SPECIALE | Asociacioni – “Mashtrim spektakolar”

Statuti i ri “evropian dhe modern” i Asociacionit të Komunave të banuara me shumicë serbe që është ofruar nga pesë emisarët evropiano-amerikanë më 21 tetor u tha që, si i tillë, “nuk tejkalon vijat e kuqe të palëve”; përkatësisht as të Kosovës dhe as të Serbisë. Kjo deklaratë kaloi në heshtje dhe as nuk ngjalli reagime të qeverisë dhe partisë në pushtet, për të cilët, deri kohëve të fundit, secila fjali e ndërmjetësit evropian, Miroslav Lajçak, ishte brum denoncimi për anshmëri ndaj Serbisë dhe padrejtësi ndaj Kosovës. Tash hesapet, pas pranimit të Statutit nga Kryeministri i Kosovës, Albin Kurti, janë krejt tjera.