Sociale

Rindërtimi vazhdon me ritme të shpejta në të gjithë zonat e prekura nga tërmeti.

Puna për rindërtimin e shtëpive të dëmtuara nga tërmeti i nëntorit vijon çdo ditë, për t’u siguruar që familjet në banesa individuale, vitin e ri ta kalojnë nën një strehë të re, më të mirë e më të fortë se ajo që tërmeti i dëmtoi. Sot, në Kashar, Kryeministri Rama i dorëzoi çelësat e banesës së re familjes së Myrteza Hykës dhe Selman Alukut. Myrtezai, veç shtëpisë që mori në dorëzim sot, aty pranë saj do të ndërtohet dhe një tjetër për shkak se në shtëpinë e vjetër jetonin dy kurora.

“Në gjithë këtë zonë do të kemi 120 shtëpi të reja. Ky ishte loti i parë me 54 shtëpi dhe do të vazhdojmë pastaj me lotin e dytë”, – tha kryetari i Bashkisë së Tiranës, Veliaj, teksa informoi se shumë shpejt do të fillojë puna edhe për pallatet në kryeqytet. “Për 10 ditë fillojmë themelet tek “5 Maji” për 9 pallate. Jemi koordinuar me ministrin Ahmetaj, që ditën që ne hapim themelet të kemi dhe kontratën tip për apartamentet e reja, pra, secili të ketë një kontratë. Siç bëhet porosia e një shtëpie, ta ketë në dorë para se të prishet e vjetra e të shohin kur të hidhen themelet e të resë. Për 30 ditë fillojmë në Kombinat. Aty kemi 8 pallate. Duket sikur janë, pak por janë objekte masive, 130 mijë metra katrorë në një vend dhe 140 mijë metra katrorë tek tjetri”, – u shpreh kryebashkiaku Veliaj.

Ndërkohë ka filluar edhe puna për ndërtimin e shkollave në Bashkinë e Tiranës. “Filluam me 8 shkollat. Rrëzuam të vjetrat dhe po fillojmë të rejat. E fundit që fillojmë është “Sami Frashëri””, – tha Veliaj.

“Bashkia e Tiranës, sot ka një parti të dytë, 1500-2000 shtëpi, përveç atyre që janë vlerësuar. Vetëm për DS1-DS3 janë aprovuar 9.6 miliardë lekë dhe janë dorëzuar në familje sot, nga bashkitë, 60 milionë dollarë. Një kuriozitet për gjithë qytetarët, nga gjithë buxheti i rindërtimit që është 34 miliardë, sot, të paalokuara në projekte ka vetëm 300 milionë lekë, të gjitha janë të alokuara. E këtu nuk po flas fare për Komisionin Europian, apo për donatorët e tjerë”, – tha ministri i Shtetit për Rindërtimin, Ahmetaj.

Rindërtimi vazhdon me ritme të shpejta në të gjithë zonat e prekura nga tërmeti. Banesat po marrin tashmë formë, dita-ditës, për familjet që do të rikthehen në shtëpi të reja, më të mira se ato që humbën nëntorin e shkuar.

Sociale

Vjen oferta e parë për futbollistin e Milanit, ai është…

Sharl De Ketelare ishte padyshim një nga blerjet më të dështuara sezonin e kaluar, me mesfushorin belg që erdhi te Milani për 35 milionë euro, ku në 40 ndeshje nuk shënoi asnjë gol dhe dha vetëm një asist.“Djalli” duket se nuk ka më besim te 22-vjeçari dhe është në pritje të ofertave për të.Duket se e para ka ardhur nga Seria A, me Atalantën që ka shfaqur interes për belgun.Siç bëjnë me dije mediat italiane, bergamaskët janë të gatshëm që ta huzazojnë me të drejtë blerje De Ketelaren, teksa Milani ende nuk ka dhënë asnjë përgjigje.

Sociale

Shqetësimi qytetar/ Rrugët e Dibrës si Kandahari (VIDEO)

Peshkopi/ Dibëra si Kandahari. Në redaksinë e NTV.AL vjen shqetësimi qytetar.

Jo vetëm rrugët e shkatërruara por edhe trotuaret po i veshtiresojne jeten njerezve. Femijeve po iu rrezikohet jeta cdo dite kur shkojnë në shkolle, pasi te dy krahet e trotuareve jane te bllokuara nga makinat qe tregtojne ushqime dhe tezgat e ambulanteve qe shesin. Bulevardi i qytetit te sjell ndermend kandaharin e famshem ne Afganistan. Edhe pse ankesat iu jane bere te ditura autoriteteve, prej policise bashkiake te Dibrës, nuk po merret asnje mase

Video e derguar nga nje qytetar

Sociale

Protestë në Bërxullë, banorët përplasje me FNSH

Banorët e Bërxullës në Rinas kanë tentuar ditën e sotme të bllokojnë aksin Rinas-Tiranë duke protestuar për rrugën që po ndërtohet në tokën e tyre. Protesta ka agravuar dhe në ndihmë të forcave të rendit kanë mbërritur edhe grupet e FNSH-s duke bërë të mundur edhe lirim e rrugës.

Banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin.

Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi. Banorët pretendojnë se nuk kanë marrë asnjë njoftim lidhur me projektin, e as për shpronësimet. Janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore. Një pjesë e këtyre banesave ende janë në proces legalizimi, ndërsa për tokat bujqësore kanë çertifikatë pronësie.

Sociale

Bllokohet Rruga e Kombit, banorë ngrihen në protestë

Banorët e qytetit të Rubikut janë ngritur në protestë në shenjë kundërshtie për bllokimin e hyrjes së rrugës në anën lindore.

Banorët e zonës janë mbledhur të gjithë para Rrugës së Kombit, ndërsa pohojnë se penalizohen nga ky vendim.

Sipas tyre me bllokimin e hyrjes së rrugës, ata ngelen të izoluar. Pjese e protestës është bërë dhe deputeti i Partisë Demokratike, Kastriot Piroli.

Sociale

Vendimet e qeverisë/ Nga 1 tetori dyfishohet ndihma ekonomike

Ministrja e Shëndetësisë Ogerta Manastirliu ka deklaruar se duke nisur nga 1 tetori do të dyfishohet ndihma ekonomike.

‘Nga 1 tetori do të dyfishohet ndihma ekonomike. Dua të ndalem në këtë mbështetje që qeveria po jep për skemën e ndihmës ekonomike për përfituesit e saj janë mbi 64 mijë familje.

Do mbështeten për energjinë elektrike personat të cilët kanë status me aftësi të kufizuar, të cilëve u rritet masa e mbështetjes për energjinë elektrike. Kjo masë mbështetje shkon nga 2000 mijë lekë në 3000 mijë lekë. Nga kjo mbështetje përfitojnë 12 mijë persona.’- u shpreh Manastirliu.