Connect with us

Aktualitet

Projekti i Portit të Durrësit, nënshkruhet marrëveshja me Albbar

TIRANË– Ditën e sotme është nënshkruar marrëveshja mes qeverisë shqiptare dhe investitorit Alabbar për projektin turistik të Durrësit. Marrëveshja u nënshkrua nga zv.ministri i Financave dhe Ekonomisë Besart Kadia, investitorit Muhammed El Alabbar dhe Erlis Hereni, drejtor i Agjencisë për realizimin e këtij projekti.

“Gati me të gjitha tanimë për projektin më të rëndësishëm turistik, investimi më i madh i huaj në historinë tonë dhe ndoshta të rajonit, i cili do të transformojë rrënjësisht Durrësin, duke e vendosur në radhën kryesore të destinacioneve turistike në Mesdhe, me një impakt të thellë ekonomik jo vetëm për qytetin bregdetar po për të gjithë vendin. Nënshkrimi i marrëveshjes për zhvillimin e projektit “Durrës Yacht & Marina” është finalizimi i një rruge të gjatë pune voluminoze, në aspektin tekniko-ligjor, me një investitor të madh strategjik prestigji i të cilit është botërisht i njohur”, shkruan Rama.

Çfarë parashikon projekti?

Projekti do të zhvillohet në një sipërfaqe trualli prej 812 600 m2, që nga investimi, i kalon në pronësi kompanive. Parashikohen 12 000 apartamenteve dhe 2 hoteleve me 850 dhoma në total. Projekti parashikon 80 000 metër katror hapësira të gjelbra, ose hapësira të hapura dhe një gjatësi plazhi 700 metra. Faza e parë nis në 2023-shin e zgjat për 5 vite, me vlerë investimi  € 595 milionë euro, dhe për fazën e dytë që pritet të nisë në 2028-ën, investimi është rreth 1 miliardë e gjysmë euro. Marrëveshja ka një jetgjatësi prej 35 vitesh, ndërsa përfundimi total i realizimit të projektit zgajt 20 vite. Qeveria shqiptare do të përfitoi gjatë gjithë kohës 33.3% të dividentit. Parashikohen 12 000 të punësuar.

lajm ne perditesim….

Investitori Mohamed El Alabbar, i cili do të ndërtojë Portin e Durrësit, tha sot pas firmosjes së marrëveshjes së zhvillimit se ky është një projekt i jashtëzakonshëm, me teknologji shumë avangardë. Ai tha se vigjilenca e Qeverisë shqiptarë për gjithçka lidhej me projektin ka qenë shumë më lart se të gjitha vendet e tjera.

“Do të doja të falënderoja ekipin e shkëlqyer që ju keni dhe që gjatë viteve të shkuara kanë punuar shumë fort që ne të vijmë këtu.  Të gjithë kemi punuar fort, duke besuar se kjo do të ndodhte por në të njëjtën kohë shikojmë reagimin e njerëzve për vizionin tuaj.  Askush nuk e ka pasur vigjilencën lart ndaj meje sesa qeveria shqiptare.

Kam ardhur dhe jam ankuar sepse nuk isha mësuar me këtë. Por ja ku jemi tani dhe jemi shumë krenar për këtë arritje. Unë po mësoj. Ky është një rrugëtim i jashtëzakonshme. Përgëzime  për mënyrën se si e keni përzemër vendin tuaj.  Këta njerëz që punojnë me ne, në Shqipëri, po implementojnë një nga projektet më të mira në botë dhe më pas do të eksportojnë dije.

Në Durrës do të jetë një nga teknologjitë më të përparuara. E gjitha është pjesë e një zgjidhjeje të qëndrueshme. Imagjinoni se si do të shkojë puna për zgjidhjen për heqjen e mbetjeve, pra teknologji shumë e përparuar.

Njerëzit janë entuziastë për këtë projekt. Ju vazhdoni t’i bëni gjërat me shumë zemër shkelqësi. Rruga jonë para është shumë entuziaste”, tha ndër të tjera Alabbar.

