Rita Ora konfirmon zyrtarisht martesën

Këngëtarja shqiptare me famë ndërkombëtare, Rita Ora më në fund konfirmoi se është martuar me të dashurin Taika Waititi të premten, duke e përshkruar dasmën si ‘perfekte’ dhe ‘ditë të veçantë’.

32-vjeçarja, po fliste në Heart Radio Breakfast për të promovuar këngën e saj më të fundit “You Only Love Me” dhe ndër të tjera u shpreh: “Po (jam e martuar). Unë jam zyrtarisht jashtë tregut. Zgjodha ta mbaja më private dhe ta mbaja më shumë për vete”.

Sipas Daily Mail, duke folur për ndryshimin e mundshëm të mbiemrit, ajo pranoi: “Patjetër që kam menduar të marr mbiemrin e tij, por kam punuar shumë për këtë mbiemër Ora. Nuk e di… Nuk kam vendosur ende”