Pasojat e gafës në Uashington/ Rutte: Nuk është koha për përçarje

Gjatë seancës së djeshme të Komitetit të Inteligjencës, disa vunë në pikëpyetje nëse aleatët evropianë do të hezitonin të ndajnë inteligjencën me SHBA-në, pas raportit të The Atlantic.

Por sekretari i përgjithshëm i NATO-s, Mark Rutte tha se SHBA-ja është e besueshme.

“Absolutisht, mund t’u besojmë amerikanëve, po. Ata janë partneri ynë më i madh, aleatët më të mëdhenj në NATO”, tha Rutte.

Ai i bëri komentet duke folur para gazetarëve pas një fjalimi në Shkollën Ekonomike të Varshavës.

“Më lejoni të jem absolutisht i qartë, nuk është koha për tu ndarë.”, shtoi sekretari i përgjithshëm i NATO-s.

“Jo për Evropën apo Amerikën e Veriut. Sfidat globale të sigurisë janë shumë të mëdha që secili prej nesh të përballet vetë. Kur bëhet fjalë për mbajtjen e sigurt të Evropës dhe Amerikës së Veriut, nuk ka alternativë përveç NATO-s”, përfundoi Rutte.