Big Brother VIP Albania 5 nis shumë shpejt, zbulohen 6 emrat që përfliten si banorë të rinj

Gjashtë personazhe të njohur të muzikës dhe televizionit përfliten si pjesëmarrës të mundshëm në edicionin e pestë të Big Brother VIP Albania. Mes tyre janë Bujar Qamili, Mira Konçi, Robert Berisha dhe reperi Fero…

Kanë nisur të qarkullojnë emrat e parë të personazheve që mund të bëhen pjesë e edicionit të pestë të Big Brother VIP Albania.

Gjatë emisionit “Ftesë në 5” në Top Channel është diskutuar një listë me gjashtë emra të njohur që përfliten si banorë të mundshëm të këtij edicioni.

Bëhet fjalë për këngëtarët Bujar Qamili, Mira Konçi dhe Robert Berisha, moderatoren Viola Spiro, Deta Kokomanin dhe reperin Fero.

Vip Magazine shkruan gjithashtu se ka konfirmuar pjesëmarrjen e Feros, ndërsa për pesë personazhet e tjerë nuk ka ende një konfirmim zyrtar nga produksioni.

Megjithatë, lista e plotë e banorëve të Big Brother VIP Albania 5 nuk është bërë ende publike. Mbetet për t’u parë se cilët prej emrave të përfolur do të hyjnë në shtëpinë e këtij edicioni.