Reperi i famshëm shqiptar, Gashi tregon fillimet e tij në karrierë: Kisha 3 punë dhe sërish isha i…

Reperi i famshëm shqiptar, Gashi është një ndër shembujt më të mirë se suksesi mund të arrihet me shumë punë. Ai i ka ngjitur një nga një shkallët e karrierës edhe pse shpesh ka hasur në probleme.

Së fundmi, reperi ka publikuar një nga videoklipet e tij të para, që është realizuar 10 vite më parë. Gashi ka treguar se asokohe ishte në 3 punë dhe sërish ishte i varfër. Megjithatë ai ka dhënë një mesazh të fortë, duke u shprehur se kurrë nuk hoqi dorë dhe sot është këtu ku është.

“Isha në 3 punë kur kam xhiruar këtë video. Dhe sërish isha i varfër. Por gjëja më e mirë ishte se nuk u dorëzova… vazhdova përpara”, ka shkruar Gashi.

Më pas ai ka postuar videon nga spektakli i Jimmy Fallon, ku moderatori shfaqet duke mbajtur albumin “1984” të Gashit në duar. Reperi shprehet se 10 vite punë ja kanë vlejtur për të arritur një mbrëmje të tillë të madhe suksesi.