Protestuesi i Rithemelimit dhe Partisë së Lirisë që rrezikoi jetën e gazetarëve dhe qytetarëve duke u hedhur molotov gjatë protestës para Bashkisë së Tiranës, Sokol Bushkolaj, do të dalë sot para gjykatës ku do të njihet sot me masën e sigurisë.

Prokuroria e Tiranës kërkon burg për 49-vjeçarin.

Prokuroria kërkon arrest me burg për Dritan Nanon i arrestuar si organizator i dhunës barbare ndaj avokatit Sokol Mëngjesi të mërkurën, ende në koma në spital, si dhe për dhëndrin e tij Dorian Alia, një nga dhunuesit, ndërsa 3 të tjerë janë ende në kërkim. Avokati u dhunua mëngjesin e 29 majit sapo la djalin në kopsht në zonën e ish-bllokut. Dorian Alia 32-vjeç u vetëdorëzua pas ngjarjes së rëndë duke dhënë dëshmi që faktoi edhe më shumë dyshimet e policisë, se pas dhunës fshihet Dritan Nano. 58-vjeçari Nano nuk pranonte të likuidonte avokatin sipas kontratës që kishin firmosur, pasi Mëngjesi fitoi gjyqin për pronën e një familje me 8 trashëgimtarë, aty ku sot janë ndërtuar kulla te Diga e Liqenit. Marrëveshja mes palëve (trashëgimtarëve dhe avokatit) është për të përfituar një përqindje të caktuar të pronës së fituar më gjyq, pra jo pagesë, por pjesë e pronës.

Lajm në përditësim…

Një foto e shkrepur nga Behar Bajri, brenda një makine të blinduar ku ishte nën shoqërinë e Kristjan Kokaj, e cila më pas i është dërguar prokurorit të Shkodrës, Xhevahir Lita, është bërë shkak i identifikimit të plotë të Behar Bajrit si përdorues i kodit “9E6STL”.

I forti i Shkodrës udhëtonte me Kristjan Kokaj, djalin e Gasper Kokaj, që është njëherësh Dekani i Fakultetit Juridik në Shkodër dhe pronari i televizionit “Rozafa” në këtë qytet.

Kjo ka sjellë identifikimin katërcipërisht të Behar Bajrit si përdoruesi i këtij kodi “Sky”. Gjithashtu identifikimi i Behar Bajrit është bërë dhe nga vetë prokurori i Shkodrës, Xhevahir Lita, i cili tashmë është marrë i pandehur në dosjen “Metamorfoza” për akuzën e korrupsionin në tre episode dhe “Nxjerrjes së akteve sekrete”

“Ora” shkruan se për shkak se Xhevahir Lita ka bashkëpunuar me prokurorinë e posaçme SPAK,në 11 Prill 2024, dy prokurorët Altin Dumani dhe Arben Kraja, kanë vendosur ti heqin akuzën e “Grupit të strukturuar kriminal”.

Në dëshminë e dhënë nga ambientet e burgut ish-drejtuesi i prokurorisë së Kukësit Xhevahir Lita, tregon qartazi se ka treguar se dy kodet “TIV9E3” dhe “9E6STL”, janë përdorur nga i forti i Shkodrës Behar Brajoviç alias Bajri.

Xhevahir Lita në 15 dhjetor 2023 ndër të tjera ka deklaruar:

“…lidhur me aplikacionin Sky ECC, për të cilin kam mësuar pasi kam lexuar vendimin dhe kam marrë më tepër informacion nga media tani që ndodhem në paraburgim do ju sqaroj gjithçka, pasi bisedat e zhvilluara të pasqyruara në vendimin e gjykatës datë 23 korrik 2023, janë biseda që i kam zhvilluar unë…”. .”…Paraprakisht dua të sqaroj se Behar Brajoviq-it, Pëllumb Gjoka i thirrte me nofkën “Daci” dhe në biseda i jemi referuar me “Daci” pa ja përmendur emrin. Pasi Behari Brajoviq është liruar nga paraburgimi, më ka kontaktuar në aplikacion ku flisja me Pëllumb Gjokën. Me Behar Bajrin kam komunikuar në aplikacion dhe kemi zhvilluar biseda si dhe për rastet kur Behari do u paraqiste për ekzekutimin e masës si dhe tu paraqiste gjatë gjykimit të çështjes së tij…”.

