Aktualitet
Vrau shqiptarin pasi e pa me ish të dashurën, jepet dënimi për gjermanin
![](https://ntv.al/wp-content/uploads/2023/07/policia-gjermane.jpg)
Është dënuar e burgim të përjetshëm 30-vjeçari gjerman që qëlloi për vdekje me armë një shqiptar nga Kosova, të dashurin e ish-partneres së tij. Ngjarja ndodhi në Freiburg-Betzenhausen.
Dhoma e jurisë së Gjykatës së Landit të Freiburgut ka ardhur në përfundim se bëhej fjalë për një goditje të shënjestruar në gjoksin e viktimës. Viktima, 31 vjeç, ka ndërruar jetë në spital.
Pasi u dha vendimi, të afërmit e viktimës dhe të dashurës së tij, shpërthyen në duartrokitje.
Gjykata ka pranuar vendimin e prokurorisë, e cila më parë kishte kërkuar dënim të përjetshëm për vrasje me karakteristika rënduese.
I dënuari ka qëndruar në heshtje teksa jepej vendimi, ndërsa pasi kryetari i trupit gjykues po lexonte arsyetimin, i pandehuri 30-vjeçar është shtrirë dhe përlotur.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)