Ndarja nga jeta e diplomatit, të hënën homazhe në nder të Bashkim Zenelit në Kuvend

Të hënën, më 2 nëntor, do të zhvillohen homazhet në nderim të diplomatit, ish-deputetit dhe publicistit Bashkim Zeneli, i cili u nda nga jeta në moshën 78-vjeçare. Ceremonia mortore do të mbahet pranë Sallës së Seancave Plenare të Kuvendit të Shqipërisë, nga ora 11:00 deri në 13:00. Familjarë, miq, kolegë, përfaqësues të institucioneve dhe personalitete të jetës politike e publike do të kenë mundësinë t’i japin lamtumirën e fundit dhe të nderojnë figurën e tij.

Pas përfundimit të homazheve, kortezhi mortor do të niset drejt varrezave të Sharrës, ku Bashkim Zeneli do të përcillet për në banesën e fundit.