Lidhur me faktin që Behar Brajoviq ka përdorur SkyECC, sipas prokurorisë vlerë paraqet edhe deklarimi i Kristjan Kokaj, i cili është djali i Gasper Kokaj, Dekanit të Fakultetit të Drejtësisë në Shkodër.

Në përdoruesin SkyECC të Behar Brajoviq me kodin “9E6STL” në bisedat e datës 5 dhe 6 Mars 2021, janë shkëmbyer midis Behar Brajoviq dhe Xhevahir Litës fotot e Kristian Kokaj, i ulur në sediljen e pasme të një autoveture si dhe i ulur në një kolltuk në një ambient të mbyllur.

Për këto fakte më datë 4 Prill 2024, oficerët e BKH-së kanë pyetur si deklarues Kristjan Kokaj, i cili pasi i janë paraqitur fotot e shkëmbyera në SkyECC ka deklaruar se personi në fotot e shkëmbyer është vetë shtetasi Kristjan Kokaj.

Kristjan Kokaj deklaron se në fotot ku është i ulur në sediljen e pasme të një makine me filxhan kafeje në dorë ka qenë tek autovetura e Behar Brajoviq ndër tjera ai deklaron:

“…në fotot ku unë jam i ulur pasagjer, foto është bërë në makinën e Behar Brajoviq, dhe foton e ka bërë Behar Brajoviq, pasi aty kam qenë vetëm unë pasagjer dhe Behar Brajoviq shofer, nuk ka patur person tjetër. Makina ka qenë një “Audi” e blinduar por targën nuk ja kujtoj. Ndërsa foto ku kam qenë i ulur në divan, mund të jetë bërë në kafene ose në shtëpinë e Behar Brajoviq nuk di të them saktë…”.

I pyetur nga oficeri se si është ndodhur në autoveturën e Behar Brajoviq, Kristjan Kokaj ka deklaruar se:

“…unë nuk e kujtoj datën e saktë kur ka ndodhur kjo, por duhet të ketë disa vite. Unë mund t’ju shpjegoj lidhur me ditën kur është bërë foto, pasi nuk kam rastisur pasagjer në makinën e Behar Brajoviq përveç këtij rasti. Në ditën që është bërë foto unë kam qenë duke pirë kafe në lagjen time, pranë banesës. Aty ka kaluar Behari dhe nga makina më ka thirrur “…o nipçe hajde një here…”. Kam takuar Beharin dhe më ka thënë: “…hajde bëjmë një xhiro…”. Unë kam marrë kafenë që kisha porositur dhe jam ulur në sediljen e pasme dhe kemi bërë xhiro nëpër qytet. Gjatë kohës që udhëtonim, Behari më ka treguar se deshte të takonte babanë tim, Gasper Kokaj i cili është Dekan i Fakultetit të Drejtësisë Shkodër dhe për këtë arsye më kërkoi që të telefonoja babanë që të komunikonte me Behar Brajoviq…”

Nga këqyrja e komunikimeve të përdoruesve SkyECC “TIV9E3” dhe “9E6STL” janë zbuluar vrasja e Gjin Boriccit, korrupsioni në gjyqësor, sigurimi i kushteve për të kryer vrasjen e Dorian Dulit, Ibrahim Licit, Mustafa Licit, Genc Tafilajt, Kleant Musabelliu e shume episode të tjera si trafik droge dhe kultivim droge.

Tashmë çështja e Behar Bajrit është dërguar për shqyrtim gjyqësor në gjykatën e posaçme, me të pandehur të tjerë si biznesmeni Pëllumb Gjoka, shoferi i tij Edmond Preka, Astmer Bilali, ish-shefi I hetimit të krimeve të rënda në Shkodër Ardit Hasanbegaj, ish-drejtuesi I prokurorisë së Kukësit Xhevahir Lita dhe ish-shefi i operacionales Oltian Bistri.

