Aksident në Lushnje, 3 të plagosur, mes tyre 2 fëmijë

Një aksident i rëndë ka ndodhur në aksin nacional Dimal-Lushnje.

Konkretisht në vendin e quajtur rrethrrotullimi i Poshnjes, një traktor i ka prerë rrugën një furgoni, tip Citroen me targa të huaja.

Për pasojë traktori është ndarë në dysh, teksa të plagosur kanë mbetur drejtuesi i mjetit dhe dy fëmijë që ndodheshin në furgon.

Të lënduarit janë dërguar në spital për të marrë ndihmën e duhur mjekësore.

Shoferi i traktorit ishte pa patentë dhe është arrestuar nga policia.