Porti turistik i Durrësit, Rama: Koha për të nisur puna në terren, do sjellë impakt të shpejt në zhvillimin ekonomik

1675072475_Screenshot9.jpg

Kryeministri Edi Rama ka folur për Portin turistik të Durrësit pas nënshkrimit të marrëveshjes së zhvillimit me investitorin Alabbar. Rama tha se tani është koha për të nisur puna në terren. Ky projekt sipas Ramës do të sjellë impakt të shpejt në zhvillimin ekonomik të vendit tonë.

“Koha për të nisur punën në terren dhe për t’i hapur rrugë këtij transformimi të paimagjinueshëm deri pak vite më parë. Procesi ka qenë i gjatë i vështirë, me shume yçkla në aspektin tekniko ligjor dhe me firmosjen e kontratës ky proces përfundon dhe fillon një proces tjetër, ai i çeljes së kantierit, fillimit të punës dhe hapjes së fronti të ri punësimi. Durrës Marina hyn në ekonominë shqiptarë si një lokomotive që do sjell impakt të jashtëzakonshme në rritjen e  shpejtë të zhvillimit ekonomik. Do të ofrojë punësim cilësor dhe shumë profile pune të mirëpaguar për shumëkënd që s’do ketë më asnjë arsye nëse do realisht të punojë të ikë jashtë.

Vijë e stërndotur nga shumë dekada mu ngjitur me plazhin më të madh të Shqipërisë, investimi do transformojë tërësisht të gjithë parametrat mjedisor që është një zonat më të ndotuara. Investimi do sjellë edhe zgjidhje të reja për energjinë për eficencën energjetike, për të garantuar energji të gjelbër përmes diellit. Shqiptarët do krenohen nesër më shumë se të gjithë të tjerët për këtë flamur të ri të ndryshimit dhe transformimit të”, tha Rama.

Related Topics:
Advertisement

Aktualitet

Arian Çani: Shqipëria është Turqi e dytë, ja pse nuk bëhet shaka me Ramën

Gazetari Arian Çani ka analizuar vizitën e kryeministrit Edi Rama në Athinë, ku ka zgjedhur të tregojë pozicionin e Greqisë.

Çani tha se Shqipëria është Turqi e dytë dhe se me Ramën është kuptuar që nuk bëhet shaka.

Ai tha se Greqia e kuptoi pas takimit të Ramës në Athinë se ndodhet në mes të Turqisë së Erdoganit dhe të Shqipërisë, të cilën ai e quajti Turqi.

“Rama arriti të hidhte si farë për ta mbjellë një ditë, nga ana ktej, nga ana e shqiptarëve. Por edhe te shqiptarët që jetojnë në Greqi.

Ana tjetër e medalies, pse unë jam i kënaqur me këtë që ndodhi, me këtë event, me këtë ngjarje, sepse më në fund edhe pala tjetër e kuptoi më në fund se nuk bëhet më shaka me Shqipërinë.

Edhe nëse deri dje Greqia flinte gjumë sepse kishte vetëm probleme me Turqinë, tani kthejmë kokën dhe shikojnë se ka një Turqi të dytë. Për herë të parë Athina zyrtare kuptoi se nuk bëhet me shaka, nuk është një njeri ky që sot është nesër nuk është.

Kuptoi se kemi të bëjmë me një lider të përmasave që nuk kanë lidhje me Shqipërinë. Sot Greqia kuptoi se është e rrethuar nga Turqia numër një që është ajo e Erdoganit dhe nga Turqia dy që është Shqipëria. Kjo është bazë turke”, tha Çani.
Continue Reading

Aktualitet

Lubonja këshillon Rithemelimin dhe PL: Gjeni metoda proteste më interesante

Fatos Lubonja ka folur për protestën e radhës që do të mbahet sot përpara Bashkisë së Tiranës, teksa deklaroi se edhe opozita ka problemet e saj.

