Connect with us

Aktualitet

Është Vjena qendër e xhihadistëve të Ballkanit?

Gjatë sulmit në lagjen e vjetër të Vjenës, atentatori kishte vënë në mes rrip të mbushur me lëndë shpërthyese dhe ishte armatosur deri në dhëmbë me pushkë, pistoletë dhe thikë. Dhe me sa duket ishte shumë i vendosur të vriste njerëz. 20 vjeçari Kujtim F. njihej mirë nga autoritetet austriake të sigurisë. Një vit më parë austriaku me origjinë shqiptaro-maqedonase kishte dashur t’i bashkohej Shtetit Islamik, IS. Për këtë arsye ishte dënuar me 22 muaj burgim. Më 5 dhjetor 2019, ai ishte liruar me kusht. Sepse duke qenë i ri pa e mbushur moshën madhore, ai gëzonte privilegjet që jep në Austri ligji për të miturit, (JGG).

Kujtim F. ndodhej nën kujdesin e Shoqatës DERAD, që është e specializuar për çradikalizimin e të rinjve myslimanë dhe punon së bashku me ministrinë e Brendshme në Vjenë. “Unë nuk do kisha menduar kurrë se ai mund të kthehej në atentator,” thotë ish-avokati mbrojtës, Nikolaus Rast. Ai vinte nga “një familje normale” dhe kishte rënë në shoqëri të keqe, shton ai. “Sikur të mos kishte shkuar në xhami, por të kishte shkuar në boks, atëherë ai do ishte bërë boksier,” beson Rast. E ëma e atentatorit pati shkuar dy vjet më parë në zyrën e tij, sepse i biri ishte zhdukur. Ai ishte radikalizuar në internet. Plumbat e policisë i dhanë fund jetës së të riut, të hënën (2.11) në mbrëmje në afërsi të kishës, Rupertskirche, në qendër të Vjenës.

Ka pasur shenja që tregonin se ai ishte duke përgatitur një sulm, pranon ministri austriak i Brendshëm, Karl Nehammer (ÖVP) një ditë pas atentatit. 20 vjeçari ka nisur një fotografi në llogarinë e tij në Instagram, ku ka dalë me dy armë në dorë, armë që i ka përdorur më pas gjatë sulmit. Nehammer ia ka hedhur kështu fajin partneres së koalicionit nga partia e Gjelbër, ministres së Drejtësisë, Alma Zadic. Atentatori 20 vjeçar ka arritur të mashtrojë “programin e çradikalizimit të drejtësisë”. Kështu gjatë një takimi me DERAD në muajin tetor ai ka dënuar sulmet terroriste të Francës, megjithatë ekzistojnë “shumë të dhëna për radikalizimin e tij,” tha në konferencë shtypi të martën (3.11) drejtori i përgjithshëm i sigurisë publike, Franz Ruf. “I domosdoshëm është evaluimi i sistemit dhe përmirësimi i sistemit të drejtësisë,” thotë ministri i Brendshëm, Nehammer.

Ai nuk thotë pse shërbimet e ministrisë së tij, nuk e kishin më mirë nën kontroll 20 vjeçarin, megjithëse ai kishte të kaluar radikale. Në të ardhmen duhet marrë edhe këshilla e autoriteteve të sigurisë, kur ndodhin lirime nga burgu.

