Përplasje te Kryeministria/ Policia përdor spraj lotsjellës ndaj studentëve

Protesta e studentëve përpara Kryeministrisë është shoqëruar me tensione dhe përplasje me forcat e policisë. Gjatë tubimit, efektivët kanë përdorur spraj lotsjellës për të shpërndarë turmën, ndërsa disa prej protestuesve janë shoqëruar në komisariat.

Situata është përshkallëzuar në momentet e përplasjes mes studentëve dhe policisë, duke ndërprerë përkohësisht zhvillimin e protestës në zonën përpara godinës së Kryeministrisë.

Deri më tani nuk ka një informacion zyrtar mbi numrin e personave të shoqëruar në komisariat. Ndërkohë, protesta vijon të jetë në fokus për shkak të tensioneve të regjistruara mes protestuesve dhe forcave të rendit.