Bota
Franca dhe Gjermania thellojnë bashkëpunimin për mbrojtjen, premtojnë ndihmë ushtarake për Ukrainën
Nga Touloni vijnë zhvillime të rëndësishme në kuadër të sigurisë europiane, ku presidenti francez Emmanuel Macron dhe kancelari gjerman Friedrich Merz morën pjesë në Këshillin e 25-të të Ministrave franko-gjerman, një takim simbolik që nënvizon vendosmërinë e dy vendeve për të përballuar sfidat e përbashkëta të sigurisë.
Në përfundim të takimit u publikua një deklaratë e përbashkët, ku Franca dhe Gjermania shprehen se do të thellojnë bashkëpunimin në fushën e mbrojtjes, duke përfshirë nisjen e një “dialogu strategjik” për parandalimin bërthamor, si dhe një harmonizim më të gjerë të politikave të tyre të sigurisë kombëtare.
Ndër pikat kyçe të dokumentit është edhe angazhimi për t’i siguruar Ukrainës më shumë sisteme të mbrojtjes ajrore, një hap që vjen në një moment kur Kievi përballet me sulme të vazhdueshme nga forcat ruse.
“Pavarësisht përpjekjeve intensive diplomatike ndërkombëtare, Rusia nuk tregon asnjë qëllim për t’i dhënë fund luftës së saj të agresionit kundër Ukrainës”, thuhet në deklaratë, duke lënë të kuptohet se mbështetja europiane për Kievin nuk do të zbehet.
Kjo qasje e përbashkët shënon një hap domethënës drejt një mburoje europiane më të koordinuar, në një kohë kur sfidat globale kërkojnë unitet dhe veprim të përbashkët mes aleatëve.
Macron i prerë për mandatin e tij si president: Do ta çoj deri në fund
“Çfarë është e gatshme të ofrojë Evropa për të mbrojtur Ukrainën?” DW: Nga do të vijnë paratë?
Të gjithë sytë nga takimi Putin-Zelensky, por lideri rus ndryshon axhendë, fluturon drejt Pekinit
Rama i përgjigjet KLGJ-së: Të mos harxhojnë kohën e tyre për të gjykuar se si e bëj unë punën
Turqia reagon me tone të ashpra, kërkon pezullimin e anëtarësimit të Izraelit në OKB
Merz i bindur: Lufta në Ukrainë mund të zgjasë edhe për shumë muaj të tjerë
U gjet i dekompozuar brenda banesës së tij në Korçë, identifikohet 75-vjeçari (EMRI)