Ndërsa është ndarë hetimi duke vijuar për personat si Ervis Martinaj, Denis Brajoviç, Klaodor Haka, Prekë Kodra, Aleks Ndreka, Bardhyl Mavraj, Eljo Hato, Arsad Bashli dhe bashkëpuntori i SPAK, Nuredin Dumani.

Nëna e 33-vjeçares shqiptare, e cila u përdhunua nga një 27-vjeçar palestinez në Greqi, ka rrëfyer detaje tronditëse mbi ngjarjen.

Në një prononcim për mediat greke nëna e shqiptares tregon se i riu nga Palestina, pasi kishte abuzuar me të bijën, e kishte goditur me thikë dhe e kishte mbajtur peng në një bodrum.

Ajo tregon se vajza e saj dhe i riu palestinez kishin disa muaj që njiheshin, ndërsa pranon se kjo nuk ishte hera e parë që e bija e saj ishte abuzuar. Nëna e shqiptares thotë se para dy muajsh ishte shënuar një tjetër rast dhune brutale që 27-vjeçari kishte ushtruar ndaj të bijës.

“E kishte goditur shumë kudo. Me dru e hekur nuk e di, e kishte lidhur… e gjeta të zhveshur. Ajo ka frike se nuk është hera e parë që e godet. E ka goditur edhe dy muaj më parë. Ajo e njihte prej muajsh dhe ai e ka dhunuar keq edhe më parë, me plagë në sy në kokë. Madje, edhe tani e ka tërhequr zvarrë dhe e ka goditur”, tha nëna e vajzës shqiptare.

Ajo shtoi më tej se vajza e saj fatmirësisht u shpëtua nga një patrullë policie që ishte aty pranë, të cilët kishin dëgjuar të qara dhe të bërtitura, dhe më pas është dërguar në spital për ndihmë mjekësore.

“Vajza ime u shpëtua nga një mrekulli. Ajo u shpëtua nga policia që dëgjoi të qarat e saj. Ajo është në spital dhe shpresoj që gjithçka të shkojë mirë. Nuk është në gjendje të flasë, është në shok. Me siguri e ka mbajtur me forcë sepse me sa kuptova e kishte mbyllur në një garazh dhe e kishte mbajtur atje për ditë të tëra, donte që ajo të largohej dhe më pas e kishte rrahur në një mënyrë që nuk e di nëse quhet kështu, njerëzore”- tha ajo

Admir Tafilaj, i dënuari tre herë me burgim të përjetshëm nga Drejtësia Shqiptare, është pyetur nga prokuroria e posaçme SPAK, lidhur me konfliktin që ka pasur brenda në burg Behar Bajri me Genc Tafilaj, vëllain e Admirit.

Pyetja e njërit prej eksponentëve më të njohur të botës së krimit në Shqipëri është bërë në 11 Prill 2024 në ambientet e burgut, ku po vuan dënimin me burgim të përjetshëm.

Tafilaj, ka konfirmuar dëshminë e Gencit të dhënë disa ditë para tij, duke treguar se shkak i konfliktit me Behar Bajrin është bërë një borxh prej 20 mijë euro, që njerëzit e Beharit në Shkodër kishin mbetur në një nga Pikat e basteve të Dorian Dulit.

Sipas Admir Tafilaj, ky borxh ka shërbyer dhe si shkëndija e lindjes së konfliktit mes vëllezërve Tafilaj dhe Behar Bajrit, por edhe Dorian Dulit, ku Behari synonte dhe bënte plane të errëta për ti ekzekutuar.

Në dosjen “Metamorfoza” të siguruar nga “Ora News”, tregohet qartë se për të ulur gjakrat dhe zgjidhur konfliktin mes dy palëve të njohura në Shkodër, Admir Tafilaj, ka negociuar dhe me vëllain e madh të Beharit, shtetasin Enver Bajri.