Për Lubonjën duket se nuk mjaftojnë molotovët që janë hedhur drejt godinës së bashkisë duke rrezikuar dhe jetën e policëve, por duhen gjetur akte proteste që të bëjnë më tepër efekt.

“Protesta është e rëndësishme, për të nxitur edhe SPAK që këta njerëz kërkojnë që drejtësia të veprojë.

Edhe opozita ka probleme, sepse nuk thith dot qytetarë. Duhen gjetur akte që bëjnë efekte.

Në Sajgon u rrëzua një regjim, sepse murgjet atje u dogjën në mes të vendit dhe amerikanët, që mbështetën një regjim, u tërhoqën”, deklaroi Lubonja në News 24.

Prej javësh grupimi i Sali Berishës, Rithemelimi dhe Partia e Lirisë së bashku me Aleancën për Mbrojtjen e Teatrit protestojnë para bashkisë së Tiranës.

Një mesazh që përsëritet gjatë këtyre protestave është lirimi i ish kryeministrit Sali Berisha. Ky i fundit prej 30 dhjetorit 2023, akuzohet për ‘korrupsion’ lidhur me aferën e privatizimti të ish kompleksit Partizani.
Continue Reading

Aktualitet

“Shkoi me mirëbesim, por u mor peng nga Vis Martinaj”, Artan Hoxha: Roan Brahimin e takova në Dubai, dyshohet se…

Gazetari Artan Hoxha ka folur sot për vrasjen e Roan Brahimit pak ditë më parë në Athinë, Greqi.

Hoxha tha se Brahimi, i cili njihej edhe me emrin Sidi, kishte pasur më herët përplasje me Ervis Martinajn, pasi kishte shkuar te ai me mirëbesim, por ishte marrë peng dhe dhunuar.

Megjithatë sipas gazetarit Hoxha, i cili tha se për herë të fundit e ka takuar Brahimin në Dubai, vrasja e tij në Athinë ka më tepër lidhje me ekzekutimin e Gentian Bejtjas. Në emisionin “Top Talk”, gazetari tha se të arrestuarit për vrasjen e Bejtjas janë njerëz të afërm të Brahimit.

Ai gjithashtu shtoi se dyshon që dikush e ka “shitur”, duke treguar lëvizjet e tij dhe udhëtimin drejt Athinës, pasi një person si Brahimaj ishte e vështirë të ekzekutohej.

“Ai njihet me emrin Sidi, ka qenë i përfshirë në një ngjarje. Ky është thirrur në mirëbesim nga një kushëri, dhe ka shkuar me mirëbesim te Ervis Martinaj, kur ka shkuar e kanë marrë peng dhe është dhunuar. Ky u ka thënë nëse nuk më vrisni, nuk do flas.

Unë e kam takuar në Dubai për herë të fundit. Pjesa e familjes nuk ka shumë rëndësi, këta janë njerëz që bëjnë një jetë jonormale. Ai nuk mund të vritej kollaj. Goditja e tij në Greqi, Athina është një nga qytetet më të rrezikshme të Europës. Knë ndodhur shumë vrasje të grupeve kriminale shqiptare, serbe, malazeze…

Sigurisht që këtë jetë që bënte i ndjeri, kishte një kosto, si financohej kjo kosto. Nga aktivitete që ai detyrohej t’i bënte kur ishte në kërkim. Në vrasjen e Gentjan Bejtjas, njerëzit që u arrestuan janë njerëz të afërm të Sidit.

Lidhja më direkte për vrasjen e tij është vrasja e Gentian Bejtjas. Njerëzit që u arrestuan për vrasjen e tij, janë njerëz të afërm të Sidit, familja e tij jetonte në një banesë rezidenciale në periferi te TEG-u. Ai është shitur, informacioni për vendndodhjen në Athinë. Nuk mund ta gjenin kaq kollaj”, tha Hoxha.

