Vuçiç: Do të ketë shumë probleme me zgjedhjet në Kosovë

Presidenti serb Aleksandar Vuçiç paralajmëroi se do të ketë shumë probleme me zgjedhjet lokale në Kosovë, ku kryeministri në detyrë i Kosovës, Albin Kurti, po përpiqet të pengojë Listën Serbe të marrë pjesë në to, si dhe të zgjedhë Nenad Rashiçin si nënkryetar të parlamentit, edhe pse do të duhej të zgjidhte Slavko Simiçin si kandidat të Listës Serbe.
Kur u pyet për vendimin e KQZ-së së Bosnje Hercegovines për të shpallur zgjedhjet presidenciale në Republikën Serbe, por edhe për deklaratën e presidentit të atij organi se “nëse askush në Republikën Serbe nuk kandidon për post, votuesit nga Federata do ta marrin vendimin”, Vuçiç theksoi se kjo është një deklaratë shumë e rrezikshme, e cila sugjeron se ata po ndërmarrin të njëjtin skenar si në veri të Kosovës.
“Disa po luajnë pa e kuptuar se nuk është koha për të përdorur forcën ndaj dikujt tjetër”, tha Presidenti i Serbisë gjatë një paraqitjeje në Televizionin Pink.
Ai theksoi se kjo është diçka që do të duhet të kapërcehet për të ruajtur paqen dhe stabilitetin, për të cilën Serbia do të bëjë çmos.
Duke folur për rrugën evropiane të Serbisë, Vucic vuri në dukje se është e vështirë për të t’u shpjegojë të gjithë qytetarëve pse rruga evropiane është e rëndësishme, sepse shumë prej tyre, të udhëhequr nga emocionet, preferojnë Rusinë