“Mbase bën vet si idiot”, vijojnë përplasjet Rama-Shehaj

TIRANË- Me debate është shoqëruar seanca plenare në Kuvend, ndërmjet opozitës dhe kryeministrit Edi Rama. Gjithçka nisi pas akuzave që deputeti demokrat Agron Shehaj, bëri në drejtim të kryeministrit Edi Rama për të cilin tha se fshihet pas një kompanie offshore në Holandë, kompani të cilës Klodian Zoto i ka transferuar inceneratorin e Tiranës. Kjo deklaratë në Kuvend është dukur pas logjikë për kryeministrin Edi Rama, i cili e ftoi Shehajn që të sillte prova në lidhje me akuzat e rënda që ngriti kundrejt tij. Duke ju drejtuar Shehajt, Rama i tha ose bën vetë ose është idiot që guxon dhe ngre akuza të tilla ekstreme, në bazë të të cilave ai duhet të ishte para drejtësisë.

Jam gjithmonë në dilemë nëse jeni idiot. Ju thatë që unë fshihem pas një offshore në Holandë. Kjo është shumë e rëndë. Më sillni një provë. Ju ftova që ju të jepni provën dhe në të gjitha ato që thatë unë nxora përsëri dilemën time, ju jeni idiot apo bëni vetë.’- tha Rama.

Pas reagimit të ashpër të kryeministrit erdhi edhe përgjigja deputetit Agron Shehaj, i cili kishte dalë në një deduksion se kreu i qeverisë dhe qeveria fshihet pas kompanisë holandeze offshore dhe se ishte i sigurt për këtë, por prova nuk kishte. Sipas Shehajt, ai nuk ka prova, kjo pasi kompanitë offshore, prandaj duhen sepse mund të fshehësh se kush fshihet pas tyre.

Kjo përgjigje e Shehajt nxiti sërish reagimin e kryeministrit Edi Rama.

‘Je idiot apo bën vetë! Unë nuk të thash je, por ngrita një pyetje. Mund të bësh vete. Por ti më thua mua kriminel, sepse një kryeministër që është i fshehur offshore është kriminel. Je në vete apo jo. Unë e kuptoj se kështu e ke në mëndje. U bë për të thirrur urgjencën, shko bëj një skaner se s’ka mundësi ose pastaj bën vetë. Nëse bën vete ke arsyet  e tua.’- i tha Rama.

Debate më herët në Kuvend ka pasur edhe  për votimin e anëtarit të Gjykatës Kushtetuese, ku i renditur i dyti është edhe Ardian Dvorani. Oerd Bylykbashi nga PD-ja e Sali Berishës, tha se ai nuk është i denjë për të qenë anëtar i ‘Kushtetueses’, e ndërsa përgjigjen e ka marrë nga kreu i grupit të PS-së, Taulant Balla. Ai tha se Dvorani është kampion i drejtësisë, e se opozita duhet të ketë më respekt kur të flasë për të.

Debate ne Kuvend pati edhe për huanë për rrugën Qukës Qafë-Plloçë. Gjatë fjalës së tij në Kuvend, deputeti Dashnor Sula u shpreh se për rrugën Qukës Qafë Plloçë para një muaji janë miratuar rreth 40 milionë euro, teksa është përfunduar 99.4% e punimeve të kësaj rruge. Deputeti demokrat akuzoi qeverinë duke thënë se rruga Kardhiq është bërë me dyfishin e fondit, ndërsa përmendi rrugën e Elbasanit si një projekt që u nis me 312 milionë dollarë dhe u përfundua me 450 milionë.

Nga ana tjetër Balla akuzoi qeverinë e atëhershme, të Sali Berishës, se kanë abuzuar me ndërtimin e kësaj rruge duke e përdorur për fushatë elektorale. Balla tha se e nisën ndërtimin e rrugës pa projekt dhe pasi fituan zgjedhjet shpallën kompaninë fituese, që sipas Ballës e hartoi projektin nga zyra pa dalë në terren. Ai tha se të gjithë personat e përfshirë në këtë rrugë duhet të ishin tashmë para drejtësisë.

Rama kthen në batutë sherrin me Shehajn në Kuvend

Kryeministri Edi Rama e ka kthyer në batutë sherrin që pati me deputetin e Partisë Demokratike Agron Shehajn në Kuvend. Me ironi kreu i qeverisë ka treguar përplasjen me Shehajn të cilit i kërkoi prova pas akuzave se ishte i fshehur pas një kompanie offshore, por ky i fundit nuk i kishte.

