Politike
PROTESTA/ RAMA: KA NJE SKENAR DESTABILIZIMI
Pak përpara nisjes së protestave të paralajmëruara për sot, kryeministri Edi Rama ka dalë në një deklaratë për mediat, i shoqëruar nga ministri i Brendshëm, Ervin Demo, ku ka komentuar situatën dhe zhvillimet që pritet të shoqërojnë tubimet.
Rama deklaroi se Shqipëria është në kontakt të vazhdueshëm me Italinë dhe Francën, duke pretenduar se edhe këto vende po përballen me trazira dhe janë në gatishmëri.
Kryeministri e cilësoi qëllimin e protestave si destabilizim të vendit dhe devijim të rrugës së Shqipërisë, ndërsa pretendoi se pas personave të përfshirë në akte dhune qëndrojnë krimi i organizuar dhe aktorë të huaj. Ai kritikoi gjithashtu atë që e quajti relativizim të dhunës në emër të studentëve, duke pranuar njëkohësisht se ekzistojnë problematika që kërkojnë zgjidhje.
“Së bashku me të dyja këto vende jemi në kontakt të vazhdueshëm duke qenë se njëkohësisht në të tria vendet tona flama e terrorit urban të ANTIFA-s është shfaqur me forcën e vet të verbër dhe ndërkohë kemi një sërë specifikash që i ndjekim me shumë kujdes.
Qëllimi është shumë i qartë destabilizim i vendit dhe devijim i rrugës sonë duke na kthyer pas në të shkuarën. Natyrisht që pas atyre personave, qëndorjnë krimi i organizuar dhe duar të huaja. Ajo që më bëri më shumë përshtypje ishte reagimi i ekraneve të korruptuara ndaj një liste që të gjithë do t’i bënte të reflektonin dhe relativizimi i mëtejshëm i dhunës gjithnjë në emër të studentëve.
Këtu nuk ka asnjë moment tjetër transformues përveçse një sfide të hapur me probleme që kërkojnë adresim, të shoqërisë, të familjeve të zakonshme, të tëra legjitime dhe dhunës, gjuhës së gurit, hurit, zjarrit, urrejtjes, ofendimeve e kërcënimeve që nuk mund të fitojë një status qytetarie nëse nuk duam një të nesërme të sigurtë”, tha Rama.
Protestat, Rama: Së shpejti publikojmë masat! I kam dëgjuar ankesat për 4 muaj, dialogun e duan por kanë frikë mos etiketohen tradhtarë
Qeveria do të paraqesë së shpejti paketa masash lidhur me kërkesat për meritokraci, por edhe për sigurinë. Kryeministri Edi Rama thotë se i ka dëgjuar për 4 muaj pretendimet e protestuesve dhe dialogu është e vetmja rrugë. Ai tha se e di që e dëshirojnë, por kanë frikë nga etiketimet mes njëri-tjetrit.
“Në anën e asaj pjese pa diskutim të respektueshme dhe të respektuar të shoqërisë që kërkon më shumë mbështetje, meritë, në shkallën e promovimit të aftësive, kërkon më shumë mundësi për t’u strehuar pa iu marrë krejt fryma nga kostoja e strehimit në Tiranë, rishpërndarje dhe barazi sociale, ne jemi absolutisht të fokusuar dhe së shpejti do të bëjmë me dije cilat do të jenë masat që do të marrim. Në anën e sigurisë, në bashkëpunim me partnerët tanë, do të dalim shumë shpejt me propozime e masa shumë konkrete. Kush thotë se deri më sot paskam dhe paskemi qenë indiferentë, harrojnë që për 4 muaj unë kam dëgjuar më shumë se çdokush tjetër sepse unë kam qenë lart në zyrë, ata duke sharë e ofenduar poshtë zyrës, pa thënë asgjë konkrete. Unë nuk kam ndërmend të tregoj komunikime me mesazhe me ata që ishin poshtë dhe e kanë dashur dialogun, por i ka mbajtur frika ndaj njëri-tjetrit se cilësohen si tradhtarë. Ka pasur edhe një komponent kriminelësh që kanë qenë të pranishëm që kanë bërë të tyren”, tha Rama.
