Kronike

Dëshmia e Dumanit që nxorri ‘zbuluar’ Ervis Martinaj

Nuredin Dumani në dëshminë e tij të të penduarit tregoi dhe porositësin e vrasjes së Indrit Dokles. Sipas tij, ishte Ervis Martinaj, i cili sot ka ngritur më këmbë policinë pas denoncimit të të afërmve ditën e djeshme 10 gusht, që porositi vrasjen e Dokles, i cilësuar edhe si numri 2 i Bandës së Durrësit, të drejtuar nga Lulzim Berisha.

Ai kishte lënë qelinë më janar të vitit 2020, me vendim të ish-gjyqtares të Krujës Enkelejda Hoxha. Pikërisht koha kur ndaj tij, sipas rrëfimit të Dumanit, porositet eliminimi.

Nga kjo dëshmi e Dumanit, Ervis Martinaj u shpall në kërkim ndërkombëtar, pasi nuk u gjet në banesë gjatë kontrollit policor, në kuadër të operacionit ‘Plumbi i Artë’.

“Unë kam marrë porosi nga Ervis Martinaj për të vrarë Indrit Doklen. Kam rënë dakord që Ervisi të më jepte për vrasjen e Indritit, shumën prej 500 mijë euro. Dhe se për të kryer këtë vrasje, kam marrë paradhënie 100 mijë euro.”, tha Nuredin Dumani. Po sipas dëshmisë së Nuredin Dumanit, në emër të Ervis Martinaj, për të siguruar mjetet për të ekzekutuar Indrit Doklen, ai ka shkuar edhe në Kosovë. “Në emër të Ervisit kam vajtur dhe kam takuar në Kosovë dy shtetas, një i thirrur Eli dhe një tjetër që është vëllai i Besian Xhixhës. Gjatë takimit Eli komunikoi me Ervisin dhe më tej me telefonin e Elit, komunikova me Ervisin i cili më propozoi vrasjen e Indrit Dokle.”, tha ai.

Sipas hetimit, personi me emrin Eli që përmend Dumani, është pikërisht Elvin Merlika. Kurse vëllai i Besianit është Alket Xhixha. Të cilët kanë udhëtuar drejt Kosovës me automjetin tip Hummer të cilin e identifikon Nuredin Dumani. Ku gjatë këtij takimi, Nuredin Dumani ka marrë edhe shumën prej 100 mijë euro nga Ervis Martinaj.

Detaje të cilat konfirmohen edhe nga dëshmia përpara hetuesve e Henrik Hoxhaj. “Nuredini më ka dhënë porosi për vrasjen e Indrit Dokles. Në një nga bisedat që në bënin në telefon ai më thotë do gjetur ku është Indrit Dokle dhe duhet të merrnin masa për ta bërë. Çmimi ishte mbi 500 000 euro, pasi sipas Nuredinit personi nga i cili kishte marrë porosinë i kishte thënë kërko sa të duash para. Pasi i kishte lënë dorë të lirë tek çmimi. Nuredini kishte informacion se Indriti jetonte tek një vilë në një kompleks luksoz.”, tha Henrik Hoxhaj. Henrik Hoxhaj shpjegon se vëzhgoi lëvizjet e ish –kreut të njërit prej dy fraksioneve të bandës së Durrësit, por nga mënyra sesi ruhej dhe zona nga ai banonte, për bashkëpunëtorin e drejtësisë, bënin që Indrit Dokle të ishte një “objektiv” jo i lehtë.

“Me makinë me qira kam shkuar deri tek një qendër tregtare për të vënë re nëse mund ta shihja Indritin, por nuk e kam parë. Nga muhabete lart e poshtë kisha dëgjuar se Indriti lëvizte me një fuoristradë të blinduar ‘Toyota’. Në një nga këto lëvizje tek TEG unë e kam parë këtë makinë tek rrotondo që ndodhet tek diga e Liqenit Artificial afër Kopshtit Zoologjik. Thjesht e kam parë por nuk kam bërë asnjë ndjekje. Ky objektiv nuk ishte i lehtë dhe kjo porosi ngeli vetëm me fjalë dhe nuk kam kryer asnjë veprim. Nga bisedat në celular me Nuredinin e kemi lënë pezull dhe kemi biseduar për gjëra të tjera.”, tha Hoxhaj. Lidhur mbi dëshminë e Nuredin Dumanit mbi lëvizjen drejt Kosovës të Alket Xhixhës dhe Elvin Merlikës, sipas hetuesve ato rezultuan të besueshme pas verifikimit të kryer nga ana e tyre.

