Putini: Besoj se lufta me Ukrainën po shkon drejt fundit

Presidenti rus Vladimir Putin deklaroi sot se luftës në Ukrainë po i vjen fundi. Këto komente erdhën vetëm disa orë pasi ai u zotua për fitore në Ukrainë gjatë paradës së Ditës së Fitores në Moskë, e cila konsiderohet si një nga paradat më të vogla të zhvilluara në vitet e fundit.

“Mendoj se çështja po merr fund”, u tha Putin gazetarëve për luftën Rusi-Ukrainë, konfliktin më vdekjeprurës të Evropës që nga Lufta e Dytë Botërore.

Gjithashtu, ai deklaroi se është i gatshëm të negociojë marrëveshje të reja sigurie për Evropën dhe shtoi se partneri i tij i preferuar për bisedime do të ishte ish-kancelari gjerman Gerhard Schröder.

Pushtimi rus i Ukrainës në vitin 2022 shkaktoi krizën më të rëndë në marrëdhëniet mes Rusisë dhe Perëndimit që nga Kriza e Raketave Kubane të vitit 1962, kur shumë njerëz kishin frikë se bota ishte në prag të një lufte bërthamore.