La motorin dhe mori “Land Roverin”/ Kjo është makina me të cilin u largua vrasësi i Nikulaj

Këto janë disa foto të shkëputura nga kamerat e sigurisë, ku duket një makinë “Land Rover” me targa zvicerane, që mendohet se i përket vrasësit të biznesmenit Ardian Nikulaj. Mësohet se pas lëvizjes me motor, vrasësi është larguar me këtë automjet. Makina është filmuar në fshatin Kukel në Shkodër, e cila dyshohet se ndihmoi të arratisej nga vendi i ngjarjes vrasësin e Ardian Nikulaj. Deri më tani nuk ka asnjë gjurmë për gjetjen e kësaj makine, përveç këtyre pamjeve. Kujtojmë se biznesmeni Ardian Nikulaj u vra në Shëngjin më 19 prill 2023 në lokalin e tij. Ai ishte duke pirë kafe dhe duke folur në telefon, kur një person i maskuar si motorist e ekzekutoi me 7 plumba.