Connect with us

Aktualitet

Eliminim nga Irani? Trump: Nëse e bën, SHBA e fshin nga harta

Presidenti Donald Trump tha se nëse aludimet se Irani po planifikon vrasjen e tij janë të vërteta dhe kjo ndodh, Amerika do ta shfarosë një herë e mirë nga harta. Ai iu përgjigj dhe hipotezës së kreut të FBI se më 13 korrik veshi iu dëmtua nga një cifël e jo plumb se hipoteza është e pabazuar në hetime

Nëse Irani më vret shpresoj se Amerika ta zhdukë atë nga faqja e dheut. Kështu iu përgjigj republikani Donald Trump aludimeve se Teherani zyrar po planifikon eleminimin e tij fizik.

Ish presidenti Trump postoi në rrjetin e tij social “Truth” një pjesë nga fjala e kryeministrit izraelit Benjamin Netanyahu para Kongresit amerikan, i cili përsëriti hipotezën se Irani synon vrasjen e Trump. “Nëse ata bëjnë ‘vrasjen e Presidentit Trump’, që është gjithmonë një mundësi, shpresoj që Amerika ta fshijë Iranin, ta fshijë atë nga faqja e dheut. Nëse kjo nuk ndodh, liderët amerikanë do të konsiderohen frikacakë”, tha Trump.

Ndërsa së fundmi, ish-presidenti ka kritikuar edhe kreun e Byrosë Federale të Investigimit, Christopher Wray, pas dyshimeve që ky i fundit ngriti në Kongres, se ish presidenti mund të jetë goditur në vesh nga një cifël dhe jo një plumb.

Sipas republikanit 78-vjeçar, FBI nuk ka kryer asnjë hetim, për të bazuar deklaratën e kreut të saj.

Related Topics:
Advertisement