‘Jetë parlamentare! Ballisti: KM është i fshehur në një offshore në Hollandë! Unë: A mund ta di ku bazohet kjo akuzë? Ballisti: E kam bindje! Unë: Pra s’keni asnjë provë! Foltorexhiu: Pse gjykatës je ti që do prova?! Ballisti: Po offshoret prandaj janë bërë që mos ketë prova!’- shkruan Rama.

Inceneratorët/ Berisha: Kompania ‘Integrated Energy’ nuk ekzistonte në asnjë regjistër, i përket Edi Ramës

Ish kryeministri Sali Berisha në foltoren e kuvendit nuk kurseu akuzat për kryeministrin Edi Rama mbi inceneratorët e Elbasanit dhe Tiranës, duke deklaruar se e vetmja mënyrë që këto shkelje të bëheshin është nëse kompania e inceneratorëve i përkiste vetë Ramës.

“Pasi u mor Elbasani, do na merrej Tirana që shkonte në 100 e ca milionë. Edi Rama me Ahmetajn nëpërmjet një agjentit të tyre, Zotos, bënë kërkesë të merrnin 8% për djegësin e Tiranës. Kërkesën e bënë në nëntor të vitit 2019. Rastis zonja që ishte hetuese prokurore dhe me mani për të hetuar dhe kompaninë Integrated Energy nuk e gjen askund përveç se në zyrën e Edi Ramës.

Na thuaj pak Rama, me cilën kompani mund të veproje në këtë mënyrë përveç se me kompaninë tënde? A vodhi Erion Veliaj? Hajdut me çizme! Firmosi dokumente në emër të Këshillit pa mbledhur këshillin. Këta janë korpus’-tha Berisha.

Berisha-Nikollës: Je kryeparlamentare apo sekretare e Edi Ramës? Po prish klimën parlamentare në këtë mënyrë

Kreu i Rithemelimit, Sali Berisha kritikoi kryeparlamentaren Lindita Nikollën për mënyrën e menaxhimit të seancës plenare, duke i dhënë fjalën kryeministrin Edi Rama sa herë që e kërkonte për replikë.

“Je kryetare e parlamentit apo sekretare e Edi Ramës? Nëse je kryetare parlamenti duhet të ruash rregulloren e drejtë për deputetët. Ti për Edi Ramën nuk njeh rregullore dhe ligj për deputetët përdor standart tjetër. A e kupton se prish klimën parlamentare në mënyrë thelbësore në këtë mënyrë? Nëse e drejta e replikës nuk merret për së dyti dhe për së treti. Ai 100 herë po ia dhe fjalën, ai po aq herë hajdut del!”-tha Berisha.

Rama-Shehajt: Je i vetëdijshëm apo jo, nuk di ca flet! U bë për të thirrur urgjencën, shko bëj skaner

Kryeministri Edi Rama dhe deputeti demokrat Agron Sheaj kanë pasur sërish përplasje në Kuvend. Rama u ndal në akuzat e Shejat për inceneratorët, teksa e pyeti nëse është i vetëdijshëm pao jo për ato që thotë.

“Je idjot apo bën vetë. Unë nuk të thash je, por ngrita një pyetje. Mund të bësh vete. Por ti më thua mua kriminel sepse një kryeministër që është i fshehur offshore është kriminel. Del ai avokati i avoketërve që ta bën të bardhën të zezë të zënë të bardhë dhe thotë dashke prova ti qenke gjyqtar. Ju keni ik fare, doni të përmbysni normat më elementare të komunikimit. Ti më thua mua u kape me falsifikim në dellaware. Je i vetëdijshëm. Kompanitë jo vetëm që s’ka marrë asnjë lek, edhe gënjen, por kom ka lënë të tëra paratë që vuri garanci se ja mori buxheti i shtetit. Humbi edhe gjyqin për garanaci. Je në vete apo jo. Unë e kuptoj se kështu e ke në mëndje. U bë për të thirr urgjencën, shko bëj një skaner se s’ka mundësi ose pastaj bën vetë. Nëse bën vete ke arsyet  e tua. Unë viktimën, se kam bëtë kurrë s’jam viktimë e asgjëje. Ti s’më tregon a s’ku shkollohen fëmijët e mi dhe ku është e ca bën familja ime. Askush s’ma tregon. Jeni bëtë fare, s’keni frena nuk e di si ja bëni natën. Për gjërat që fole ka një provë shumë të madhe, ka një sistem drejtësie që po bën punën e vet detaj për detaj”, tha Rama.