Snajper dhe pistoletë, arrestohet një person në Durrës

Arrestohet një person në Portin e Durrësit. Personi, ende i paidentifikuar është kapur me një arsenal armësh. Ai ishte duke u futur në Shqipëri nëpërmjet pikës kufitare të portit të Durrësit, mirëpo pas kontrolleve iu zbulua arsenali i armëve.

Policia zbuloi se në makinë ky person kishte fshehur një snajper, një shotgan dhe një pistoletë. Policia kreu menjëherë arrestimin e tij. Mbetet e paqartë se ku do të përdoreshin këto armë e se cili ishte objektivi.