Vetëm 36 ditë si ministër, Ervin Hoxha shkakton ”tërmet” ndryshimesh në Policinë e Shtetit

Ervin Hoxha, Ministër i Punëve të Brendshme në detyrë prej 1 gushtit ka patur pak dalje publike e deklarime mediatike.

Pavarësisht këtij profili të ulur, këto 36 ditë në detyrë, i ka përdorur për të hartuar një mori me ndryshime të thella në Ministrinë që drejton.

Gazetarët  Doriana Bezat dhe Muhamed Veliu, duke iu referuar burimeve nga Ministria e Punëve të Brendshme dhe qeveria kanë mundur të mësojnë atë që pritet të shpalosë ministri Hoxha paraditen e së premtes.

Priten ndryshime të shumta në Drejtorinë e Përgjithshme të Policisë së Shtetit dhe drejtuesit e drejtorive vendore.

Sikurse priten ndryshime edhe në drejtimin e drejtorive në varësi në Ministrisë së Brendshme.