Bota

Vladimir Putin gjen “shpëtim” tek Turqia dhe Katari

Pasi u tërhoq nga një marrëveshje historike e Ukrainës për drithë, Rusia po diskuton me Turqinë dhe Katarin vendosjen e një marrëveshjeje të re të eksportit të grurit të drejtuar kryesisht në vendet afrikane. Kështu kanë raportuar “të tmerruara” mediat ukrainase, duke cituar një raport ekskluziv nga edicioni në gjuhën ruse të së përditshmes gjermane “Bild”.Duket se Vladimir Putin, i izoluar nga ndërkombëtarët, po “kthen sytë” nga aleatët e tij, dhe çuditësisht shumë të pasur, me të cilët ndan antagonizmin e përbashkët ndaj Perëndimit.

Autoritetet ruse nuk kanë bërë asnjë deklaratë zyrtare për këtë çështje, megjithëse sipas “Bild”, marrëveshja duhet të përfshijë “eksportin e grurit dhe plehut artificial rus” kryesisht në Afrikë dhe ministri i Jashtëm turk Hakan Fidan dëshiron që të rinovohet Marrëveshja e Grurit të Detit të Zi, nga e cila Rusia u tërhoq me iniciativën e saj në korrik, dhe një marrëveshje e re përfshin eksportin e pandërprerë të grurit ukrainas. Turqia do të ishte organizatore e shpërndarjes së grurit, dhe Katari sponsor.

“Thika pas shpine” e Turqisë

Turqia dëshiron që OKB të përfshihet në marrëveshjen e re. Megjithatë, gazetat turke, duke cituar burime në Ministrinë turke të Mbrojtjes, theksojn ë se Turqia “nuk po punon për alternativa ndaj marrëveshjes së grurit”.Por në të njëjtën kohë, Ankaraja konfirmon se do të lejojë kalimin e sigurt përmes Bosforit dhe Dardaneleve për anijet tregtare dhe ato që transportojnë grurë.

Sipas “Bild”, Moska e kishte paralajmëruar paraprakisht Ankaranë për tërheqjen nga marrëveshja e grurit dhe tani Rusia, Turqia dhe Katari po punojnë për një marrëveshje të re trepalëshe, e cila duhet të zëvendësojë atë që nuk u përshtatet rusëve dhe po përdoret për shantazh politik. Rusia doli nga të ashtuquajturat Marrëveshja e Grurit të Detit të Zi, e cila mundëson zhbllokimin rus të porteve të Ukrainës dhe eksportin e grurit ukrainas.

Marrëveshja u ndërmjetësua midis Ukrainës dhe Rusisë nga Turqia dhe OKB më 22 korrik 2022. Ajo lejoi rifillimin e eksporteve të grurit ukrainas përmes porteve të Detit të Zi që u bllokuan që kur Rusia nisi atë që e quajti një “operacion ushtarak special”, më 24 shkurt 2022.Sakaq, dalja e fundit ruse çoi në një “krizë të re ushqimore” globale, e cila kërcënoi pasoja politike, veçanërisht në vendet e Afrikës dhe Lindjes së Mesme, dhe çoi në një rritje të çmimit të drithit në tregun botëror.Vladimir Putin luajti kartën “Lojërat e urisë” për të detyruar vendet afrikane që t’i bëjnë presion Perëndimit për të lehtësuar ose hequr sanksionet ndaj produkteve bujqësore ruse, kryesisht drithërat, farat vajore dhe plehrat artificiale, por edhe për t’i dhënë Bankës së saj Bujqësore sërish akses në sistemin Swift.

Marrëveshja e grurit

Që atëherë, rusët kanë bombarduar masivisht portet ukrainase të Detit të Zi të Odesa, Yuzhny dhe Chernomorsk, si dhe portet ukrainase në Danub. Kjo situatë është edhe më e rrezikshme sepse portet e Danubit të Izmailit dhe Renit janë pikërisht në kufirin me Rumaninë, e cila është vendi më i rëndësishëm në krahun jugor të NATO-s.

Analistët ushtarakë besojnë se kjo është më “e ndërlikuar” se goditja me raketa e Odesës, por tregon gjithashtu paskrupulltizmin e Kremlinit, i cili në çdo mënyrë dëshiron të pengojë Ukrainën të marrë ndonjë “të ardhur” nga eksporti i grurit, duke shkaktuar kështu një mungesë ushqimi dhe të shfaqë veten e vet si “shpëtimtare”.Pasojat e një marrëveshjeje të tillë mund të jenë të thella për Kievin, sipas mediave ukrainase. Nëse realizohet, mund t’i lejojë Rusisë të legjitimojë eksportet e grurit nga territoret ukrainase të pushtuara përkohësisht duke kufizuar aftësinë e Ukrainës për të synuar anijet ruse në Detin e Zi.

