Sako i përmendi nënën, Igli Cara reagon ashpër: Zoti të faltë

Me një retorikë të ashpër sa kërcënimet e Rusisë ndaj Ukrainës, dukshëm si të ishte shkruar nga vetë Edi Rama me fraza halabakësh dhe duke shkelur çdo normë etike, Emirjana Sako për herë të parë në fushatën për zgjedhjet e 14 majit, sulmoi dje rivalin e saj opozitar Igli Cra.

Sikur të mos mjaftonin termat e përdorur dhunshëm për të baltosur figurën e kundërshtarit, Sako e mbyllte deklaratën alla-Rama, duke thënë: “Prandaj i dashur Igli, në 14 maj ti do të kthehesh tek mama në pritje për padronin e radhës, ndërsa unë do vazhdoj punën me Edi Ramën dhe Partinë Socialiste. Bashkia e Durrësit është e durrsakëve që duan të shkojnë vetë përpara dhe kurrë s’do të jetë më e ‘non grata-ve’ dhe e kukullave si puna jote, që me Durrësin i lidhin vetëm hallet dhe interesat personale!”.

Pikërisht për këtë formë të sulmit ndaj kundërshtarit që Sako kishte zgjedhur, Cara është pyetur sot në studion e “Kjo Javë”, duke thënë se ai nuk do ta linçonte kurrë në këtë mënyrë kundërshtarin në njëbetejë politike.

Për më tepër, për Carën, përdorja e familjarëve në fushatë, siç Sako bëri më nënën e tij është në shkelje të çdo rregulli të etikës.

“Unë nuk kam thënë asnjë fjalë për këtë status, por mendova si ka mundësi që një zonjë që është dhe nënë, shkon në atë pikë sa të përmendë nënën e kundërshtarit. E kuptoj që mund të jetë në siklet por është veprim i ulët. Unë nuk do guxoja kurrë siç nuk e kam bërë, të përmend familjarë të rivalët e mi, aq më tepër nënën. Zoti e faltë se të përmendësh nënën e kundërshtarit është nga aktet më të rënda”, tha Cara.

Ai gjithashtu tha se në Durrës nuk është përmbyllur as 50 % e procesit të rindërtimit, ndaj qytetarët në 14 maj duhet të votojnë për ndryshimin.

“E para kryefjala është që bashkia është një derë e mbyllur për qytetarët, sepse është menduar si pronë e një grupi të caktuar, Dako e Sako. Më shumë se gjysma e qytetit ka ujë me ndërprerje, transporti urban lë për të dëshiruar, procesi i rindërtimit një plagë që në këto katër vite ka rënduar në Durrës. Sot nuk është mbyllur as 50% e procesit të rindërtimit.Të gjitha këto do të gjejnë zgjidhje pas datës 14 maj. Socialistët Po manipulojnë njerëzit duke thënë se do japin shtëpi me lista, por të gjitha këto janë propagandë për të fituar vota”, u shpreh Cara.