Organizatat myslimane dënojnë sulmin

Komuniteti fetar mysliman në Austri (IGGÖ) u indinjua nga sulmi, të cilin kryetari Ümit Vural e quajti “sulm mbi Vjenën tonë”. IGGÖ i ofroi bashkëpunim pa kufizim autoriteteve të sigurisë. Ata ndodhen po ashtu në bashkëpunim me komunitetet e tjera fetare. Vural theksoi se “rendi liberal” është më i fortë se “dhuna dhe terrori”. Shoqata e xhamive turke, ATIB dënoi sulmin. “Terrorizmi nuk ka fe dhe atdhe”, tha kryetari i saj, Fatih Yilmaz. Përgjigja e vetme është “bashkëpunimi dhe solidariteti”. Kryetari i ATIB vlerësoi lart “fjalimin e diferencuar dhe të menduar të kancelarit Kurz, për të mos i vënë të gjithë myslimanët nën një emërues të përbashkët”. Kryeministri austriak pati theksuar se armiku nuk janë anëtarët e një feje, por janë ekstremistët islamikë. Islamistët duan të përçajnë shoqërinë, por “kësaj urrejtje nuk do t’i lihet aspak hapësirë”, tha kancelari një ditë pas sulmit në Vjenë.
Edhe alevitët dhe rinia myslimane e dënuan sulmin. Kemi të bëjmë me një sulm frikacakësh ndaj njerëzve të pafajshëm, sulm ndaj mënyrës vjeneze të jetesës, sulm kundër Austrisë, kundër shoqërisë”, thanë përfaqësuesit e rinisë myslimane. Ditën e premte (xhuma), të rinjtë myslimanë do të përkujtojnë viktimat e sulmit.

Burgjet “djepe të radikalizimit”

Hoxha Ramazan Demir, që ka qenë më parë hoxhë në burg, e vë gishtin mbi plagë. “Burgjet janë djepe radikalizimi”, thekson ai. Edhe revista “Profil” flet në numrin e fundit për mungesa në sistemin e sigurisë në burgjet austriake. Kështu sipas Ministrisë vjeneze të Drejtësisë, është rritur numri i celularëve të futur kontrabandë në burg. Vitin e kaluar janë konfiskuar 1000 celularë të futur ilegalisht në burgje, 720 më shumë se një vit më parë. Në qelinë e një ish-idhtari të Hamasit, në burgun e Gracit u gjet një celular pranë katër kutive fishekësh. Ai mendohet të ketë organizuar nga qelia e tij një atentat, gjë që avokati i tij nuk e pranon. Revista flet edhe për Lorenz K, një të burgosur idhtar të IS, i cili ka zhvilluar nga burgu në Stein, një chat me një idhtare të IS në Siri. Ai i ka dërguar një fotografi gruas, në të cilën ka dalë para një flamuri të zi të IS, fotografi e bërë në qeli. “Ky flamur ka qenë gjithnjë në qeli,” ka thënë ai kur është marrë në pyetje nga punonjësit e Zyrës federale për mbrojtjen e kushtetutës dhe luftimin e terrorizmit, (BVT), “të gjithë e kanë ditur dhe askush nuk ka ndërmarrë gjë kundër”. Ai po ashtu ka shpërndarë përmbajtje për IS nga profili i tij në instagram, mes të cilave besnikëri për vdekje ndaj udhëheqësit të ri të milicëve terroristë. Avokati mbrojtës i tij, e quan klientin e tij “naiv notorik”, i burgosuri vetë i hedh poshtë të gjitha akuzat që i bëhen.

“Që aty ka lëvizje”, është parë qartë ditët e fundit në forumet përkatëse, thotë drejtori i Qendrës së kontaktit për parandalimin e ekstremizmit në komunitetin fetar islamik, Nadim Mazarweh. Njeriu duhet të mësojë që të interpretojë si duhet retorikën që përdorin këta njerëz, thotë ai, në mënyrë që të pengohen sulme të tilla terroriste në të ardhmen.

