Ilir Meta, gjatë fjalës në Komitetit Drejtues Kombëtar të Partisë së Lirisë, ka patur një mesazh edhe për SPAK-un, ku tha se aty do e kenë gjithmonë dhe nuk do të arratiset.

Ai iu drejtua SPAK-ut se mund të sekuestrojë shtëpi e vila e të gjitha, por jo Partinë e Lirisë. Sipas tij, nëse ndodh kjo, ai do e bëjë SPAK-un shembull për të gjithë botën.

“Për SPAK tarallakun se mos i ka ngelur hatri njeriu kam këtë mesazh. Ilir Meta është këtu e do jetë gjithmonë këtu. Edhe në ‘92 kur e thërrisnin çdo javë për të ikur për tu larguar jashtë vendit që të mos arrestohej përgjigja ishte pse prisni një javë ju ja ku më keni. Bëjeni punën dhe madhëria ju  falenderon. Më thirri mua një prokuror më erdhi fletëthirrja. Edhe e kishte lënë derën hapur ai Lona. Edhe tha sekretarja hyni. Ai si figurë e madhe pas ishte dritarja edhe bënte sikur nuk kuptonte me poza ke parasysh ti, prokuror i jashtëzakonshëm…

Florinjtë e Ilir Metës, e ka thënë Tedi. Ku janë Tedi florinjtë? (Te “Abi Bank”). Shtëpi vila, le ti sekuestrojnë të gjitha. Po e pash keq do vë një krevat te shtëpia e nënë Selvisë, ose kemi dhe selinë. Por PL ta harrojë SPAK-u torallaku. Se i bëhet ajo që bëhet shembull në të gjithë botën. Italia kishte Antonio Di Pietron. E dini ça ishte Di Pietro, hajdutë tenderash… Siç i përdorte Nano disa hajde ti biem Metës… Ne jemi për reformën në drejtësi që arreston Edi Ramën. Atë e ka paralajmëruar drejtori i prokurimeve”, tha Meta.

Ish-kryeministri, Sali Berisha ka komentuar protestën që u mbajt paraditen e sotme te Bashkia e Tiranës.

Gjatë fjalës së tij në tubimin qytetar, Berisha u shpreh se protesta ishte një betejë kundër korrupsionit,  betejë për jetën ose vdekjen e kombit shqiptar.

“Është betejë për Shqipërinë.  Korrupsioni është shndërruar në fuqinë toksike më të egër, më të rrezikshme që shqiptarët janë përballur në historinë.

Korrupsioni i Edi Ramës dhe Erion Veliajt, i mbështetur nga Dumanër dhe Zamanër, kjo organizatë kriminale, po tjetërson shqiptarët, po shpërfytyron shqiptarët.

Po shpërfytyron Shqipërinë”, tha Berisha ndër të tjera.

Pjesë nga fjala e liderit të opozitës

Të dashur qëndrestare dhe qëndrestarë, misionarë dhe misionare, luftëtarë të vërtetë të lirisë.

Përshëndetjet e mia më të përzemërta ju dhe të gjithë atyre që shënuan sot tek Bashkia e Tiranës, prag-fitoren e merituar të opozitës, prag-fitoren e pashmangshme në betejën e shenjtë kundër armikut më të egër të shqiptarëve, korrupsionit të Erion Veliajt, Edi Ramës, Dumanëve dhe klikës së tyre.

Miqtë e mi, beteja kundër korrupsionit është betejë për jetën ose vdekjen e kombit shqiptar.

Është betejë për të ardhmen e shqiptarëve.

Është betejë për qenien e tyre.

Është betejë për Shqipërinë.

Korrupsioni është shndërruar në fuqinë toksike më të egër, më të rrezikshme që shqiptarët janë përballur në historinë.

Korrupsioni i Edi Ramës dhe Erion Veliajt, i mbështetur nga Dumanër dhe Zamanër, kjo organizatë kriminale, po tjetërson shqiptarët, po shpërfytyron shqiptarët.

Po shpërfytyron Shqipërinë.

Sot ju ishit prag-fitorja. Të sigurt të jeni se fitorja është e juaja.

Se fitorja juaj është fitorja e Shqipërisë.

