Kapshticë/ Theu masën ‘arrest shtëpie’, vihet në pranga i riu

Një 31-vjeçar i dënuar me arrest shtëpie nga Gjykata e Krujës është arrestuar nga policia e Kapshticës teksa po hynte në Shqipëri. I prangosuri, i identifikuar me iniciale V.B., 31-vjeç, po hetohet për veprën penale “Shkelja e rregullave të qarkullimit rrugor”, me pasojë plagosjen e rëndë.

Njoftimi i policisë

Shërbimet e Stacionit të Policisë Kufitare Kapshticë ndaluan shtetasin V.B, 31 vjeç, banues në Shënvlash, Durrës, pasi u konstatua në hyrje të Republikës së Shqipërisë, në kundërshtim me vendimin e Gjykatës së Rrethit Gjyqësor Krujë, e cila i kishte caktuar masën e sigurisë “Arrest në shtëpi”, për veprën penale “Shkelja e rregullave të qarkullimit rrugor”, me pasojë plagosjen e rëndë. Veprimet e mëtejshme procedurale do të kryhen nga Komisariati i Policisë Durrës.