Mbreti Karli III uron për ditëlindje Princin William

Sot Princi William mbush 41 vjeç dhe nuk kishte se si të mungonte një urim nga Mbreti Karli III, i cili ndau një postim të ëmbël në Instagram.“Duke i uruar ditëlindjen Princit të Uellsit sot”, shkruhej në mbishkrim krahas një fotoje nga provat për ceremoninë e kurorëzimit, në të cilën ata të dy shihen të buzëqeshur ndërsa William e ndihmon atë të kalojë një moment kaq të rëndësishëm për të.Sipas Hello, e njëjta foto është shpërndarë nga fotografi britanik Chris Jackson në rrjetet sociale, duke shkruar se është “e mrekullueshme të kapësh këtë moment të relaksuar në prapaskenat e provave të Kurorëzimit”.Princi William Arthur Philip Louis i Uellsit lindi në Spitalin St Mary, Paddington, Londër më 21 qershor 1982.Në vetëm nëntë muajsh, ai shoqëroi prindërit e tij në një vizitë zyrtare gjashtë-javore në Australi dhe Zelandën e Re. Ai ishte vetëm 15 vjeç dhe vëllai i tij Harry ishte 12 vjeç kur ata ecën pas arkivolit të nënës së tyre gjatë procesionit funeral në Londër.William u takua me Kate Middleton në Universitetin e St. Andrews në qarkun historik të Fife, Skoci. Ata u martuan në vitin 2011 pas lidhjes për më shumë se tetë vjet dhe kanë tre fëmijë së bashku.