Është fitorja e kombit shqiptar.

Është fitorja e Europës, e botës së qytetëruar.

Ndaj dhe në sulm, në sulm dhe vetëm në sulm.

Luftë frontale kundër korrupsionit.

Kreu i Partisë së Lirisë, Ilir Meta këmbënguli që partinë që drejton e ka dëmtuar nepotizmi. “E përshëndes fjalimin e Monikës përveç asaj fjalës që bie në kundërshtim me Kodin e Etikës që nuk është miratuar ende. Po habitem me ata që nuk e kuptojnë çfarë është nepotizmi.

Po flasim për parimet më demokratike. Partia më e madhe demokratike në botë duke çrrënjosur nepotizmin dhe duke instaluar meritokracinë. Nuk duhen bërë partitë instrumente biznesi për familje të caktuara përfshirë këtu familjen e Ilir Metës dhe familje të tjera dhe sidomos organizatën e Rinisë që është atrofizuar nga nepotizmi.

Ka 100 anëtarë LRI-ja në Komitetin Drejtues dhe thirri sot nëse i gjen 40 veta. Ka më shumë këshilltarë të zgjedhur në këshillat bashkiake në bazë edhe të marrëveshjes me Partinë Demokratike të të madhërishmit, Sali Berisha. Ka më shumë këshilltarë se sa anëtarë dhe kjo është pasojë e nepotizmit, mbylljes. Monika është pro amerikane e pa epur dhe ne kemi bashkëpunuar me institutin demokratik amerikan.

Nepotizmi është që ai nuk na e bëri të mundur që një shoqen tonë që dikur e bëmë ministre të ishte e pranishme në mbledhjen e kaluar të Këshillit Kombëtar. Për herë të parë Ilir Meta që e bëri ministre e mori në telefon dhe e falënderoi. Kishte një përpjekje të qartë për të sabotuar kuorumin e mbledhjes së Komitetit Drejtues Kombëtar. Nepotizmi e bëri atë sepse i kanë thënë ty nuk të bëri Ilir Meta ministre”, tha ai.

Deputetja e Partisë së Lirisë, Monika Kryemadhi gjatë një fjale të mbajtur në mbledhjen e Komitetit Drejtues të partisë tha se Partia e Lirisë nuk ka nevojë që “të presë koka”.

“Ajo që dua të theksoj përsëri dhe e përsëris. Partia e Lirisë nuk ka më nevojë për prerje kokash, se nuk kemi më ç’koka të presim. Partia e Lirisë ka nevojë për një program dhe një hapësirë të re që i krijon mundësi grave dhe vajzave, por jo grave dhe vajzave që përdoren dhe ngrihen kundër njëra-tjetrës, por grave dhe vajzave të cilat kanë mundësi për t’i dhënë dorën qindra mijëra të rinjve dhe të rejave. Votat nuk bëhen as me “like” dhe as me “share”, por duke u takuar me njerëzit.

Detyra jonë është të t’u përgjigjemi njerëzve. Detyra jonë është të ndihmojmë njerëzit, jo t’i luftojmë njerëzit. Detyra jonë është t’i hapim sytë njerëzve dhe jo ti largojmë ata. Detyra jonë është të ndërtojmë institucionin e familjes dhe jo ta shkatërrojmë atë. sepse familja e vogël bën familjen e madhe. Detyra jonë nuk është të presim radhën duke eliminuar shokët, se nesër do më vijë dita”,-tha Kryemadhi.

Me tone të ashpra dhe kritika drejt Ilir Metës ka qenë fjalimi i Monika Kryemadhit në Komitetin Drejtues Kombëtar të Partisë së Lirisë.

Ajo tha se ndryshimet statutore u bënë publike vetëm dy orë para mbledhjes, teksa kërkoi shpjegime për nepotizmin, pikë e cila do e përjashtojë nga çdo post drejtues në parti. Ajp tha se më e rëndësishme është meritokracia, ku sipas saj, postet nuk fitohen me “like” dhe “share”.

Kryemadhi e shpalli veten armike për djegien e mandateve, por tha se e njëjta gjë duhet të bëhet edhe me deputetët e tjerë që i dogjën. Ajo tha se i është kërkuar vrasja politike e Lulzim Bashës, por atë nuk e konsideron fare.

