Aksidenti më i madh në botë, përplasen 200 makina

Një person ka humbur jetën pasi më shumë se 200 automjete u përfshinë në një aksident masiv në një urë në qytetin kinez të Zhengzhou.

Makinat dhe kamionët u grumbulluan njëra mbi tjetrën në urën Zhengxin Huanghe në provincën qendrore Henan pas mjegullës që pushtoi vendin.

Në media dhe rrjetet sociale janë publikuar pa fund pamje që tregojnë se si makinat u bënë grumbull me njëra-tjetrën ndërkohë që pati edhe të lënduar.

Shumë nga të plagosurit u bllokuan në automjetet e tyre dhe departamenti i zjarrfikësve dërgoi 11 kamionë zjarrfikës dhe 66 punëtorë shpëtimi për të ndihmuar njerëzit që kishin mbetur të bllokuar. Dendësia e mjegullës solli shumë vështirësi dhe problematika për drejtuesit e mjeteve pasi nuk mund të shihnin pothuajse fare.

Makinat që udhëtonin në të dy drejtimet mbi urën, një vendkalim kryesor i Lumit të Verdhë, u përfshinë në përplasje të shumta. Policia më vonë mbylli urën për të gjithë trafikun.