mendon. Kjo është cilësi intelektuale e jona, të përkushtuarve të besimit ndaj Atit tonë shpirtëror. Për Atin tënd Kushtetuta është e shenjtë.
Ai që thellësisht vuan para “Hyjit” agresionin ndaj Kushtetutës mbart hire “Shënjti”. Edhe pse shumë zymtësi e mosbindje ka në Parlament, shakatë dhe humori yt ka diçka të ngjashme me shakatë dhe humorin e priftërinjve në ato momentet e vogla të të qeshurit të papritur gjatë një predikimi.
Në historinë e parlamentarizmit shqiptar njihen dy raste kur dishepujt blejnë liderin përpara se të blejnë vizionin. Rasti i parë është kur dishepullja Mary Elisa Salome çfaqi vullnetin hyjnor për të shenjtëruar Skënderbeun e kohëve moderne. Kongregacioni ekleziastik i tërhoqi vëmendjen se një shenjt nuk mund të lumturohej dy herë. Eksperiencat mrekullore të të parit ishin të provuara dhe të miratuara nga konsili papal 400 vjet më parë.
Ti bir ke shansin dhe mundësinë historike që të kërkosh lumturimin e Atit tënd si Shën Salizar Berisha II. Ti ke shansin që në emër të Rithemelimit të jesh i pari mes 138 apostujve të tjerë të të dyja kampeve të ndërmarrësh iniciativën hyjnore për Lumturimin e tij.
Akti i Lumturimit celebrohet pasi Konsili Rithemelues të ketë miratur të paktën tre prova mrekullore të kryera në jetën e Shënjtit Kandidat. Ati yt është fatlum sepse në jetën e tij ka kaluar nëpër beteja “Kasandrash” më shumë se dyfishin e numrit të nevojshëm të Mrekullive Lumturuese.
Mrekullinë e parë e ka kryer në Pranverë të vitit 1997. Me besimin te Fryma e Shenjtë, përpara gjithë popujve të Lindjes komuniste shqiptarët i bëri të barabartë me qytetarët dhe fshatarët amerikanë. Çdonjëri, sipas vullnetit të vet, trim ose frikacak, në fshat, qytet, në mal ose në fushë, të ketë armë në shtëpi. Nga pistoleta deri mitraloza, armë antitank, eksplozivë të të gjitha llojeve etj.
Ati yt Gjekmarkaj që i jemi mirënjohës në jetën tokësore dhe atë nën tokë na bëri pronarë armësh, ia mori shtetit dhe ia ktheu të zotit. Na mësoi si t’a mbjellim, si të vritemi, si t’a ruajmë tokën e mbjellë dhe mbi të gjitha na mësoi sesi të vrasim armiqtë tanë të përjetshëm, shqiptarët trima legjendarë. Tek e fundit këto armë ishin djersa e pa paguar e shqiptarve. E vërteta vonoi por nuk harroi.
Mrekullia e dytë, shumë afër me të parën u përjetua në Shtator 1988. Me frymën dhe përvuajtjen hyjnore i bëri shqiptarët pa shtet.
Në historinë europiane rasti i parë që një udhëheqës me hire legjendash historike dhe me formim intelektual akademik mjeksor Prof. Dok. të shkallës sipërore, transformoi një sistem shoqëror kriminal në një formë parahistorike modeli pa model të institucioneve. Si jo rrallë herë të parët në autoeksperimentet astro-shoqërore. Rasti gjerman me Hitlerin nuk mundësonte Lumturimin si proçes, Hitleri nuk kishte diplomë të arsimit të lartë.
Këshilli Hirësor i Lumturimit e kalon shpejt mrekullinë e tretë të Salizar Berisha II, në Mars të vitit 2008 në Gërdec, mbasi ishte e pastër si provë shenjtërimi teknikisht e përsosur. Donit një eksperiencë mrekullore të tipit shqiptar? Ja tek e keni, në fushat, kodrat dhe nën qiellin blue të Gërdecit. Shëmbëlltyrë e një mrekullie që në analet shenjtëruese konsiderohet apokaliptike.