GRUPI HETUES
Nëpërmjet sistemit TIMS u evidentuan hyrje- dalje të Alket Xhixhës në drejtim të Kosovës. Kjo edhe në verifikim të të dhënave të përftuara nga deklarimi i Nuredin Dumanit. Ky verifikim në sistemin TIMS kishte si synim që të evidentoheshin automjetet me të cilët ka udhëtuar Alket Xhixha në drejtim të Kosovës. Nga këqyrja e sistemit TIMS rezulton se shtetasi Alket Xhixha ka udhëtuar nga Shqipëria për në Kosovë me automjetin tip AB309BZ në datën 18.01.2021, ora 15:23:48 së bashku me shtetasin Elvin Merlika i cili ka qenë në drejtimin e këtij mjeti me orë dalje 15:23:36. Po kështu këta dy shtetas rezulton të jenë kthyer në Shqipëri po në datën 18.01.2021 me të njëjtin automjet me targë AB309BZ.

Elvin Merlika rezulton se ka hyrë nga Pika e Kalimit Kufitar Morinë në datën 18.01.2021, ora 20:08:00 kurse Alket Xhixha me po të njëjtin automjet dhe datë por ora është 20:08:00. Tërësia e këtyre provave krijon dyshimin se Nuredin Dumani, Ervis Martinaj, Elvin Merlika, Alket Xhixha dhe Henrik Hoxhaj, kanë siguruar kushtet dhe mjetet për të kryer vrasjen e Indrit Dokles, kryer në bashkëpunimin në kuadër të grupit të strukturuar kriminal.

Click to comment

Kronike

Përplasi për vd*ekje këmbësorin në Sauk, arrestohet shoferi 21-vjeçar

Një 21-vjeçar është arrestuar nga Policia e Tiranës, pasi ka përplasur për vdekje një këmbësor.

Ngjarja ka ndodhur ditën e djeshme në rrugën Sauk-Teg. Viktimë e aksidentit mbeti një 40-vjeçar.

“Arrestohet shtetasi 21 vjeç, banues në Tiranë, pasi ditën e djeshme, në rrugën e vjetër Sauk-Teg, duke drejtuar mjetin tip “Benz”, ka aksidentuar këmbësorin, shtetasin, 40 vjeç, i cili si pasojë e aksidentit ka humbur jetën.”, thuhet në njoftimin e policisë.

Kronike

EMRI/ I dënuar me 3 vite burg për falsifikim dokumentesh, arrestohet 40-vjeçari

Një 44-vjeçar është arrestuar në Fier pasi akuzohet për falsifikim dokumentesh. Elmir Dashi është arrestuar pasi ai ishte i dënuar me mbi 3 vjet burgim, për veprën penale “Falsifikimi i vulave, i stampave ose i formularëve”. 44-vjeçari në periudhën 2012-2013, kur ka qenë i punësuar në zyrat e kompanisë për prodhimin dhe shpërndarjen e dokumenteve të identifikimit, ka falsifikuar dokumentet e identifikimit të disa personave me precedentë penale, kundrejt përfitimit.

Njoftimi:

Fier/Vijon megaoperacioni i koduar “Sundimi i ligjit”, për kapjen e shtetasve në kërkim. I dënuar me mbi 3 vjet burgim, për veprën penale “Falsifikimi i vulave, i stampave ose i formularëve”, kapet dhe vihet në pranga 40-vjeçari.

Komisariati i Policisë Fier, në zbatim të planit të masave të megaoperacionit “Sundimi i ligjit”, bazuar dhe në informacionet e siguruara në rrugë operative, bëri të mundur lokalizimin dhe kapjen e shtetasit të shpallur në kërkim: Elmir Dashi, 40 vjeç, banues në Fier.

Në bashkëpunim me Sektorin e Krimeve Ekonomike dhe Financiare, u bë ndalimi i këtij shtetasi, pasi Gjykata e Fierit e ka dënuar me 3 vjet, 5 muaj e 1 ditë burgim, për veprën penale “Falsifikim i vulave, i stampave ose i formularëve”.

Ky shtetas, në periudhën 2012-2013, kur ka qenë i punësuar në zyrat e kompanisë për prodhimin dhe shpërndarjen e dokumenteve të identifikimit, ka falsifikuar dokumentet e identifikimit të disa shtetasve me precedentë penale, kundrejt përfitimit. Materialet procedurale i kaluan Prokurorisë, për veprime të mëtejshme.

