Përplasjet në veri/ Mediat ndërkombëtare: Trupat e NATO-s ruajnë sigurinë

Tensionet në veri të Kosovës kanë marrë vëmendjen e mediave të huaja.

“Al Jazeera” nëpërmjet një artikulli ka pasqyruar situatë në veri të Kosovës. Ushtarët e NATO-s kanë formuar një kordon sigurie rreth katër bashkive në Kosovë për të ndaluar tensionet. Serbët protestojnë kundër kryetarëve shqiptarë.

Situata e tensionuar është paraqitur sidomos në Zveçan, ku nga policia është përdorur gaz lotsjellës për të bërë të mundur shpërndarjen e turmës së serbëve që synonin të depërtonin barrikadat e sigurisë me qëllim të futeshin në ndërtesën e komunës.

Ndërkohë pala serbe nuk i ka kursyer kritikat ndaj kryeministrit të Kosovës, Albin Kurti. Ka qenë Igor Simiç, nënkryetari i partisë së Listës Serbe, akuzoi kryeministrin e Kosovës Albin Kurti për nxitje të tensioneve në veri.

Në Leposaviç, afër kufirit me Serbinë, trupat paqeruajtëse të SHBA-së me pajisje kundër trazirave vendosën tela me gjemba rreth ndërtesës së komunës për ta mbrojtur atë nga qindra serbë të zemëruar që mblidheshin aty pranë.

“Këtë mëngjes, misioni i KFOR-it i udhëhequr nga NATO ka shtuar praninë e tij në katër komuna të veriut të Kosovës pas zhvillimeve të fundit në zonë”, thuhet në një deklaratë të KFOR-it, ose Forca e Kosovës. Në përputhje me mandatin e tij, KFOR-i është i gatshëm të ndërmarrë të gjitha veprimet e nevojshme për të siguruar një mjedis të sigurt në mënyrë neutrale dhe të paanshme”, thuhet në deklaratë, duke shtuar se komandanti i KFOR-it ishte në kontakt të ngushtë me agjencitë e sigurisë së Kosovës dhe Serbisë.

Në prill të këtij viti, serbët refuzuan të marrin pjesë në zgjedhjet lokale dhe kandidatët shqiptarë fituan garat për kryetar komunash në katër komuna me shumicë serbe me një pjesëmarrje prej 3.5 për qind.

Serbët kërkojnë që qeveria e Kosovës të largojë kryetarët shqiptarë nga bashkitë dhe të lejojë administratat lokale të financuara nga Beogradi të kthehen në detyrat e tyre.

Assed Baig i Al Jazeera, duke raportuar nga Mitrovica, tha se situata “nuk po përmirësohej”.

Gjithashtu ai tregoi se një përfaqësues i NATO-s në vendngjarje i kërkoi një politikani serb që t’u thoshte protestuesve të de-përshkallëzojnë situatën, por zyrtari tha se demonstruesit nuk do të dëgjonin asnjë thirrje të tillë dhe kjo do të nxiste përshkallëzim të mëtejshëm.