Ditën e parë që Ati yt shpirtëror zbriti në Kolltuk ëngjëjt në qiell zbritën pranë tij, e pajisën me aparatura regjistruese dhe e trainuan si dëshmitar të së ardhmes. Mrekulli mbi mrekullitë e tij është që bashkëpunëtorët ia kanë të regjistruara me zë dhe figurë të gjitha kryeveprat sa edhe vet ebrejtë, populli i zgjedhur nga Zoti vuajnë, janë xheloz dhe gërmojnë e gërmojnë thellë në qiell dhe nëntokë për gjetjen e provave mrekullore të Moisiut, profetit të tyre.
Ati yt Salizar B. II ka edhe 6-7 raste të tjera që e bëjnë të jetë një përjashtim i rrallë në historinë e shenjtëve. Ja edhe një jashtë liste. Mrekullia në arsim. Edhe ata të sapolindur trashëgojnë të drejtën që në lindje t’u njihet diploma e arsimit të lartë. Të tjerat, dy deri në tre në fusha të tjerat fitohen në rrugë e sipër nëpër shkallët e jetës. Ky është privilegj hyjnor i “Të Shëlbuemit”, për harmoninë, bashkëjetesën e përsosur brenda kaosit.
Megjithatë “Djalli Antikrisht” tinëzisht bën punën e tij. P.sh. edhe pse mjek me bagazh akademik e human të jashtëzakonshëm, i mungon eksperienca e rasteve shëruese e theksoj, mrekullore. Edhe pse është munduar shumë, tej mase, me të gjitha mjetet teknike në dispozicion, nuk ka mundur të sjellë në jetë asnjë nga të vdekurit në duart e tij të bekuara si duar Shën Gabrieli ose Xhebrahili, të cilëve u është gjëndur pranë si psh, Remziut, Kostës, e ndonjë tjetri.
Megjithatë Lumturimin e ka të sigurtë sepse ka mjaft avantazhe të tjera, mrekullitë e shumta në dobi të popullit e të vendit të tij që e bekon përditë e përnatë edhe pse akoma nuk ka vulë me autoritet Shënjti për një gjë të tillë.
Së fundi, pas lumturimit, të kërkoj Ty bir i denjë i Atit që banesa e tij në qiellin e 8-të të shpallet vend i shenjtë peligrinazhi. Populli të dhurojë të mira financiare sepse vetëm të tilla objekte të shënjta si simbole harmonie do e shpëtojnë dhe do e përparojnë atë vend…”
Nën buzëqeshjen e tij të lehtë, të lehtë si buzëqeshja e mëngjesit të së dielës, Apostulli Gjekmarkaj pranoi përulshëm bekimin e Shën Gjonit që u tërhoq në qiell duke murmuritur A M E N.
Shkrime
Beogradi dhe Prishtina mirëpresin zbutje në kufi
Profesori amerikan Daniel Serwer, i cili njeh mjaftë mirë zhvillimet në rajon dhe procesin e dialogut në mes Kosovës dhe Serbisë ka shkruar rreth takimit të lamtumirës në Uashington në mes të dy emisarëve, Gabriel Escobar dhe Miroslav Lajcak.
Serwer ka thënë se të dy janë diplomatë me përvojë që e njohin mirë rajonin dhe që kanë bashkëpunuar pa shumë fërkime. Ai kujtoi se një prej çështjeve ku ka pasur mospajtim ka qenë Ballkani i Hapur, me SHBA-në që ka pasur qëndrim përkrahës ndërkohë që BE-ja e ka konsideruar si të panevojshëm dhe dyfishim i Procesit të Berlinit.
Serwer shkruan se megjithatë Escobar dhe Lajcak nuk arritën të prodhonin normalizim politik në mes të Kosovës dhe Serbisë, synim ky që ishte prioritet i tyre kryesor.