Austria, qendër e xhihadistëve nga Ballkani

Austria ka kohë që është kthyer në qendër të xhihadistëve të Ballkanit, por edhe atyre nga Kaukazi. “Pjesa më e madhe e xhihadistëve që janë nisur nga Austria për të luftuar për organizatat terroriste jashtë vendit, janë çeçenë,” shpjegonte ministri i Brendshëm austriak, Karl Nehammer (ÖPV) pas sulmeve të fundit terroriste në Paris. Qeveria e Vjenës bëri të ditur pas sulmeve të Parisit, se do të krijojë një “Taskforce”, e cila duhet të merret me rreziqet që ekzistojnë nga shoqëritë paralele”. Shoqata vjeneze, DERAD, duhet të largojë nga xhihadizmi myslimanët e radikalizuar në burgje dhe të pengojë që të rinjtë myslimanë të përfundojnë në skenën politike islame. Ky sistem është ende duke u provuar, në të ardhmen duhet marrë edhe mendimi i specialistëve të çështjeve të sigurisë kur ka lirime të parakohshme nga burgjet, thotë ministri i Brendshëm. Në pranverë në Grac u dënuan me burgim xhihadistë udhëheqës. Nëpërmjet një shoqate besimtarësh në Grac, ata kishin çuar kontrabandë në Lindjen e Mesme njerëz për të luftuar. Shteti Islamik ka vite që rekruton luftëtarë të Zotit edhe nga Ballkani. Qendrat më të nxehta atje janë Sanxhaku në trekëndëshin Bosnjë, Serbi, Kosovë si dhe vendet që ndodhen përreth. Video me propagandë të IS i drejtohen të rinjve nga shtetet e Ballkanit. Emrat që ata përdorin në luftë flasin për prejardhjen. Ata quhen Al-Bosni, Al-Kosovi, Al-Albani. Vizioni që kanë radikalët është ta kthejnë Ballkanin në kalifat. Gjurmët e tyre të çojnë gjithnjë e më shumë në Vjenë.

Heronj të mediave sociale

Ndërkohë heronj të mediave sociale janë bërë pas sulmit të Vjenës dy sportistë të sporteve marciale me prejardhje turke. Të hënën në mbrëmje ata arritën të nxirrnin nga rreziku dy persona, një prej të cilëve një polic i plagosur. “Ne myslimanët me prejardhje turke dënojmë çdo lloj terrorizmi,” thotë njëri prej tyre në një video të postuar në Instagram. Ata kishin dalë të pinin një kafe, para fillimit të ndalim qarkullimit,” tregon njëri prej tyre.

Hit në mediat sociale u kthye edhe video e një burri, që e shante atentatorin nga dritarja e një ndërtese në qendër të Vjenës, duke folur dialektin vjenez: ” Schleich di, du Oaschloch”, “qërrohu, plehrë”.

dw

 

Advertisement
Click to comment

Leave a Reply

Your email address will not be published. Required fields are marked *

Aktualitet

Nga Edlira Devolli Leka: Vetëvr*asja e nënës me tre fëmijët kërkon diskrecion

Nga Edlira Devolli Leka
Ngjarja tragjike e vrasjes se tre femijeve dhe vetvrasjes se nenes kerkon respekt dhe diskrecion.
Verej se nje pjese e mire ka drejtuar gishtin nga nena edhe se ajo nuk mundi te gjente “drejtesine e pretenduar” sa ishte gjalle, e nuk ka ze te mbrohet tashme.
Per nje gje bie dakord, se eshte krim, por kurr se e shkaktoi nena sepse nenat nuk jane kriminele.
Disa nga deshmite mbi kete ngjarje megatragjike jane:
👉🏻“Iu betua mbi varrin e te atit se nuk do e tradhetonte me” tha babai i te ndjeres.
👉🏻“Ishte larguar ne Itali dhe i shoqi i’u lut te kthehej dhe i premtoi besnikeri”.
👉🏻“Kishte dhune sistematike fizike e psikologjike”.
👉🏻“Ik nga shtepia bashke me femijet, nderkohe nuk i firmoste prokuren per te miturit qe te emigronte”
👉🏻“Merrte antidepresiv” dhe “femijet nuk e linin asnje moment vetem se kishin frike mos largohej”
👉🏻“E pa te shoqin me nje 17 vjecare ne makine” ishte deshmia perfundimtare ajo qe i dha shtysen e fundit.
Te gjithe qe dhane deshmite, pane punet e tyre.
Te gjithe ata qe e fajesuan per aktin, do i’a drejtonin gishtin per se gjalli.
Nuk justifikoj asnje veprim qe heq jeten, por nuk kam ndare asnjehere mendimin se faji eshte te viktima.
Nese vazhdojme te drejtojme gishtin nga me i dobti, nga i pamunduri, nuk do i ndihmojme te tjerat qe jane ne te njejten situate.
Duhet te pranojme se kultura shpeshhere eshte bashkefajtore, pse jo gjithmone…
Ka shume qe nuk degjojne e nuk shohin, por ka edhe te tjere qe ofrojne ndihme!
Te dashura nena, gra e vajza, telefononi per ndihme policine, kerkoni ndihme qofte te psikologet ne shkollen ku studjojne femijet tuaj. Mos ndalni asnje moment duke kerkuar ndihme e drejtesi pasi jeta juaj eshte e shenjte, do dali dikush t’ju degjoje e t’ju ndihmoj.
P.S ” Nuk kishte se si te gjendej trupi i nenes para femijeve te saj. Ajo eshte nene edhe se e vdekur nuk mund t’i linte vetem as ne fund te Bunes engjujt e saj!
Shpresoj te prehen ne lulet e parajses! 🙏
Continue Reading

