Dy ndër reperët më të njohur, Noizy dhe Stresi kanë qenë në një “luftë” me njëri-tjetrin prej shumë kohësh, por arsyet e “armiqësisë” nuk i dimë ende. Kjo u pasua dhe me konflikte të vazhdueshme dhe të ashtuquajturat diss-e.
I ftuar mbrëmjen e djehsme në emisionin “Roped with Olsi”, Stresii është rikthyer marrëdhënies së tyre të prishur tashmë.
I pyetur se cili është ai person për të cilin është penduar se e ka patur mik dikur, Stresi u përgjigj: “Ai që bën zhurmë”, duke mos i përmendur as emrin. Reperi tregoi se dikur kanë qenë shokë dhe se fillimet e tyre kanë qenë ndryshe, por gjërat ndryshuan dhe në varësi të rrjedhojave tashmë është penduar që e ka patur mik dhe që i ka besuar.
“I vetmi person për të cilin jam penduar që e kam njohur, jam penduar që e kam besuar, jam penduar pas këtyre rrjedhojave që na ndodhën, tani jam penduar normalisht. Është pendesë sepse është histori shumë e madhe mes nesh. Pendohem normalisht që e kam patur mik e që i kam besuar apo ç’rëndësi ka…e them për herë të parë këtu, është ai çuni që bën zhurmë. Fillimet tona kanë qenë ndryshe….”
