Aksidenti/ Makina del nga rruga dhe bie në përrua, humbin jetën burrë e grua

Mësohet se 55 vjeçari Arjan Yze ka humbur kontrollin e automjetit duke përfunduar në përrua dhe fatkeqësisht ka ndërruar jetë edhe gruaja e tij e identifikuar si Majlinda Yze, 50 vjeçe, e cila ishte pasagjere.

Makina është parë mëngjesin e sotëm nga drejtues të mjeteve në këtë rrugë.

Lajmi në përditësim…

PRRENJAS- Aksident me dy të vdekur në Prrenjas. Policia bën me dije se një 55-vjeçar nga Devolli ka humbur kontrollin e mjetit duke përfunduar në përroin e Legajcës. Raportohet se 55-vjeçari së bashku me bashkëshorten kanë ndërruar jetën, ndërkohë vijon puna për të nxjerrë trupat e pajetë.

Njoftimi i policisë: 

Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.

Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet. Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet. Grupi hetimor vijon punën për zbardhjen e plotë të rrethanave të këtij aksidenti.