Rruga e kurthit, loja në prapaskenë e Aleksander Vuçiç

“Ne vazhdimisht themi se po përpiqemi ta ndajmë Serbinë nga Rusia dhe presidenti Aleksander Vuçic është shumë i lumtur të pretendojë se edhe ai e dëshiron atë, por se i duhet më shumë kohë dhe hapësirë ​​dhe keshtu po luan me të dyja palët” – tha për Radion Evropa e Lirë Kurt Volker, ish-ambasador i SHBA-së në NATO dhe i dërguar i posaçëm për Ukrainën.

“Kjo është ajo që SHBA-ja dhe Franca thonë se është politika e tyre – ne duhet ta ndajmë Serbinë nga Rusia. Por më pas, që kjo te bëhet duke fuqizuar personi që ruan marrëdhëniet mes Rusisë dhe Serbisë. Por nën dirigjimin e Vuçiq, ne pamë forcimin e nacionalizmit serb, përpjekjet për të minuar Malin e Zi, për të mbështetur Milorad Dodik dhe për të minuar Bosnjën dhe Hercegovinën”- vlerësoi Volker

Ai u shpreh se Perëndimi po përfshihet shumë me presidentin serb teksa ngadalë po humbet Bosnjën dhe Hercegovinën, Malin e Zi dhe Maqedoninë e Veriut.

“Ekziston një thënie në SHBA që thote se shpenzojmë më shumë kohë për armiqtë tanë sesa për miqtë tanë. Vuçiq nuk është armik, por ne shpenzojmë më shumë kohë duke u marrë me marrëdhëniet me të sesa për të promovuar vlerat demokratike, institucionet dhe reformatorët në pjesën tjetër të Ballkanit Perëndimor” – theksoi Volker, I cili beson se Vuçiq do të vazhdojë politikën e tij pafundësisht

“Mendoj se Vuçic nuk e ka në mendje ndonjë pikë përfundimtare. Për dikë në pozicionin e tij, është si të ngasësh një biçikletë, ai duhet të vazhdojë kështu përgjithmonë, duke xhongluar me të gjitha topat. Dhe ky është një synim më vete, vetëm për të qenë në pushtet” –  theksoi Volker.

Kurt Volker, ish-ambasador i SHBA-së në NATO dhe i dërguar i posaçëm për Ukrainën, I pyetur nese Marrëveshja për shitjen e avionëve luftarakë francezë Rafale Serbisë është një veprim strategjik i Beogradit apo është një marrëveshje e zakonshme tregtare, ish ambasadori I NATO-s u shpreh: – Le të fillojmë nga pala franceze. Nëse Franca mund t’i shesë avionët, do t’i shesë. Prandaj, nuk është politikisht e rëndësishme për Francën. Tashmë nga pikëpamja e biznesit, asaj i pëlqen ideja që njerëzit të blejnë Rafale. Pra, është thjesht biznes, kurse nga ana serbe, ka disa gjëra në lojë.

Mendoj se Vuçiq në thelb po përpiqet ta bëjë Serbinë, le të themi, një Rusi në Ballkan. Pra, një komb dominues në Ballkanin Perëndimor që luan kartën e minoritetit serb në vende të tjera, duke u mbështetur në një masë të madhe tek Rusia, burimet e saj energjetike dhe Kisha Ortodokse Ruse. Megjithatë, ajo ende përpiqet të ruajë një farë lirie manovrimi dhe pavarësie. Prandaj, disa kontrata dhe marrëdhënie me vende të tjera e ndihmojnë Vuçiqin në marrëdhëniet me Rusinë. Gjithashtu e ndihmon atë ta portretizojë Serbinë si më të orientuar drejt reformave sesa është në të vërtetë” – deklaroi Walker, sipas te cilit Vuçiq po luan një rol të madh në prapaskenë në favor të nacionalizmit serb si edhe po përdor ndikimin rus si atu në marrëdhëniet e tij me SHBA-në dhe BE-në

“Vuçic është si Tito, ai luan shumë letra. Tito luajti kartën e Lindjes, Perëndimit, Lëvizjes së të Paangazhuarve. Vuçic po luan gjashtë apo shtatë letra që janë reciproke, nëse jo armiqësore, atëherë mjaft të kundërta, që do të thotë Shtetet e Bashkuara dhe Evropa në njërën anë dhe Kina dhe Rusia nga ana tjetër. Tani me te drejte lind pyetja: Edhe per sa kohë mund të vazhdojë Vuçiq te luaj këtë lojë në anë te ndryshme?