Kryemadhi kishte një koment dhe në lidhje me drejtësinë ku tha se nuk i rruhet fare as për burgun dhe as për SPAK-un.

Monika Kryemadhi: Më bëhet qejfi që jemi digjitalizuar si strukturë dua të flas disa gjëra sa i përket ndryshimeve statutore që janë paraqitur dy orë para mbledhjes. Herë tjetër grupi i partisë ti publikojë me orën dhe datën. Jo në minutat e fundit.

Të vendoset pikë staturore që buxheti i fushatave elektorale të jetë i qartësuar qartë në statut në përdorim për të gjitha gratë dhe vajzat kandidate që do të jenë kandidate në këshillin kombëtar.

Po dëgjojmë vetëm nepotizëm prej 2 javësh. Do tu isha mirënjohëse të më përcaktonin se çdo të thotë fjala nepotizmi në partinë politike. Parti politike do të thotë bashkim kombëtar dhe nuk ka asnjë fjalë në ligjin për partitë politike për nepotizëm. Personat që e kanë hartuar të më argumentojnë fjalën nepotizëm. Në një parti politike rëndësia më e madhe është meritokracia.

Duke pasur parasysh se çështja e nepotizmit është një metodologji për të larguar njerëz që kanë dhe kontribute. Në një parti politike meritokracia ka rëndësi më shumë se servilizmi. Në një parti politike të qenurit dakord nuk krijon hapësira për njerëz të rinj.

Tradhtarët në krye të PL, mes të cilëve dhe unë I ka mbyllur derën shumë prej jush. Prioritet e PL nuk janë përjashtimet por hapja e partisë dhe krijimi i hapësirave të reja dhe për të mësuar nga gabimet e Kryemadhit. Edhe Monika bën gabime sepse nuk është e pagabueshme.

PL nuk ka nevojë për prerje kokash sepse nuk ka çfarë kokash të presë. . Ka nevojë për një program të ri që I jep më shumë hapësirë grave dhe vajzave, por jo atyre që I presin kokën njëra tjetrës. Detyra jonë nuk është që të presim radhën duke eliminuar shokët… Detyra e PL është që morali dhe sfidat e të gjithë anëtarëve të PL është integrimi Europian. Detyra jonë është të forcojmë familjen, jo ta shkatërrojmë atë.  Detyra jonë nuk është të vi me Piaggio dhe të largohet me Range Rover. Sot me qindra dhe mijëra djem dhe vajza të LSI që sot e adhurojnë lëvizjen në fakt kanë dhimbje, ka dhimbje kur shikojnë sesi shkërmoqet imazhi i Metës. Kryetari i partisë nuk është administrator godine.

Votat nuk bëhen as me like e as me share por duke zgjidhur hallet. Sot më shumë se kurrë kemi nevojë për hapje. Djegia e mandateve, unë jam fajtorja, siç janë të gjithë të tjerët. Të gjithë jemi fajtor të asaj situate, sepse besuam në opozitarizëm. Sa I përket nepotizmi dua t’ju them, në një parti politike nepotizmi nuk është fatkeqësi. Në partinë tonë vlera dhe baza është tek familja. Një parti e fortë si institucion është me e fortë se një parti individi.

Unë dua tu falënderoj për suportin tuaj. Nuk më falënderuat as me një status. Djegia e mandateve unë jam fajtore, por siç jam unë fillon faji tek të gjithë deputetë që dogjën mandatet. Faji nuk është jetim. Nëse mua më kërkohet për vrasje politike të Lulzim Bashe se konsideroj fare. Besuam në opozitarizëm. Në një parti politike nepotzimi nuk është fatkeqësi sepse partia jonë është një parti që vlerën e ka të familja. Institucioni i familjes beson institucionin e shtetit. Nuk besoj te lideri por te institucioni.

Distancohuni nga Monika se do të shkojë në burg?! Nuk me rruhet fare as për burg as për SPAK…. sa kam parë kumbulle e fara luledielli di puna këtyre do të dali sa të duash. Halli juaj është im!