Profesori amerikan u shpreh se të dy e kishin nisur keq dhe përfunduan edhe më keq.
“Ata i premtuan Beogradit se do kenë prioritet krijimin e Asociacionit të Komunave me shumicë serbe brenda Kosovës. Përfunduan pa përparim të rëndësishëm në atë prioritet të gabuar” – ka theksuar Serwer.
Profesori amerikan duke rikujtuar gjithë ngjarjet që kanë ndodhur përgjatë këtyre tri viteve potencoi se politika ndërkombëtare ka nevojë për një rivendosje. Sipas tij, është e qartë që politika perëndimore ndaj Serbisë nuk është duke funksionuar dhe se Uashingtoni e Berlini s’janë duke bërë shumë mirë në Kosovë.
“Prishtina ka refuzuar të lëvizë drejt Asociacionit, megjithë “pasojat” e kushtueshme evropiane dhe denoncimet e ashpra amerikane. Vetëm nëse Beogradi zbaton dispozitat e tjera të marrëveshjes së Brukselit të vitit 2013, Prishtina do të përgjigjet në mënyrë të njëjtë. Vuçiç nuk është në gjendje ta bëjë këtë” – ka shkruar profesori amerikan.
Sipas tij, suksesi në negociata kërkon ndryshim të politikës. Serwer tha se dialogu për çështje teknike në të kaluarën ka qenë më i suksesshëm, duke qenë se ishte fokusuar në çështje që prodhonin përfitime të dukshme për qytetarët e të dy shtete…………………………….
“Pavarësisht zbatimit të ndotur, rezultatet ishin thelbësore. Edhe sot, Prishtina dhe Beogradi kanë bërë më mirë me çështje praktike si targat dhe dokumentet e identitetit, sesa me normalizimin politik”, potencoi profesori amerikan duke theksuar se kjo është rruga e duhur për të ardhmen, duke qenë se normalizimi politik duket shumë larg.
“Serbia nuk do të jetë e interesuar të dorëzojë pretendimet e saj për sovranitet në Kosovë derisa lufta në Ukrainë t’i japë fund aneksimeve ruse atje. Kosova nuk do të jetë e interesuar për formimin e Asociacionit derisa të ketë besim se Serbia pranon sovranitetin dhe integritetin e saj territorial. Por si Beogradi ashtu edhe Prishtina mund të mirëpresin zbutje përmes kufijve të tyre të ndërsjellë dhe duke mundësuar më shumë tregti të ligjshme”- ka deklaruar Daniel Serwer.
Shkrime
Sebastian Zonja: Llafet e Ramës dhe projektet e Vuçiçit
Një shpjegim i shkurtër për vizitën e liderit kinez Shi Xhinping në Hungari dhe Serbi:
Një ndër projektet e mëdha që po financon Kina është Rruga e Mëndafshit. Duke ndërtuar hekurudha, porte dhe autostrada, gjiganti aziatik synon të vijë në zemër të tregut të madh evropian, Berlinit. Një nga rrugët në këtë pjesën tonë të Evropës është me anë të Danubit. Rruga ujore Danub -Moravë – Vardar – Deti Egje faktorizon Serbinë dhe Hungarinë, sepse të dy nuk kanë dalje në det.
Serbët e kanë si projekt gati. Ndërtimi i rrugës ujore të lundrueshme nga Danubi në Selanik konkuron me itinerarin Danub, Deti i Zi deri në detin Egje, teksa transporti lumor ka më shumë përparësi ndaj atij hekurudhor dhe rrugor, sepse ul kostot dhe ka avantazhe të mëdha në ngarkim dhe shkarkim, magazinim dhe mirëmbajtje të llojeve të ndryshme të mallrave si dhe sigurinë e tyre në tranzit. Po të lidhet me rrjetin evropian të kanaleve ujore dhe arterien Rin – Main – Danub, kanali Moravë – Vardar do të sjellë faktorizim të Serbisë dhe Hungarisë si dhe rritje të madhe të përfitimit ekonomik të Evropës Lindore dhe Perëndimore me fokus Greqinë, Serbinë dhe Hungarinë.
