Për Kristjan Asllanin intersohet klubi…

Kristjan Asllani nuk gjeti hapësira në sezonin që sapo u mbyll në Serie A, i cili ishte i pari si zikaltër. Megjithëse e mohoi, kjo situatë mund të bëjë që 20-vjeçari të ndryshojë ambient.Interi ka investuar 15 milionë euro për kartonin e Asllanit, i cili mund të nisë një aventurë të re në Premier League te Brighton. Trajneri Roberto De Zerbi ka shprehur simpatinë për futbollin e Kombëtares së Shqipërisë. Tekniku arriti të bënte mrekulli këtë sezon me skuadrën e tij duke u kualifikuar për në Europa League.Dhe vetëm pak ditë më parë ka patur një darkë pune mes teknikut italian të “pulëbardhave” dhe drejtorit sportiv të Interit, Piero Ausilio. Megjithatë mediat nuk kanë mundur të zbulojnë nëse ka pasur negociata serioze.Por nuk përjashtohet mundësia e ndonjë huazimi, pasi tek Interi e shohin 20-vjeçarin si lojtarin e së ardhmes. Gjithsesi, mbetet për t’u parë e ardhmja e Brozovic.