Grabitet me dhunë një ‘Benz’, autorët largohen

Një grabitje me dhunë ka ndodhur mbrëmjen e djeshme në rreth orës 22:00 në Lushnjë në vendine  quajtur Pushimi i Shoferit.

Dy persona të maskuar kanë ndaluar një makinë tip ‘Benz’ me targa AA 398 AU dhe pasi e kanë detyruar që të zbresë dhe e kanë dhunuar, i kanë marrë makinën dhe janë larguar në drejtim të Fierit.

Drejtuesi i makinës është banor i fshatit Sopez të bashkisë Divjakë dhe ka njoftuar menjëherë policinë, e cila ka ngritur postoblloqe, por nuk ka arritur që të kapë autorët.

Zona ku ka ndodhur grabitja është mbuluar me pamje nga shumë kamera sigurie të bizneseve përrreth e cila mund të ndihmojë policinë për idnetifikimin e autorëve të grabitjes.