Nëse do të kishte sadopak strategji, qeveria shqiptare do të kishte përfunduar ndërtimin e Korridorit 8, autostradës dhe hekurudhës deri më Nish dhe portin e madh të Durrësit. Të gjitha këto janë konform strategjisë evropiane dhe amerikane që e cilësojnë Kinën kundërshtar tregtar. Faktorizimi i portit të Durrësit vjen si konkurencë me portin e Pireut në Greqi që kanë blerë kinezët. Me anë të autostradës dhe hekurudhës deri më Nish dhe më tej, çelësin në dorë për tregtinë ballkanike do të kishte Tirana, ndaj Serbia dhe Hungaria do detyroheshin të dilnin nga Durrësi, jo nga Greqia. Vendi ynë do të fitonte peshë të re gjeostrategjike në rajon. Kroacia, strategjikisht është pro një projekti të këtillë. BE-ja po ashtu. Amerikanët kanë dhënë sinjale pozitive. Ndërkohë, të gjitha këto mbeten në letër sepse kemi pasur kryeministër Sali Berishën dhe sot kemi Edi Ramën.
Shkrime
Valvula e sigurisë për Kosovën, nga Shqiprim Pula
Shkrime
Analizë: A po e humb Perëndimi betejën me Kinën për zemrën e Serbisë?
Vizita e presidentit kinez Xi Jinping në Serbi këtë javë nxorri në rrugë një numër të madh njerëzish që mbanin flamujt serbë dhe kinezë dhe thekson miqësinë e “çeliktë” të të dy vendeve. Në Perëndim, kjo ngriti shumë pikëpyetje për rolin e ardhshëm të Serbisë në Evropë.
Analistët thonë se ky ishte pikërisht qëllimi. Në një kohë rivaliteti global midis Pekinit dhe Uashingtonit, mesazhet që Presidenti Xi dha në Beograd dukeshin se synonin një audiencë shumë më të gjerë.
Presidenti Xi dhe presidenti serb Aleksandar Vuçiç nënshkruan një sërë marrëveshjesh dypalëshe të mërkurën. Ato u nënshkruan në 25 vjetorin e bombardimit të NATO-s ndaj ambasadës Kineze në Beograd në vitin 1999 për të ndaluar spastrimin etnik të shqiptarëve në Kosovë. Shtetet e Bashkuara kërkuan falje për këtë veprim, duke e quajtur atë “një gabim”.
David Shullman, ekspert mbi Kinën në Këshillin Atlantik me bazë në Uashington, i tha Zërit të Amerikës se mbërritja e Presidentit Xi në Beograd në këtë përvjetor kishte për qëllim dërgimin e një mesazhi më të gjerë në kontekstin e luftës në Ukrainë: se Kina nuk është një “nxitëse e luftës” si Shtetet e Bashkuara dhe NATO-ja.
“Ekziston një bindje në sistemin kinez se kjo është një pikë me rëndësi që lidh Kinën dhe Serbinë. Kjo përshtatet edhe me mesazhin që Kina ka dhënë për NATO-n dhe Shtetet e Bashkuara”.
Paul McCarthy, drejtor për Evropën në Institutin Ndërkombëtar Republikan në Uashington, bie dakord se koha e vizitës së Presidentit Xi nuk ishte një rastësi.
“Unë mendoj se e gjithë vizita e Presidentit Xi në Evropë u organizua rreth 25 vjetorit të bombardimeve të NATO-s”, thotë ai. “Kjo ishte një mundësi e rëndësishme që kinezët të mos e humbisnin dhe që thekson pozicionin e Serbisë dhe mosmarrëveshjen strategjike me Perëndimin prej 25 vjetësh.