Aktualitet

Aksion policor/ Zbulohen një “shtëpi bari” dhe pajisje për prodhim kriptovalutash, shoqërohen 4 persona

Policia e Tepelenës ka ndërmarrë ditën e sotme një aksion në zonën e Kurveleshit pas disa informacioneve për prezencë të bimëve narkotike.

Mësohet se autoritetet kanë zbuluar një ambient të mbyllur ku ishin isntaluar drita për rritjen e kanabisit si edhe sende të tjera të përshtatura për rritjen e bimëve.

Raportohet se deri më tani janë zbuluar më shumë se 230 rrënjë kanabisi, ndërsa policia ka shoqëruar në Komisariatin e Tepelenës 4 persona.

Një prej tyre dyshohet se është drejtuesi i veprimtarisë së paligjshme, ndërsa autorietetet vijojnë aksionin për verifikimin e personave të tjerë.

 

 

Gjithashtu gjatë kontrolleve të policisë në një tjetër banesë në Tepelenë janë zbuluar edhe pajisje për prodhimin e kriptovalutave.

Policia ka evidentuar faktin se në këto tri mjedise ka patur mbifaturim të energjisë elektrike çka ka nxitur dyshimet për përdorimin e tyre për veprimtari të jashtëligjshme.

Continue Reading

Aktualitet

‘Dyshime për pastrim parash’/ Lala: SPAK po heton intensivisht kullën “Mali i Tiranës

Klodiana Lala ka deklaruar se kulla “Mali i Tiranës” është duke u hetuar intensivisht nga SPAK dhe se ka dyshime për pastrim parash dhe shpërdorim detyre.

Kujtojmë se kjo është kulla që ngjalli mjaft debate pak kohë më parë, pasi edhe opozita nuk e denonconce publikisht, ndërkohë gazetari Mero Baze hodhi akuza se pas saj qëndron edhe djali i Sali Berishës, Shkëlzen Berisha, nëpërmjet një biznesmeni.

“SPAK po heton intensivisht për kullën “Mali i Tiranës”. Kam përgjigje zyrtare, ka hetim për pastirm parash dhe shpërdorim detyre. Shumë çështje që nuk fliten, sepse janë në fillime, edhe unë has vështirësi për ti raportuar. Të kesh fakte duhet punë titanike, e dini sa çështje mbulojmë. Kjo është një nga rastet që SPAK të na tregojë, nëse nuk është i ngecur në atë rrjetën e politikës dhe biznesit”, tha Lala.

Gazetarja foli edhe për disa çështje të lidhura me politikën që SPAK po heton aktualisht.

“Kemi hetimet për koncesionet në Shëndetësi. Janë 300 dëshmitarë vetëm te koncesioni i Check Up. Duhet një vit vetëm për të pyetur dëshmitarët.

Kemi një zv.kryeministër në arrati. Kemi kryetar bashkie në detyrë të thirrur. Nuk dua ta ndaj është Berisha, Meta apo Veliaj, por kur SPAK siguron prova, nuk duhet ndarë e majtë apo e djathtë. Nëse ka prova që i mbërthen, për mua janë në rregull.

Tjetra, kemi hetim të çelur ndaj Ilir Beqajt, zoti Beqaj ka patur ndikim shumë të madh brenda prokurorisë së posaçme. Ka patur grupime që kanë tentuar ta shpëtojnë. Ai ka dyshime për abuzime me fondet e SASPAK. Por ka edhe një çështje të re për zotin Beqaj. Ndërkohë, sot që flasim ke hetime pafund që përfshin zyrtarë të lartë. Nëse ndalemi te inceneratorët, SPAK duhet të hetonte si grup të strukturuar kriminal. Duhet të thërriste kryeministrin e vendit zotin Rama.

