Rajon
Si ndodhi tragjedia në Mal të Zi dhe si u vra Boriloviç
MAL I ZI- Vuk Boriloviç nga Cetinja, dje vrau 10 persona, e plagosi 6 të tjerë. Autoritetet thonë se ende nuk e kanë zbuluar arsyen se përse Boriloviç (34 vjeç) vendosi të kryente atë “akt të urryer”, derisa u qëllua për vdekje nga Policia. Por si ndodhi tragjedia e madhe dhe si u vra Boriloviç?
Sipas të dhënave zyrtare, Boriloviç hyri në banesën e qiramarrësve të tij rreth orës 15:30 dhe vrau njëmbëdhjetë vjeçarin M. në derë, pastaj vëllanë e tij tre vjet më të vogël, dhe më pas qëlloi nënën e tyre – Natasha Pajović Martinoviç, e cila kishte dalë në dritare. Pasi i ka vrarë, ka telefonuar babanë dhe bashkëshortin e tyre, Millosh Martinoviçin dhe i ka thënë: Kam vrarë familjen tënde dhe timen.
Në 45 minutat e ardhshme, ai hyri në shtëpinë e fqinjit ku vrau bashkëqytetarët e moshuar – Danijela dhe Dimitrije Drecun dhe plagosi rëndë nipin e tyre Aleksandar Drecun (32 vjeç). Në prag të asaj shtëpie ka vrarë edhe djalin e tyre Rajko Drecun (56), i cili ka vrapuar drejt shtëpisë kur ka dëgjuar të shtënat.
Boriloviç vrau edhe fqinjin e tij Milan Mitroviç (37), e më pas dajën e tij Goran Gjurishiç (54), dhe më pas, duke zbritur në rrugë, vrau fqinjët Aleksandra (52) dhe Danijela Radunoviç (51). Ai plagosi edhe katër fqinjë të tjerë – Sllavica Zvicer, Filip Gjurkoviç, Mileva Ramadanoviç dhe Darinka Çelebiç, si dhe polici Ljubisha Maksimoviç, i cili po përpiqej ta qetësonte vrasësin.
Ndërsa gjatë shkëmbimit të zjarrit plagosi rëndë edhe një polic, e për asnjë moment nuk iu bind thirrjeve për t’u dorëzuar, ndaj dhe efektivët e Policisë u detyruan që ta qëllonin për vdekje. Aktualisht 6 nga të plagosurit e Boriloviç ndodhen në spital, ku njëri është në gjendje të rëndë për jetën.
Rajon
Silianovska e quajti vendin e saj “Maqedoni”, ambasadorja e Greqisë braktis ceremoninë e betimit të Presidentes
Gjatë betimit të Presidentes së re të Maqedonisë së Veriut, Gordana Silianovska, ka ndodhur një incident.
Sipas mediave greke, teksa ajo po bënte betimin, nuk e quajti vendin e saj “Maqedoni e Veriut”, por thjesht “Maqedoni”.
Kjo ka revoltuar ambasadoren e Greqisë, Sofia Filippidou, e cila në shenjë proteste është larguar nga ceremonia e betimit.
“Vlen të theksohet se në ceremoninë e sotme nuk morën pjesë liderët e vendeve fqinje, Bullgarisë, Serbisë dhe Shqipërisë, për dallim nga ceremonia e fundit e betimit presidencial, ku mori pjesë edhe presidenti bullgar Radomir Radev.
Vendet e lartpërmendura thuhet se pretendojnë se nuk kanë marrë ftesa në kohë”, shkruan Kathimerini.
Rajon
VMRO dhe koalicionit VLEN, pajtohen për “shtyllat kryesore” të kabinetit të ri
Shqiptarët, do të jene sërish pjesë e qeverisë së maqedonase, vetëm se këtë radhë në aleancë nuk do të jetë BDI-ja por koalicioni opozitar VLEN.
Kryetari i partisë fituese të zgjedhjeve të përgjithshme VMRO DPMNE-së, Hristijan Mickoski, tha se pret që deri më 28 maj të bëhet konstituimi i përbërjes së re parlamentare dhe më pas ta marrë mandatin për formimin e qeverisë, por bisedimet për krijimin e koalicionit qeverisës kanë nisur dhe janë në rrugë të mbarë.
VMRO DPMNE-ja dhe koalicioni i opozitës shqiptare, VLEN, thanë këtë të shtunë kanë arritur pajtueshmëri për “shtyllat kryesore” gjatë një takimi për formimin e Qeverisë së re të Maqedonisë së Veriut.
Në një komunikatë për media pas takimit në Shkup, këto dy parti njoftuan se takimi mes liderëve partiakë ka zgjatur rreth tre ore dhe se ata janë pajtuar për parimet e përgjithshme të bashkëpunimit.