Presidentët Xi dhe Vuçiç nënshkruan një deklaratë për “të ardhmen e përbashkët” të të dy vendeve, të cilën presidenti serb e përshkroi si një nivel mbi Partneritetin Strategjik Gjithëpërfshirës për të cilën të dy vendet ranë dakord në vitin 2016.
Sipas analistit të Këshillit Atlantik, Shullman – Presidenti Xi ka përdorur shpesh fjalinë “e ardhmja e përbashkët” për të treguar se ai dëshiron një ekuilibër të ri të fuqisë në botë.
“Historia e kësaj të ardhmeje të përbashkët është se Kina dëshiron të krijojë një rend global që është më pak i udhëhequr nga Shtetet e Bashkuara, që është shumëpolar, një rend ndërkombëtar më ‘demokratik’ – siç shprehen kinezët”, tha ai.
“Në thelb, është një rend botëror që nuk udhëhiqet më nga Shtetet e Bashkuara dhe në të cilin Kina luan një rol më domethënës”, thotë zoti Shullman.
Ai shton: “Fakti që flitet për Serbinë si vendi i parë evropian që do të jetë pjesë e këtij komuniteti dhe ‘të ardhmen e përbashkët’, kjo tregon se për udhëheqësit kinezë, veçanërisht Presidentin Xi, Serbia ka një rëndësi të madhe … si partner ekonomik dhe si një vend kandidat për në BE”.
Për më tepër, vizita e Presidentit Xi në Serbi i tregoi Uashingtonit se Kina ka partnerë të besueshëm në Evropë dhe se Shtetet e Bashkuara “nuk do të jenë në gjendje ta mbajnë Evropën në tërësi në anën e saj”.
Kina zotëron miniera dhe fabrika në të gjithë Serbinë dhe ka ofruar financime me vlerë prej miliarda dollarësh për rrugë, ura dhe objekte të ndryshme, duke u bërë partneri kryesor i Serbisë në zhvillimin e infrastrukturës shumë të nevojshme.
Megjithatë, disa ekspertë thonë se e ardhmja e bashkëpunimit midis Beogradit dhe Pekinit është e pasigurt, duke pasur parasysh marrëdhëniet e ndërlikuara midis Shteteve të Bashkuara dhe Kinës.
Vuk Vuksanoviç, studiues në Qendrën e Beogradit për Politikat e Sigurisë, i tha Zërit të Amerikës se zgjerimi i bashkëpunimit midis Serbisë dhe Kinës nga një partneritet strategjik në nivelin e “ndërtimit të një komuniteti të Serbisë dhe Kinës me një të ardhme të përbashkët” është pak më shumë se një lojë diplomatike që i përshtatet të dyja qeverive momentalisht.
Ai shtoi se marrëdhënia e ardhshme varet shumë më tepër nga Pekini sesa nga Beogradi.
“Marrëveshja e mëparshme e partneritetit strategjik ishte një deklaratë e përbashkët e vitit 2009 që kishte retorikë të ngrohtë, por në fakt nuk solli ndonjë transformim monumental të marrëdhënieve”, tha ai.
“Kështu ishte deri në kohën kur Kina tregoi interes më të madh për Ballkanin për shkak të Iniciativës “Një brez, një rrugë”, një strategji masive e zhvillimit të infrastrukturës globale e udhëhequr nga Kina. Unë mendoj se pyetja kryesore për Shtetet e Bashkuara do të jetë nëse ky bashkëpunim do të përfshijë ndonjë projekt madhor në fushën e mbrojtjes dhe teknologjisë së lartë”.
Zoti McCarthy nga Instituti Republikan Ndërkombëtar thotë se është e paqartë se si marrëveshjet midis Serbisë dhe Kinës dhe planet për një “të ardhme të përbashkët” do të ndikojnë në marrëdhëniet e Serbisë me Perëndimin.
