Aksident në Lezhë, përplasen 2 makina, ka persona të plagosur rëndë

Një aksident ka ndodhur pak minuta pas mesnate në rrugën që lidh Talën me superstradën Lezhë-Milot, në vendin e quajtur ‘Ura e Prekanit’. Janë përplasur dy automjete e për pasojë kanë mbetur të plagosur 2 persona. Ata ngelën të bllokuar për disa minuta në makinë dhe për nxjerrjen e tyre u desh ndërhyrja e zjarrfikësve. Dy të plagosurit janë derguar për ndihme mjekësore në spitalin e Traumës ku mësohet se gjendja e tyre është e rëndë.