Këtë herë jo për bëmat në ‘Hell’s Kitchen’, por për një propozim për martesë. Shpesh është shfaqur provokues dhe flirtues me vajzat, por shumë pak ka folur për jetën e tij sentimentale. Në tetor të vitit që lamë pas, shefi i njohur i kuzhinës Renato Mekolli pranoi se është në një lidhje dashurie.
Më pas ai nuk ka folur më rreth kësaj çështjeje, duke mos zbuluar asnjë detaj për partneren. Kohët e fundit në postimet e tij në Instagram, shihet se po kalon disa pushime në Kaliforni. Nuk është vetëm, pasi në videot e tij shfaqet zëri i një vajze herë pas here.
Mëngjesin e sotëm ai surpriozon me foton: i ulur në gjunjë, me unazën në dorë dhe nga ana tjetër duket gjysmë-portreti i vajzës ose ta themi ndryshe, dashurisë ‘sekrete’ të Renatos.
Vëmë re që ai nuk ka vendosur asnjë përshkrim në foto, përveç tre pikave, të cilat nënkuptojnë një vazhdimësi.