Megjithatë, vë në dukje ai, një marrëveshje e tregtisë së lirë midis Kinës dhe Serbisë që hyn në fuqi në korrik “e kthen Serbinë më shumë drejt Lindjes”, duke ngritur pyetjen se “sa serioze është Serbia në rrugën e saj evropiane”.
Ai shton se “nga këndvështrimi i Uashingtonit, ata mund të ndihen sikur po humbasin betejën për zemrën e Serbisë”.
Shkrime
Inceneratori i Gent Sejkos në Bankën e Shqipërisë dhe opozita që si rruhet fare
Nga Klodian Tomorri
Shikoni ca vendi eshte ky.
Cohen dy mashtrues, me historik problematik te faktuar dhe marrin nje licence ne Banken e Shqiperise. Me kete licencen ngrene nje skeme kombetare mashtrimi.
Skema eshte njesoj si inceneratori, identik. Beri qeveria, incenerator? Beri dhe Banka e Shqiperise inceneratorin e vet. Por me nje ndryshim. Ai i qeverise vidhte leket e buxhetit. Ky inceneratori i Bankes se Shqiperise, vjedh direkt leket dhe pronat e qytetareve.
Publikohen raste me kartela te tjetersuara pronesie. Opozita prape hic.
Ngaqe ujrat e zeza jane bere kavalete, institucionet fillojne ping pongun per t’i ngecur fajin njera tjetres. Ministria e Drejtesise i thote Bankes se Shqiperise nderhyr ti se po behet masaker. Banka e Shqiperise thote, une vetem licencoj, bej rregulla dhe mbikqyr, por nuk kam pergjegjesi kur ata qe licencoj une vjedhin.
Zakonisht keta, keto lloj prapesirash i fshehin. Fakti qe po mundohen ti ngecin fajin njeri tjetrit tani do te thote se zarari i bere eshte shume i madh. Por opozita prape nuk do t’ia dije hic.
Tani, shkon ministri i drejtesise ne Parlament. E dini kush e ngre problemin e skemes se mashtrimit? Damian Gjiknuri.
Nje deputet i maxhorances, i cili e di qe skema ka prekur dhe qytetaret e zones se vete elektorale. Ndersa opozites nuk i rruhet fare. Po fare.
Hajde shpjegoje ti tani ca lloj vendi eshte ketu.
Ne 100 mije veta te prekur, mos te tentosh te marresh asnje vote!!!! Varja qe te mbrosh miletin se kjo eshte bere luks. Por bej lufte te marresh dy vota te pakten.
-
Pinknews20 hours ago
‘6 ditë në koma, të gjithë doktorët….’/ Mes dhimbjes, Fation Kuqari flet për humbjen e të atit
-
Aktualitet24 hours ago
Policia i gjeti në spital pas sherrit me farmacisten/ Çfarë pa shoqja e dy viktimave në dhomë
-
Pinknews22 hours ago
‘O të hënkshin qentë’/ Nuk ka paqe mes Julit dhe Eglës: Larg qoftë të kesh një grua si ti
-
Politike20 hours ago
Mazhoranca nismë për të kontrolluar SPAK? Mesazhi i fortë i amerikanëve dhe BE për Prokurorinë e Posaçme
-
Aktualitet23 hours ago
Grabitet çifti italian në Vlorë, autorët thyejnë xhamin e ‘Audit’ dhe marrin 2500€
-
Horoskopi11 hours ago
Sjellja juaj kundrejt partnerit do lere shume për te dëshiruar gjate kësaj dite
-
Sport23 hours ago
Dikur ia doli, por tani nuk ka shpresë/ Dorëzohet edhe Emmanuel Macron, Mbappe do të shkojë te Real Madridi
-
Aktualitet23 hours ago
“Kryeministri s’do gjejë mbështetje tek diaspora”/ Burimi: Nuk mund t’i tregohen dhëmbët Greqisë