Po ashtu, në gjithë këtë histori nuk duhet të anashkalojmë faktin se, sipas informacioneve të portalit rus pro Kremlinit Lenta. ru, Vladimir Putin mund të vizitojë Turqinë më 31 gusht. Ndonëse nuk ka patur detaje se çfarë do të diskutohet, tani duket se është e qartë se çfarë po i bën bashkë dy liderët pas shumë kohësh.

Bota

Me shtrirje në mbarë Europën, ‘zbërthehet’ rrjeti ndërkombëtar i drogës, të arrestuar dhe shqiptarë

Një bandë kriminale me anëtarë të huaj e shqiptarë me bazë në Marbella të Spanjës është çmontuar falë bashkëpunimin të autoriteteve të disa shteteve europiane.

Bëhet fjalë për 14 të arrestuar me origjinë shqiptare, kolumbiane, gjermane, iraniane dhe nga Maroku.

Kjo bandë merrej me trafikun e drogës në rang ndërkombëtar dhe për arrestimin e tyre autoriteteve iu deshën 28 bastisje, nga të cilat 28 u kryen në Gjermani dhe 10 në Spanjë. Nga aksionet blic, policia ka gjetur dhe sekuestruar në bazat e tyre 180 mijë euro para të gatshme, 7 armë zjarri dhe 30 kilogramë marihuanë.

Organizata, e cila operonte nga një restorant në Puerto Banús, është e lidhur me dërgimin e më shumë se një ton kanabis në Gjermani dhe sekuestrimin e 382,000 eurove në Francë.

Sipas mediave të huaja, hetimi filloi në dhjetor 2022 pas arrestimit të tre personave (me origjinë kolumbiane dhe shqiptare) në qytetin francez Dax. Të arrestuarit – të cilët aktualisht qëndrojnë në paraburgim në vendin francez – kishin fshehur 382,000 euro para të gatshme të fshehura në një automjet.

Nga hetimet e kryera nga autoritetet franceze u zbulua se paratë e sekuestruara ishin të destinuara për drejtuesit e një organizate kriminale, që dyshohet se i dedikohej trafikut ndërkombëtar të drogës, me qendër në Marbella. Po kështu u vërtetuan lidhjet me Gjermaninë, shtetin e destinacionit të drogës që transportohej nga Spanja.

Kjo motivoi fillimin e një ekipi të përbashkët kërkimor midis tre vendeve – Spanjës, Francës dhe Gjermanisë.

Drejtuesit e organizatës, dy gjermanë me origjinë iraniane dhe marokene, drejtonin një restorant të vendosur në Puerto Banus, ku zhvillonin takime me trafikantë të tjerë droge.

Përveç kësaj, ata kishin shoqërues të armatosur kolumbianë, misioni i të cilëve ishte, t’u siguronte atyre mbrojtje kundër rrezikut që organizata të tjera kriminale t’i sulmonin ose të përpiqeshin t’u vidhnin mallin.

Pas disa aksioneve policore, verën e kaluar pati disa sekuestrime të lëndëve narkotike që, siç rezultoi nga hetimet, ishin larguar nga provinca e Kadizit. Konkretisht, në qershor 2023, u sekuestruan 140 kilogramë hashash , të ndarë në tre ngarkesa të konfiskuara, të dërguara nga një kompani në Jerez de la Frontera në një kompani tjetër në Gjermani.

Nga ana tjetër, u sekuestruan 450 kilogramë hashash, të fshehura mes kutive me limon , në një kamion të sekuestruar në Gjermani dhe që vinte nga Murcia.

400 kilogramë të tjera të së njëjtës lëndë narkotike u gjetën në magazinën ku kamioni do të shkarkonte mallin.

Si rezultat i konfiskimeve, dhe përmes disa Urdhrave të Hetimit Evropian (OEI) të lëshuara nga Gjermania që kërkonin masa të ndryshme, mbikëqyrja e atyre që hetoheshin në Malaga – Puerto Banús, San Pedro Alcántara, në Marbella dhe qytetin e Estepona – u intensifikua. dhe Cádiz –Sanlúcar de Barrameda dhe Jerez de la Frontera.

Po kështu, hetimi ka zbuluar edhe lidhjet e organizatës me anëtarët e shquar të bandës së motoçikletave Hell’s Angels MC, si dhe me shtetas me origjinë shqiptare dhe bullgare, të gjithë me histori të trafikut të drogës.

Mënyra e funksionimit të përdorur nga organizata për transportin e drogës në Gjermani konsistonte në fshehjen e lëndës narkotike në shpella, si në automjete ashtu edhe në kamionë.

