FOTOT/ Zbulohet pse Habib Rexha qëlloi me dorën e majtë

Habib Rexha, 31 vjeç është në arrati pas vrasjes së Arjan Gosës. 31-vjeçari po kërkohet nga policia, pas ekzekutimit me një plumb në ballë të 48-vjeçarit Arjan Gosa, i cili po pinte një kafe me babain e tij në lokal. Habibi e organizoi vetëm vrasjen dhe largimin nga vendngjarja. Ai e qëlloi viktimën me dorën e majtë, pasi siç shihet në foto, dora e tij e djathtë është e dëmtuar.

Autori, dorën e djathtë e ka të dëmtuar

Vrasja që ka si pistë kryesore hakmarrjen pas vrasjes së muajit mars ku Edmond Gosa dhe Altin Rexha vranë njër-tjetrin, vazhdon të thellojë konfliktin mes dy familjeve. Habib Rexha e kishte menduar më së miri edhe mënyrën sesi do të merrte hak. Njësoj siç Arjan Gosa u vra në sy të të atit, edhe Altin Rexha kishte djalin në dorë, kur Edmond Gosa e vrau. Osman Gosa, një baba pa të dy djemtë nuk ka mundur dot të japë një dëshmi para grupit hetimor.