“Integrimi evropian, zhvillimi ekonomik, sundimi i ligjit dhe lufta kundër krimit dhe korrupsionit do të jenë shtyllat bazë të punës së qeverisë së re”, thuhet në komunikatën e përbashkët pas takimit.
Drejtuesit e dy kampeve politike kanë bërë të ditur se, nga java e ardhshme, bisedimet do të vazhdojnë mes grupeve të punës “për të gjitha çështjet deri në finalizimin e bisedimeve për bashkëqeverisje”.
Rajon
Vizita e Mitsotakis në Turqi/ Zëdhënësi i Erdogan: Mundësi serioze për të forcuar marrëdhëniet dypalëshe
“Përpjekjet e ndërsjella të sinqerta mes Turqisë dhe Greqisë do të kontribuojnë për paqen, stabilitetin dhe prosperitetin në rajonin tonë”, tha sot Drejtori i Komunikimit të Presidencës Turke Fahrettin Altun, në Forumin Turko-Helen të Akademisë së Medias, të mbajtur në Stamboll.
“Lidhja mes shoqërive tona është një mundësi e madhe. Ne po jetojmë fjalë për fjalë në një kohë të pasigurisë globale. Dhe kur shikojmë skenën botërore në këtë mjedis, shohim se janë dy të vërteta lakuriq përballë nesh”, vuri në dukje Altun, ndërsa shtoi se nismat e bashkëpunimit të propozuara nga Turqia dhe Greqia janë shumë më thelbësore sot se dje.
“Ne besojmë se vizita e Mitsotakis në vendin tonë është jashtëzakonisht e rëndësishme dhe një mundësi serioze për të forcuar marrëdhëniet tona dypalëshe. Si Turqi dhe Greqi duhet të flasim për marrëdhëniet mes nesh dhe për problemet në këto marrëdhënie mes nesh, jo me të tjerët”, përfundoi Drejtori i Komunikimit i Presidencës turke.
Rajon
Tërmeti godet ishullin grek, epiqendra dhe magnituda
Një tërmet 3.1 ballë ka goditur ishullin grek, Kefaloni pasditen e kësaj të shtune. Sipas Institutit Gjeodinamik, epiqendra e tërmetit ndodhet 4 kilometra në veri – veriperëndim të Valsamatës me një thellësi fokale prej 16 kilometrash.
Një ditë më parë tre tërmete të tjera u regjistruan në Kefaloni me magnitudë 3.9, 4.1 dhe 3.1 ballë. Siç theksoi profesori i gjeologjisë dhe presidenti i OASP, Efthymis Lekkas, duke folur për mediat vendase, tre lëkundjet e djeshme janë pjesë e aktivitetit normal sizmik për rajonin e Jonit. “Ne po monitorojmë fenomenin, nuk ngjall shqetësim”, tha Lekkas, duke shtuar se lëkundjet pritet të vazhdojnë në të njëjtin renditje të përmasave.
Rajon
Ia vranë partnerin para syve/ Bashkëshortja e Roan Brahimit në gjendje të rënduar: Fëmija pa gjithçka
Partnerja e Roan Brahimit, Katerina Beqo, ka folur për herë të parë për ngjarjen e rëndë që ndodhi dy ditë më parë në Athinë, 9 maj.
Katerina Beqo, e cila mbeti e plagosur, ka folur për median greke, Newsit.gr duke deklaruar se nuk kishte pasur dijeni se Roan Brahimi do të vinte në Athinë pasi nuk i kishte treguar asgjë.
“Nuk dija asgjë, nuk më kishte thënë gjë. Erdhi të Shtunën e Madhe për Pashkë”, është shprehur partnerja e Brahimit.
Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi. Ndërsa shtoi se fëmija i mitur i pa të gjitha.
“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”, shtoi ajo.
Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej.
-
Bota12 hours ago
E rëndë, aksidentohet autobusi me nxënës, 11 persona humbin jetën
-
Pinknews24 hours ago
Fotot e Besa Kokëdhimës në Eurovision pushtojnë rrjetin, fustani i nxjerr zbuluar pjesën intime
-
Kronike6 hours ago
FOTO/ Makina e shkatërruar në anët e rrugës, si ndodhi aksidenti që i mori jetën të 20-vjeçarit
-
Aktualitet11 hours ago
VIDEO/ Qentë e rrugës në Vlorë kafshojnë turisten buzë lungomares
-
Pinknews10 hours ago
Ups! Olta Gixhari “bën bashkë” Bora Zemanin dhe Beatrix Ramosajn
-
Politike5 hours ago
Analiza për vizitën e Ramës në Athinë/ Monika Stafa: Kthehuni në Itakë
-
Rajon6 hours ago
Silianovska e quajti vendin e saj “Maqedoni”, ambasadorja e Greqisë braktis ceremoninë e betimit të Presidentes
-
Aktualitet5 hours ago
Konfindustria kërkon ndërhyrje urgjente për Durrës-Tiranë, të hetohet korrupsioni te rrugët