Kronike

Vr*asja e Azem Hajdarit/ Gjykata e Lartë rrëzon rekursin e Izet Haxhisë

Gjykata e Lartë ka lënë në fuqi vendimin e apelit të vitit 2022 që la në fuqi dënimin me 21 vite burg të Izet Haxhisë për vrasjen e deputetit Azem Hajdari në vitin 1998.

Gjyqatët Ilir Panda, Albana Boksi dhe Medi Bici kanë rrëzuar rekursin e Izet Haxhisë i cili kërkonte prishjen e vendimit dhe kthimin e çështjes për rigjykim me një tjetër trup gjykues për shkelje të rënda të rregullave proceduriale të gjykimit ose në alternativë deklarimin e pafajshëm.

Haxhia u arrestua në Turqi në vitin 2006, pasi ishte në listën e të kërkuarve të Interpol Tiranës por më pas kërkoi strehim politik në Turqi, me argumentin se i rrezikohej jeta. Ndërsa në 2018 Gjykata e Lartë Turke aprovoi ekstradimin e tij drejt Shqipërisë, duke nisur kështu edhe betejën me drejtësinë shqiptare për Haxhinë, i cili kërkoi edhe dëshminë e Sali Berishës dhe të ish-truprojës së Azem Hajdarit, por asnjë prej tyre nuk u mor parasysh nga gjyqtarët e çështjes. Për vrasjen u dënua dhe vëllai i Izetit, Ismet Haxhia me 20 vite heqje lirie, por tani e ka kryer dënimin dhe i është rikthyer jetës normale. Ndërsa bashkëpunëtori tjetër Jaho Salihi (Mulosmani) është dënuar me burg përjetë.

Kronike

U gjet pa jetë në banesë/ Rusi zgjodhi “t’i mbyllë sytë” në Shqipëri, vuante nga…

66-vjeçari rus, që u gjet pa jetë, natën e kaluar, brenda apartamentit të tij në Golem, dyshohet se vdiq për shkaqe shëndetësore.

Nga verifikimet e para të grupit hetimor, ai ishte një pensionist rus që rezultonte dhe i sëmurë me tumor malinj në mëlçi. Vitet e fundit kishte zgjedhur t’i jetonte mes Rusisë dhe Shqipërisë, vendit plot diell ku mbylli dhe sytë. Shtetasi rus kishte leje qëndrimi në vendin tonë. Ai kishte blerë dhe një apartament në Golem, aty ku u gjet pa jetë natën e kaluar.

Rreth orës 22:00 të së shtunës, policia e Kavajës pasi u njoftua se 66-vjeçari rus, i cili jetonte në katin e tretë të një pallati në plazhin e Golemit, nuk përgjigjej prej disa ditësh në telefon, shkoi të verifikonte në adresën e dhënë. Pasi askush nuk iu përgjigj trokitjeve, dera e banesës u hap me forcë, por shtetasi rus u gjet pa shenja jete.

Njoftimi në polici u bë nga një i njohur i shtetasit rus, që ishte kontaktuar dhe nga një e afërme e tij e cila prej 10 ditësh nuk kishte mundur të lidhej me të në telefon.

Hetimet për dokumentin ligjor të shkakut të humbjes së jetës të 66-vjeçarit vazhdojnë, ndërsa pritet që shkaku i vdekjes të përcaktohet zyrtarisht pas kryerjes së ekspertizës mjeko-ligjore.

Kronike

Aksident në Sauk, shoferi 21 vjeçar përplas për vdekje kalimtarin

Një aksident me pasojë vdekjen ka ndodhur mbrëmjen e kësaj të shtune në Tiranë. Një 21-vjeçar ka përplasur me makinë një 40-vjeçar teksa ky i fundit ishte duke kaluar rrugën. Sipas policisë ngjarja ka ndodhur në Sauk, ndërsa si pasojë 40-vjeçari ka ndërruar jetë. Raportohet se ai është dërguar në spital për ndihmë mjekësore por fatkeqësisht nuk ka mundur të mbijetojë.

Njoftimi i policisë:

Tiranë/Informacion paraprak

Më datë 25.05.2024, rreth orës 21:30, në Sauk, mjeti me drejtues shtetasin A. K., 21 vjeç, ka aksidentuar shtetasin H. A., 40 vjeç, i cili si pasojë e dëmtimeve të marra ka ndërruar jetë në spital. Grupi hetimor po punon për sqarimin e rrethanave të aksidentit.