Dështimi i luftës në Ukrainë dobësoi Putin

Humbja e Kremlinit në Ukrainë është gjithnjë e më mundshme, kështu pretendojnë historianët amerikanë, duke theksuar se Perëndimit duhet të përgatitet për skenarët e ardhshëm.

Historiani amerikan dhe profesori universiteti i shkencave politike Alexander Motley për “Foreign Policy” ka thënë se kombinimi i një lufte të dështuar jashtë vendit dhe një sistem i brishtë mund të sjellë një shpërthim.

Pavarësisht nëse do të jetë e mirë apo e keqe për Perëndimin, është një rezultat për të cilin politikanët duhet të përgatiten.

Një skenar që meriton shumë më tepër vëmendje është kolapsi i kontrollit dhe federatës së centralizuar, sepse, siç thotë ai, ka një histori të pasur të kolapsit të shtetit pas luftërave, revolucioneve, kolapsit të sistemit, krizave ekonomike dhe ngjarjeve të tjera epokale.

Në kushtet e sotme, ai vazhdon të thotë, mund të duhet vetëm një shkas për ta shtyrë sistemin drejt kolapsit. Lufta e dështuar me Ukrainën, e cila ekspozoi dobësinë e Putinit dhe vendit të tij, mund të jetë shkëndija që do të rrëzojë institucionet e rraskapitura ruse.

Por nëse shfaqet një shkëndijë, një kolaps i mundshëm rus do të ishte destabilizues dhe i dhunshëm dhe mund të përfshijë luftë civile, të paktën kështu mendon historiania Marlene Laruelle, drejtore e Institutit për Studime Evropiane, Ruse dhe Euroaziatike të Universitetit George Washington.

As politika perëndimore dhe as vetë Putini nuk mund të bëjnë shumë për ta ndaluar atë. Kjo pasi Rusia tashmë është e ngarkuar me kriza institucionale të rrënjosura thellë, të cilat janë rënduar shumë nga njeriu që e bëri Rusinë të brishtë dhe të paqëndrueshme dhe gjeneroi shkëndijën e mundshme që do të prodhojë rënien e Putin, shkruan  më tej  “Forin Polisi”.