Testohet për herë të parë gjaku artificial, ndikimi tek njerëzit

Gjaku i prodhuar në mënyrë laboratorike ka filluar të testohet për herë të parë te njerëzit. Sipas mediave të huaja, testi do të behët në të paktën 10 vullnetarë të shëndetshëm. Qëllimi përfundimtar është të prodhohen grupe gjaku vitale, por tepër të rralla, të cilat janë të vështira për t’u kapur.

Këto janë të nevojshme për njerëzit që varen nga transfuzionet e rregullta të gjakut për kushte të tilla si anemia drapërocitare.
Nëse gjaku nuk është në përputhje të saktë, atëherë trupi fillon ta refuzojë atë dhe trajtimi dështon. Ky nivel i përputhjes së indeve shkon përtej grupeve të njohura të gjakut A, B, AB dhe O.

Prof Ashley Toye, nga Universiteti i Bristolit, tha se disa grupe ishin “me të vërtetë, vërtet të rralla” dhe “mund të ketë vetëm 10 njerëz në vend” në gjendje të dhurojnë.

Për momentin, ka vetëm tre njësi të grupit të gjakut “Bombay” – të identifikuara për herë të parë në Indi – në magazinë në të gjithë Mbretërinë e Bashkuar.