Në fund të prillit të kaluar, operacioni u krye njëkohësisht në Spanjë dhe Gjermani . Si rezultat, tetë persona janë arrestuar në Spanjë, dy prej tyre në Marbella, pesë në Estepona dhe një në provincën e Seviljes dhe dy në Gjermani.

Bota

Goditje e fortë/ Turqia ndërpret të gjitha marrëdhëniet tregtare me Izraelin

Turqia do ndalojë të gjitha eksportet dhe importet nga Izraeli, raporton Bloomberg duke iu referuar dy burimeve që kanë njohuri për këtë çështje.

Megjithatë Bloomberg nuk ka publikuar ansjë njoftim zyrtar deri më tani që të provojë deklaratën e dy burimeve.
Sipas Shërbimit Statistikor Turk, tregtia midis Izraelit dhe Turqisë ishte 6.8 miliardë dollarë në vitin 2023.

Të enjten, Ministri i Jashtëm izraelit, Israel Katz, shkroi në aplikacionin “X” “një diktator si (Erdogan) vepron në mënyrë që shkel interesat e popullit dhe biznesmenëve turq dhe injoron marrëveshjet tregtare ndërkombëtare”, duke shtuar se “Izraeli ka një ekonomi të fortë. Ne fitojmë dhe ata humbin”.

Muajin e kaluar, Turqia njoftoi se do të kufizonte eksportet në Izrael, duke pretenduar se Tel Avivi refuzoi ta lejonte të dërgonte ndihma humanitare në Rripin e Gazës.

Ministria turke e Tregtisë njoftoi në atë kohë se do të vendoste kufizime në eksportin e 54 produkteve që mund të përdoren për qëllime ushtarake.

Lista përfshinte dhjetëra produkte, duke përfshirë: hekur, makineri ndërtimi, xham, mermer, makineri për përpunimin e metaleve, plehra kimike, ngjitës, çimento dhe alumin.

Dje Ankaraja njoftoi se do të bashkëpunojë me Afrikën e Jugut dhe do të mbështesë padinë e ngritur kundër Izraelit në Hagë.

Bota

Shirat e dendur dhe stuhitë goditën sërish Emiratet e Bashkuara Arabe, anulohen disa fluturime

Emiratet e Bashkuara Arabe janë goditur ditën e sotme nga një mot i pazakontë me shira të dendur dhe stuhi me bubullima dy javë pasi Dubai u godit nga stuhi të paprecedentë që paralizuan Emiratin për ditë të tëra. Kjo ka çuar në anulimin e disa fluturimeve ndërkombëtare.

Gjithashtu ditën e djeshme , Autoriteti Kombëtar i Menaxhimit të Krizave dhe Fatkeqësive të Emergjencave të vendit (NCEMA) ngriti nivelet e gatishmërisë dhe gatishmërisë së sistemit kombëtar për t’u përballur me situatën.

Linja ajrore Emirates me bazë në Dubai njoftoi anulimin e disa fluturimeve më 2 maj për shkak të motit të keq në të gjithë Emiratet e Bashkuara Arabe pasi lëvizjet në Aeroportin Ndërkombëtar të Dubait (DXB) u reduktuan.

“Klientët që mbërrijnë ose nisen nga aeroporti i Dubait më 2 maj mund të presin disa vonesa pasi fluturimet janë riplanifikuar,” tha Emirates në një deklaratë.

Theksojmë se më 14-15 prill, reshjet ekstreme goditën rajone të Gadishullit Arabik, me Dubain që përjetoi shirat më të dendur të regjistruar që nga viti 1949.

Bota

Protestat e shumta në universitetet amerikane/ Reagon për herë të parë Biden

Presidenti Joe Biden ka folur për herë të parë pas dhunës dhe arrestimeve gjatë demonstratave në universitete të shumta amerikane, duke thënë: “Ka të drejtë për të protestuar, por jo për të shkaktuar kaos”. Tensionet në universitetet anembanë Amerikës janë ngritur prej ditësh, pasi demonstruesit kanë refuzuar të heqin kampet dhe administratorët kanë bërë thirrje për zbatimin e ligjit për t’i hequr ato. Ka pasur përleshje mes aktivistëve pro-palestinezë dhe kundër-protestuesve, si dhe midis demonstruesve dhe policisë.

Duke folur sot në Shtëpinë e Bardhë, Biden tha se ngjarjet në universitete “vënë në provë dy parime themelore amerikane, i pari është e drejta për fjalën e lirë dhe për njerëzit për t’u mbledhur në mënyrë paqësore, e dyta është sundimi i ligjit”. “Të dyja duhet të mbahen”, vazhdoi presidenti. “Ne nuk jemi një komb autoritar ku heshtim njerëzit dhe shtypim disidencën. Por as nuk jemi një vend pa ligj. Ne jemi një shoqëri civile. Dhe rendi duhet të mbizotërojë.”