Continue Reading

Aktualitet

“Belerit i janë gjetur kallashnikovë në shtëpi”/ Debate mes Xhufit e Sekretarit të Omonias

Historiani Pëllumb Xhufi dhe Sekretari i OMONIAS, Marin Suli kanë debatuar ashpër me njeri tjetrin.

Në emisionin Open në News24, teksa po diskutohej për vizitën e kryeministrit Rama në Athinë, u prek edhe çështja e Fredi Belerit. Historiani Xhufi tha se Beleri është kapur me armë në shtëpi.

Kjo u hodh poshtë nga Marin Suli, i cili tha se “po gënjejn, pasi nuk ka asnjë provë që Fredi Beleri të jetë i përfshirë në ngjarjen e Peshkëpisë”.

Suli: Duhet të jeni cik i pjekur. Është e rëndë të thuash që “ka vrarë dhe i ka duart me gjak”.

Xhufi: Është akuzuar, ka kaluar kufirin i armatosur,

Suli: Është gënjeshtër, nuk ka asnjë prove

Xhufi:  Këta e kanë zgjedhur të përfaqësojë Himarën

Suli: E kanë zgjedhur himariotët, juve ju takon të heshtni! Për cështjet e kapjes së gjakut në duar po abuzoni

Xhufi: Edhe të korrupsionit edhe të blerjes së votës

Janë dy gjera të ndryshme. Ka tre vendime gjykatash që Beleri është i pafajshëm për Peshkëpinë dhe nuk ka asnjë lidhje

Xhufi: Unë e kam ndjekur gjyqin kur është bërë

Suli: Beleri është dënuar për mosdijeni të armëmbajtjes pa leje

Xhufi: Atij i janë gjetur kallashnikov në shtëpi

Suli:  Po gënjen, nxirr një copë letër! Nuk i është gjetur armë. Tërhiqe atë që po thua

Xhufi: Është arrestuar nga autoritetet greke sepse ka marrë pjesë

Suli: Jo

Continue Reading

Aktualitet

Ilir Meta: Monika më ka nxitur të merrem me palestër, po bëj gjithçka që të motivoj të rinjtë

Ilir Meta, përgjatë muajve të fundit e ka marrë shumë seriozisht palestrën dhe e kemi parë mjaft të fokusuar në ushtrimet fizike.

Por, kush e ka inspiruar vallë Metën që t’i futet më kokë aktivitetit fizik? Epo, kush tjetër veçse bashkëshortja e tij Monika Kryemadhi e cila po ashtu ushtrohet pothuajse çdo ditë. I ftuar në “News 24”, Meta tha se Monika e ka motivuar që ai t’i futet sportit.

“Me aktivitetet e mia sportive kam dashur te jap mesazhin per mbrojtjen e shendetit nepermjet sportit Garat na ndihmojne te gjitheve.

Pa stervitje dhe pa djersitje nuk ka arritje. Monika ka qene nje nga nxiteset qe une te merresha me palester.

Stresi im i vetem eshte si te ndaloj shqiptaret te ikin nga Shqiperia. Por tani e kemi gjetur ilacin “5 prioritete per 4 milion shqiptare plus” Ne duhet ti motivojme te rinjte te merren me sport.

Me pelqen qe shoh shume njerez qe merren me sport dhe sterviten ne palester. Po bej gjithcka qe te motivoj te rinjte te merren me sport.

Partia e Lirisë, PAKETË SPECIALE për mbështetjen e të gjithë atyre që investojnë për hapjen e palestrave! Kur stervitem degjoj kenget per Adem Jasharin, Per ty Atdhe dhe “Ku ka si ti o Shqiperia ime”, – tha Meta.

Kujtojmë se mes Metës dhe Kryemadhit kohët e fundit ka pasur përplasje politike, e cila është konfirmuar nga të dy. Gjithashtu kohët e fundit, raportohet se ata nuk jetojnë më në një shtëpi, pasi siç tha Monika Kryemadhi, janë futur palë të treta, që nuk i kanë ndarë vetëm politikisht.

Continue Reading
Advertisement

TRENDING