Rama ndan pamje nga kantieri i shëtitores së Sarandës/ Nga 3 D në realitet, gati verën e ardhshme

Rivitalizimi urban i shëtitores “Naim Frashëri” Sarandë do t’i japë një tjetër dimension zhvillimit turistik në jug të vendit.

Kryeministri Edi Rama ndau sot një video me pamje nga ky kantier punimesh, që do ta kthejë shëtitoren në një hapësirë publike shumëfunksionale në shërbim të banorëve e pushuesve gjatë sezonit veror.

“Mirëmëngjes. Të shkosh në Sarandë dhe të mos bësh dot një shëtitje në një hapësirë të gjerë buzë detit? Boll më, koha për ta bërë”, tha Rama.

Shëtitorja e Sarandës do të ketë plotësisht pamjen dhe parametrat e një Lungomare. Projekti parashikon edhe restaurimin e fasadave në gjithë gjatësinë me qëllim përmirësimin e estetikës.

Gjithsesi në shëtitore do të mbizotërojnë elementë që e ruajnë identitetin e qytetit si për shembull porta hyrëse e Onhezmit, skulptura të realizuara nga artistë lokalë, sheshi i shatërvanit, pemët ekzistuese dhe zonat e gjelbra, pishina e hapur, etj./m.m/