Ai shtoi: “Mendimi është thelbësor për demokracinë, por mospajtimi nuk duhet të çojë kurrë në çrregullim ose mohim të të drejtave të të tjerëve në mënyrë që studentët të mos mund të përfundojnë semestrin dhe arsimin universitar.” Në një fjalë të shkurtër, Biden tha se ‘protesta e dhunshme në Shtetet e Bashkuara nuk është e mbrojtur me ligj, protesta paqësore është e mbrojtur. Të shkaktërrosh prona, të kërcënosh njerëz, të pengosh të tjerët të kenë qasje në Universitet nuk është protestë paqësore’. Ai vazhdoj më tej duke thënë se amerikanët duhet të kenë të drejtën të dëgjohen, por se sundimi i ligjit duhet të mbështetet.

‘Antisemitizimi apo fjalimet me urrejtje nuk kanë vend nëpër universitete e as në Shtetet e Bashkuara’, tha Presidenti Biden duke reaguar ndaj kritikave kryesisht të studentëve hebrenj dhe përkrahësve të Izraelit se protestat pro – palestineze janë kthyer në qendra urrejtjej ndaj Izraelit dhe hebrenjve në përgjithësi. Ndërsa largohej nga salla ku e mbajti fjalimin Presidenti Biden iu përgjigj shkurt me “Jo” pyetjes së gazetarëve nëse do të angazhojë Gardën Kombëtare për të vënë nën kontroll protestat që janë përhapur në të gjithë vendin.

Zoti Biden ka kritikuar ndonjëherë sjelljen e Izraelit, por SHBA-ja ka vazhduar ta furnizojë atë me armë. Presidenti tha se protestat nuk e kanë shtyrë atë të rimendojë politikat në lidhje me Lindjen e Mesme. Deklaratat e tij erdhën pas ditësh heshtjeje për protestat. Gjatë kësaj kohe, republikanët janë përpjekur të përdorin skenat e trazirave kundër demokratëve.

Zoti Biden tha se ai kundërshton përpjekjet për të përdorur situatën për të “shënuar pikë politike”. “Ky nuk është një moment për politikë”, tha ai sot. “Është një moment për qartësi.” Gjatë natës, policia arrestoi protestues pro-palestinezë në kampuse të shumta, duke përfshirë në Universitetin e Kalifornisë, Los Anxhelos (UCLA), ku oficerët me pajisje për protesta qëlluan me plumba gome ndaj demonstruesve dhe shkatërruan një kamp që kishte qenë në vend për një javë. Diku midis 200 dhe 300 persona u arrestuan në UCLA mbrëmë, i kanë thënë dy burime të zbatimit të ligjit për NBC News. Informacione specifike për të arrestuarit, si për shembull nëse janë studentë, staf apo jo të lidhur me universitetin, mund të mos dihen për ditë të tëra.

Bota

VIDEO E RËNDË/ Babai detyron të birin 6-vjeçar të vrapojë në pistë për të rënë nga pesha, vogëlushi humb jetën

Një 31-vjeçar në SHBA akuzohet për vrasjen e djalit të vij 6-vjeçar.

Vrasja e vogëlushit ka tronditur Gjykatën pasi 31-vjeçari Christopher Gregor, ka detyruar djalin e tij të humbë peshë duke u ushtruar.

Në video, Corey i vogël mund të shihet duke u rrëzuar, ndërsa babai i tij e ngre vazhdimisht dhe e vendos në pistën e vrapimit.

Në një moment, në fakt, 31-vjeçari shfaqet duke kafshuar fëmijën në kokë për ta detyruar të kthehet në pistë.

Mesa duket shpejtësia e pistës ka qenë aq e madhe sa djali 6-vjeçar ka rënë dhe zvarritet për t’u rikthyer sërish.

Rreth 24 orë pas ushtrimit torturues për 6-vjeçarin, nëna e tij, e cila kishte kujdestarinë e përbashkët të djalit me 31-vjeçarin, e çoi Corey-n te mjeku, ku fëmija tregoi se çfarë kishte kaluar me të atin.

Të nesërmen babai i akuzuar e çoi përsëri fëmijën në spital pasi djali u zgjua me vështirësi në frymëmarrje, konfuzion dhe të përziera.

Kur mjekët kryen një MRI, djali pësoi një krizë dhe përpjekjet e mjekëve për ta mbajtur në jetë ishin të kota.

Nga ekspertiza e parë pas vdekjes rezultoi se 6-vjeçari ka ndërruar jetë si pasojë e një dëmtimi të fortë në zemër dhe mëlçi. Babai i Corey u arrestua në korrik 2021 dhe përballet me një dënim të përjetshëm.