Megjithëse përpjekjeve nga burgu i Admir Tafilaj për të pajtuar palët dhe kthyer shumën prej 20 mijë euro dhe negociatat me Enver Bajrin nuk kanë sjellë asnjë rezultat.

Madje Admir Tafilaj i kërkon Enverit që të ndërhyjë dhe zgjidhë këtë konflikt, pasi kjo ka ndikuar që të prishë dhe marrëdhënien e tij me vëllanë, Admir.

Kjo ka çuar palët që edhe kur kanë dalë nga burgu, si Behar Bajri dhe Genc Tafilaj, të mbajnë pozicione të ftohta dhe ti ruhen njëri-tjetrit. Të njëjtën gjë ka bërë dhe Dorian Duli, i cili ka marrë masa për një sulm të armatosur nga Behar Bajri.

Ndër tjera i dënuari me burgim të përjetshëm Admir Tafili ka konfirmuar konfliktin mes Behar Bajrit dhe Dorjan Dulit si dhe faktin se Behar Brajoviq alias Bajri, ka dashur të vrasë Genc Tafilin dhe Dorjan Dulin.

Njohja mes Admirit dhe Beharit është e hershme, dhe për shkak të kësaj miqësie së bashku kanë qëndruar me netë të tëra në shtëpitë e njëri-tjetrit.

…dua të them se unë këtë person (Behar Brajoviq) e kam njohur që në vitin 1996. Kemi qenë të afërm me njëri-tjetrin kemi shkuar e qëndruar me netë të tëra në shtëpitë e njëri-tjetrit, këto marrëdhënie kanë qenë të afërta deri në vitin 2010 mesa më kujtohet, kohë në të cilën kemi qenë në të njëjtin sektor në burgun e Lezhës. Më pas me këtë shtetas kam bërë debat, për shkak të një borxhi që ky pra, Behari, nuk i njohu shokut tim Dorian Duli. Vëllai im Genc Tafilaj ka takuar nga afër shtetasin Enver Bajri të vëllain e Beharit, ku i ka kërkuar shumën e borxhit të lënë në pikat e basteve që administroheshin nga shoku ynë Dorian Duli, me sa më kujtohet shumë mund të ketë qenë 20-25 000 dollarë apo euro, nuk jam i qartë. Nisur nga këto biseda të mësuara si nga vëllai im Genci ashtu edhe nga vetë Dorian Duli, se njerëzit e Behar Brahoviç (Bajri) ranë dakord të shlyenin me këste këto borxhe, që kujtoj se mund të jenë dhënë vetëm njëherë rreth 1000 dollarë amerikanë. Më vonë kam mësuar se Dorin Duli, ka shkuar edhe ja ka kërkuar edhe Sokol Dulit, i cili ishte menaxher i basteve të Dorit, ky i fundit nuk e mori përsipër kthimin e kësaj shume.

Debatet për kthimin e kësaj shume i kam bërë në burgun e Lezhës edhe ku jam prishur përfundimisht me atë pra, Behar Bajri. Për shkak të afrimitetit që kishte me Dorian Dulin me Gencin, nga ky i fundit kam mësuar edhe për faktin që Behari kërkonte të më dëmtonte edhe Dorian Dulin, vetëm sepse ishte lidhje e jona. Genci, që në këtë moment më ka mbajtur mëri edhe mua për shkak të Beharit, dhe kujtoj që këtu unë kam kontaktuar edhe me Enver Bajrin, ku i kam kërkuar që të kthejë borxhet e lëna nga njerëzit e tyre në pikat e basteve të Dorit, sepse po më vendosnin në debate edhe me vëllain tim. Dua të shtoj se Genci më ka thënë disa herë se Behari është shpreh në burg apo edhe jashtë se Behari do që të më dëmtojë apo godas mua. Genci edhe pasi është liruar në vitin 2017 më ka thënë që ruhet nga Behari e njerëzit e tij se duan të më bëjnë dëm. Po ashtu edhe Dori me telefonata apo edhe në takime që kam pasur me të si në burgun e Lezhës ashtu edhe të Elbasanit në takimet që kam pasur me të, të cilat mund të verifikohen në regjistra…”.

/Ora News