Kronike

Vrasja e zjarrfikësit italian/ Babai i viktimës sulmon në sallën e gjyqit autorin shqiptar

Është shoqëruar me tensione seanca e parë gjyqësore në Rimini të Italisë ndaj 28-vjeçarit shqiptar, Klajdi Mjeshtri, i cili akuzohet për vrasjen e 34-vjeçari, Giuseppe Tucci. Ngjarja ka ndodhur më 12 qershor të vitit të kaluar në një rrugicë pranë një klubi nate në Rimini, ku shqiptari ka goditur me grushta për vdekje italianin.

Sipas mediave italiane, gjatë seancës, babai i viktimës, ka sulmuar të riun shqiptar që i vrau djalin, aq sa ka qenë e nevojshme ndërhyrja e Policisë së Burgjeve për të vendosur qetësinë.

“Ishte një ditë shumë e vështirë. Kur u gjenda përballë vrasësit të djalit tim u nervozova, ai as që më shikoi në fytyrë. Më pas kuptova situatën dhe u qetësova”, tha Tucci.

Pas raporteve mjeko-ligjore, sot gjyqtari i çështjes Vinicio Cantarini pranoi gjykimin e shkurtuar ndaj shqiptarit, i cili llogarit uljen e 1/3 të dënimit.Ndërkohë seanca e ardhshme është vendosur të mbahet më 20 mars, ku pritet të caktohet një mjek i tretë, i cili do të duhet të analizojë rezultatet e autopsisë në trupin e zjarrfikësit.

Sipas ekspertit mjekësor për mbrojtjen, vdekja e Giuseppe Tucci erdhi si pasojë e një goditjeje në pjesën e pasme të kokës pas një rënieje në tokë. Eksperti mbrojtës pretendon se shkaku i vdekjes së 34-vjeçarit nuk ishin grushtet e qëlluara nga shqiptari që punonte në mënyrë të paligjshme në klub atë natë, por rënia në asfalt.

Për më tepër, në të njëjtën kohë, eksperti mjekësor mbështet tezën sipas së cilës Tucci vdiq pas disa orëve të tëra përpjekjesh për ta mbajtur në jetë, pasi mjekimet nuk bënin efekt për shkak të sasisë së alkoolit që kishte konsumuar. Kështu mbrojtja tenton të heqë hipotezën e vrasjes me dashje të kundërshtuar nga prokuroria, duke e zëvendësuar atë me vrasjen nga pakujdesia apo edhe vdekjen si pasojë e një krimi tjetër.

Ndërkohë sipas asaj që rezultoi nga ekzaminimi i autopsisë në trupin e zjarrfikësit italian, të kryer nga mjeku Donatelli Fedeli, vdekja e 34-vjeçarit ka ardhur drejtpërdrejt nga 5 grushtet e hedhura nga Mjeshtri: dy të parat pranë tëmthit, më pas dy të tjerat anash dhe një në kokë.

Kronike

Dy makina përplasen me njëra-tjetrën, plagoset shoferja (Detajet)

Një aksident ka ndodhur në vendin e quajtur “ Ura e Mbrostarit” në hyrje të Fierit. Mësohet se 2 automjete “ Tip Nisan” dhe “Wolsvagen“ janë përplasur me njëra-tjetrën ndërsa ka pasur vetëm me dëme materiale. Bëhet me dije se drejtuesja e mjetit “Wolsvagen” ka marrë lëndime të lehta dhe është dërguar në spitalin rajonal të Fierit ku mori ndihmën mjekësore.

Në vendngjarje kanë mbërritur policia dhe grupi hetimor të cilët po punojnë për zbardhjen e shkaqeve të këtij aksidenti.

Kronike

Tiranë, sherr me armë të ftohta, vihet në pranga një person! 34-vjeçari përfundon në spital

Një 32-vjeçar është arrestuar nga policia e kryeqytetit pasi u konfliktua me një shtetas tjetër, duke e plagosur me mjet prerës.

Ngjarja ndodhi mbrëmjen e djeshme në rrugën ‘Kadri Roshi’ në Tiranë. Shërbimet e komisariatit nr.6 menjëherë shkuan në vendngjarje ku kishte mbetur i plagosur V.B., 34 vjeç banues në Tiranë, i cili ndodhet në spital jashtë rrezikut për jetën.

Ndërkohë vijoi puna për kapjen e autorit dhe në u bë e mundur vënia në pranga e E.L., 32 vjeç, banues në Tiranë.

Si rezultat, u kap dhe u arrestua shtetasi E. L., 32 vjeç, banues në Tiranë, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Nga veprimet hetimore dyshohet se 32-vjeçari, mbrëmjen e djeshme, gjatë një konflikti për motive të dobëta, ka plagosur me mjet prerës shtetasin V. B., 34 vjeç, banues në Tiranë, i cili ndodhet në spital, jashtë rrezikut për jetën.’, thuhet ndër të jera në njoftimin e policisë.

Mësohet nga policia se konflikti mes dy personave nisi për motive banale, ndërkohë materialet proceduriale i janë kaluar Prokurorisë.

Kronike

Skenë e filmuar/ Atentati ndaj Agustin Kazës në një kafe në Bruksel, ngjarja dyshohet për…

Detaje të tjera dalin në dritë pas atentatit me armë zjarri ndaj një 44-vjeçari shqiptar në Bruksel.

Një ditë pas krimit, Agustin Kaza ndodhet në gjendje kome dhe se autoritetet dyshojnë se pas atentatit qëndrojnë çështje kanunore.

Autori është filmuar nga kamerat e sigurisë dhe pritet që ngjarja të zbardhet shumë shpejt. Paraprakisht dyshohet për vrasës me pagesë.

Policia shqiptare ka kërkuar informacion nga autoritetet belge.

Kronike

VIDEO/ Autori eci drejt dhe u kthye me shpejtësi për të qëlluar, publikohen pamjet nga atentati ndaj 44 vjeçarit

Një 44-vjeçar, Agustin Kaza është qëlluar me armë zjarri në trotuarin e një kafeneje në pronësi të një shqiptari mbrëmjen e djeshme (28 prill) në Bruksel rreth orës 22:30.

Mediat e huaja bëjnë me dije se në policia ka gjetur një person të plagosur me armë zjarri kur ka mbërritur në zonën e njohur në rrugën Joseph Brand.

Në videon e publikuar, shihet momenti i atentatit me armë zjarri kur një person me kapuç ka ecur në trotuarin para kafenesë dhe papritmas ka nxjerrë armën nga dora duke qëlluar disa herë ndaj shënjestrës, identiteti i të cilit nuk bëhet me dije.

I plagosuri ndodhet në gjendje të rëndë për jetën ndërsa ende nuk dihet nëse është shtetas shqiptar.