Kryeministri Rama: Dhuna në tubime u shkaktua nga persona të radikalizuar nga ANTIFA dhe krimi i organizuar, protesta bëhet për t’u dëgjuar, jo për të përmbysur qeverinë me forcë
Kryeministri Edi Rama është shprehur se dhuna e shkaktuar në protestat e ditëve të fundit, është shkaktuar nga persona të radikaluzuar nga ANTIFA, feja dhe krimi i organizuar.
Komentet Rama i bëri në një konferencë për mediat, ku tha se nuk është masa më e madhe e njerëzve që kryejnë akte dhune gjatë protestës.
Teksa ripërsëriti ftesën për dialog, Rama tha se protestat në të gjithë botën bëhen për t’u dëgjuar, jo për të përmbysur qeverinë me dhunë.
“Ne jemi duke punuar intensivisht për të adresuar të dy anët e kësaj medaljeje. Jemi shumë të vëmendshëm në raport me arsyet reale dhe me shkaqet që bëjnë shumëkënd përtej faktit që votojnë apo nuk votojnë për mua, që të ndjejnë nevojën për të protestuar, përsa kohë që janë të distancuar nga dhuna. Ai terror urban u shkaktua jo nga një masë e madhe njerëzish por nga njerëz të radikalizuar nga ANTIFA, të radikaluzuar fetarë dhe të radikaluzuar nga krimi për të ushtruar dhunë. Rruga e protestës paqësore është rruga që çon te dialogu. Dje kam pasur një bisedë miqësore telefonike me një pedagog të Mjekësisë, i njohur për qëndrimet e tij në anën tjetër të spektrit politik. I thashë që një protestë bëhet për t’u dëgjuar. Për t’u ulur në tryezë. Nuk bëhet për të përmbysur qeverinë apo shumicën qeverisëse me dhunë. Natyrisht kur kjo protestë nuk është protestë e një partie politike, por e një segmenti qytetar. E pyeta se përse është bërë pjesë e atij grupi. Arsyet që më tha ishin të gjitha gjëra që lidheshin me arsye krejt specifike e legjitime. Unë i thashë ne ulemi dhe e diskutojmë. Pra një protestë bëhet kur Qeveria nuk është e gatshme të dëgjojë, në të kundërt këmbëngulja në protestë është pa sens. Dhuna është një krim i ndëshkueshëm. Kjo është edhe arsyeja pse ne jemi duke punuar në të gjitha drejtimet”, tha mes të tjerash Rama.
Kryeministri Rama: Dhuna në tubime u shkaktua nga persona të radikalizuar nga ANTIFA dhe krimi i organizuar, protesta bëhet për t’u dëgjuar, jo për të përmbysur qeverinë me forcë (VIDEO)
Komentet Rama i bëri në një konferencë për mediat, ku tha se nuk është masa më e madhe e njerëzve që kryejnë akte dhune gjatë protestës.
Teksa ripërsëriti ftesën për dialog, Rama tha se protestat në të gjithë botën bëhen për t’u dëgjuar, jo për të përmbysur qeverinë me dhunë.
“Ne jemi duke punuar intensivisht për të adresuar të dy anët e kësaj medaljeje. Jemi shumë të vëmendshëm në raport me arsyet reale dhe me shkaqet që bëjnë shumëkënd përtej faktit që votojnë apo nuk votojnë për mua, që të ndjejnë nevojën për të protestuar, përsa kohë që janë të distancuar nga dhuna. Ai terror urban u shkaktua jo nga një masë e madhe njerëzish por nga njerëz të radikalizuar nga ANTIFA, të radikaluzuar fetarë dhe të radikaluzuar nga krimi për të ushtruar dhunë. Rruga e protestës paqësore është rruga që çon te dialogu. Dje kam pasur një bisedë miqësore telefonike me një pedagog të Mjekësisë, i njohur për qëndrimet e tij në anën tjetër të spektrit politik. I thashë që një protestë bëhet për t’u dëgjuar. Për t’u ulur në tryezë. Nuk bëhet për të përmbysur qeverinë apo shumicën qeverisëse me dhunë. Natyrisht kur kjo protestë nuk është protestë e një partie politike, por e një segmenti qytetar. E pyeta se përse është bërë pjesë e atij grupi. Arsyet që më tha ishin të gjitha gjëra që lidheshin me arsye krejt specifike e legjitime. Unë i thashë ne ulemi dhe e diskutojmë. Pra një protestë bëhet kur Qeveria nuk është e gatshme të dëgjojë, në të kundërt këmbëngulja në protestë është pa sens. Dhuna është një krim i ndëshkueshëm. Kjo është edhe arsyeja pse ne jemi duke punuar në të gjitha drejtimet”, tha mes të tjerash Rama.