Por, sido që të shkojë, fakti që prokuroria edhe pse me vonesë po thërret njerëz që deri dje, edhe ne mediat, e mban mend kur bëra një kronikë per Veliajn, që mora sistemin TIMS dhe u ula, për të bërë një analizim? Veliaj më diltë duke mbjellë pemë dhe pastaj më rezultonte në Hollandë dhe Vienë. Ajo që më ka trishtuar shumë, nuk ishte problemi që po flitej për Erion Veliaj, nuk thoshte njeri kanë dalë këto të dhëna, nuk shqetësohej njeri , por thoshin qenka kujtuar një gazetare”, tha Lala.

Continue Reading

Aktualitet

Dosja e mashtrimit/ Si u zhyt Banka e Shqipërisë në skandalin e kredive

Nga Klodian Tomorri

Në 18 gusht të vitit 2015, një shoqëri e quajtur Micro Credit Albania bleu 22 milionë euro kredi të këqija nga banka Procredit. Çmimi i blerjes ishte sa 2.7 për qind e vlerës së kredive. Një muaj më vonë, e njëjta shoqëri bleu dhe 540 mijë euro të tjera kredi të këqija nga subjekti Vision Fund. Por të gjitha këto operacione zhvilloheshin në fshehtësi të plotë dhe aryeja për këtë ishte shumë e fortë. Micro Credit Albania nuk kishte liçencë për të blerë kredi, ndërsa Shqipëria nuk kishte ligj, që lejonte shitjen e kredive të këqija.

Micro Credit Albania ishte një kompani e licencuar nga Banka e Shqipërisë në 27 shkurt të vitit 2015 si institucion financiar mikrokredie. Baza ligjore për veprimtarinë e këtyre institucioneve qe miratuar me një rregullore të posaçme të Këshillit Mbikqyrës të BSH që në janar të vitit 2013 me firmën e ish guvernatorit Adrian Fullani. Në rregullore thuhej shprehimisht; “Institucionet financiare të mikrokredisë kanë si objekt të tyre vetëm kredidhënien dhe shërbimet këshilluese për veprimtarinë e kredidhënies.”

Pra sipas ligjit të asaj kohe, institucioneve të mikrokreditit u lejohej vetëm dhënia e mikrokredive deri në shumën maksimale 600 mijë lekë dhe asnjë aktivitet tjetër, aq më tepër blerja e kredive të këqija. Me pak fjalë, të gjitha transaksionet e shitblerjeve të kredive të këqija ishin një veprimtari në kundërshtim me ligjin, e cila vazhdoi për muaj të tërë.

Por në vend që të bllokonte veprimtarinë e paligjshme dhe të kallëzonte personat përgjegjës për ndjekje penale, Banka e Shqipërisë ndryshoi ligjin post factum duke tërhequr edhe Këshillin Mbikqyrës në paligjshmëri.

Implikimi i Këshillit Mbikqyrës

Në 30 mars të vitit 2016, kur kishin kaluar mbi 6 muaj nga koha që Micro Credit kishte blerë kreditë e para të këqija, Këshilli Mbikqyrës i Bankës së Shqipërisë ndryshoi rregulloren “Për liçencimin dhe ushtrimin e veprimtarisë nga instititucionet financiare jobanka”. Në pikën 2 të kësaj rregullore u shtua fjalia se “blerja e kredisë do të konsiderohet si një nga format e kredidhënies”.

Edhe pse kjo ishte vetëm një fjali e shkurtër, shndërrimi i saj në ligj i hapi rrugën një prej mashtrimeve më të mëdha financiare në historinë e Shqipërisë. Atë të zhvatjes së 100 mijë qytetarëve shqiptarë me kredi grabitqare dhe tjetërsimit të pronave për dhjetra mijë familje anembanë Shqipërisë. Një skemë grabitje, e cila vlerësohet se arrin në mbi 200 milionë euro.