‘Terror urban që kërkonte gjunjëzimin e Qeverisë’- Rama paralajmëron: Përgjigja e shtetit, e zgjatur dhe intensive! Frymëzuesit e dhunës do e paguajnë financiarisht, ndërsa ushtruesit penalisht
Kryeministri Edi Rama ka paralajmëruar se të gjithë personat që kanë ushtruar dhunë gjatë protestave në Tiranë, do të paguajnë.
Në një konferencë për mediat, Rama tha se ushtruesit e drejtpërdrejtë të dhunës do të përgjigjen penalisht, ndërsa frymëzuesit e dhunës, financiarisht.
Duke i cilësuar protestat e dhunshme në Tiranë si një terror urban nga ANTIFA, me qëllim gjunjëzimin e shtetit dhe mbjelljen e përçarjes fetare në Shqipëri, Rama tha se organizatorët i kanë bërë llogaritë gabim.
Përgjigja e shtetit ndaj protestuesve të dhunshëm, sipas Ramës, do të jetë e zgjatur dhe këmbëngulëse.
“Nevoja e asaj pjesës së shoqërisë që ka nevojë për një qasje më agresive të Qeverisë ndaj shtrenjtimit të kostove të jetesës, janë fokusi absolut i imi dhe i Qeverisë. Do të ishte ende më mirë që të kishim një dialog me ata që duan t’i artikulojnë këto nevoja dhe idetë e tyre sesi mund të afresohen këto nevoja. Ne do të prezantojmë dita ditës atë që është reflektimi ynë i përditshëm për këtë që po përpiqet të na thotë një pjesë e shoqërisë. Ndërkohë që të gjithë ata që i bëjnë jehonë dhunës, apo ushtrojnë dhunë, duhet të kuptojnë se aq sa ishte intensiv terrori urban, aq do të jetë e zgjatur dhe këmbëngulëse ajo që vjen nga ana e shtetit. Kush mendon se gjunjëzon shtetin, bën kalkulimin më të gabuar. Kush mendon se duke u fshehur nën maskën e studentit mund të sjellë këtu terrorin urban të ANTIFA-s dhe të bëjë punën e atyre që e duan Shqipërinë të përçarë nga ana fetare dhe e duan të ndarë nga historia e saj e lavdishme e tolerancës e mirëkuptimit, duhet ta ketë të qartë që do të paguajë në të gjitha format, si penale për ushtruesit e drejtpërdrejtë të saj, ashtu edhe financiare për hymnizuesit dhe propaganduesit e saj”, tha mes të tjerash Rama.
Berisha paralajmëron Ramën: Beteja me studentët do të jetë fundi yt
Këlliçi në krah të studentëve: Largimi i Ramës, qeveri teknike dhe zgjedhje
Opozita zbret në sheshin e studentëve para Kryeministrisë, deputetët e PD-së në krye
Zbardhet dëshmia e Ermal Beqirit në Francë: Kam korruptuar shtetin, por askush nuk është në burg
Policia e Shtetit: Do të identifikohen personat e maskuar që ushtrojnë dhunë
Plarent Ndreca: Largimi i kryeministrit me dhunë, precedent i rrezikshëm, beteja për zgjidhje politike bëhet në Kuvend
SARA GJORDENI RRËFEN VËSHTIRËSITË E SHTATZËNISË SË DYTË: “LODHEM PAS 14 HAPASH”