Nuk dihet nëse Këshilli Mbikqyrës i kohës ishte në dijeni se në treg kishin ndodhur sakaq blerje masive të kredive të këqija nga shoqëria Micro Credit Albania apo u shty në ligjërimin e krimit nga krahu ekzekutiv i Bankës pa patur informacion të plotë se çfarë po votonte. Këtë me shumë gjasa do ta zbulojnë hetimet e SPAK. Megjithatë edhe me ndryshimin e rregullores paligjshmëria nuk ishte mbuluar tamam. Duhej edhe një lëvizje tjetër, tashmë për të ligjëruar MCA-në,e cila nuk vonoi.

Në 9 maj të vitit 2016 Banka e Shqipërisë revokoi liçencën e Micro Credit Albania si institucion financiar mikrokrediti dhe po në të njëjtën ditë e liçencoi atë si subjekt financiar jobankë. Kjo liçencë i jepte ligjërisht të drejtën Micro Credit Albanias që të blinte kredi të këqija edhe pse kompania kishte mbi 6 muaj që e bëntë këtë veprimtari në paligjshmëri.

Krimi pjell krim

Një aferë e nisur në mënyrë të paligjshme nuk mund të prodhojë gjë tjetër përveçse krim. Menjëherë pas liçencimit nga BSH, Micro Credit Albania bleu edhe 80 milionë euro të tjera kredi të këqija nga bankat private duke e çuar shumë totale në plot 100 milionë euro.

Por ndërsa Banka e Shqipërisë lëvdohej se masat e saj po ulnin kreditë e këqija në sistemin banker, mbi 100 mijë familje shqiptare u hodhën në kthetrat e një skeme kriminale mashtrimi. Nuk kaloi shumë dhe në ministrinë e Drejtësisë mbërritën me qindra ankesa nga qytetarë, të cilët ishin mashtruar dhe zhvatur në mënyrë të pamëshirshme nga Micro Credit Albania deri në rrënimin e familjeve të tyre.

Teksa ankesat nga qytetarët sa vinin e shtoheshin, ministria e Drejtësisë u detyrua të hapte një hetim mbi atë se çfarë po ndodhte. Hetimi gjeti fakte tronditëse të një skeme të mirëfilltë kriminale. Pas tij, Etilda Gjoni përpiloi një kallëzim penal prej 700 faqesh, të cilin e dorëzoi në prokurori dhe në Bankën e Shqipërisë.

Por pavarësisht gjetjeve tronditëse, as prokuroria dhe as Banka e Shqipërisë nuk vepruan duke i hapur rrugën skemës më të madhe të mashtrimit dhe tjetërimit të pronave në historinë e tregut financiar në Shqipëri, përjashto piramidat e vitit 1997.

Hezitimi i Bankës së Shqipërisë për të vepruar sipas prokurorisë së Tiranës dhe ligjerimi nga ajo i veprimtarise se paligjshme te Micro Credit Albania krijon dyshime të forta për shpërdorim detyre në nivelet më të larta drejtuese të Autoritetit Qëndror Monetar të vendit. Për këtë arsye prokuroria e Tiranës i kërkoi zyrtarisht SPAK të marrë nën hetim guvernatorin e Bankës së Shqipërisë, Gent Sejko./ Kapitali.al

Continue Reading

Aktualitet

Turistja gjermane humb jetën në Vlorë, ja çfarë dyshohet

Një 41-vjeçare ka ndërruar jetë ditën e sotme në Zvërnec të Vlorës.

Policia bën me dije se turistja gjermane ishte duke pushuar në një kamping në Zvërnec dhe dyshohet se ka ndërruar jetë për shkaqe natyrale.

“Rreth orës 14:00, në spitalin rajonal të Vlorës, është dërguar pa shenja jete shtetasja gjermane L. K., 41 vjeçe. Nga veprimet e para hetimore dyshohet se kjo shtetase e ka humbur jetën për shkaqe natyrale, ndërkohë që pushonte në një kamping në Zvërnec. Grupi hetimor vijon punën për përcaktimin e shkakut të humbjes së jetës”, njofton policia e Vlorës.

Continue Reading
Advertisement

TRENDING