A do të largohet nga drejtimi i PD-së? Berisha i shmanget pyetjes: Na u vodh vota e lirë e shqiptarëve

Kryedemokrati Sali Berisha është pyetur nëse do të zbatohet statuti i Partisë Demokratike pas humbjes së zgjedhjeve gjatë një konference për shtyp.

Berisha deklaroi se PD do të respektojë statutin, por shto se me rëndësi parësore është vota e lirë e shqiptarëve.

Kryedemokrati theksoi se “kjo parti nis betejën për votën e lirë të shqiptarëve, e kemi nisur, vazhdon beteja”.

“Partia Demokratike ka statutin dhe do ti përmbahet asaj, por ka disa parime eprore, që janë vota e lirë e shqiptarëve.

Kjo parti nis betejën për votën e lirë të shqiptarëve, e kemi nisur, vazhdon beteja.

Jeni dëshmitarë se si në mes të fushatës, 1 javë para zgjedhjeve Rama u damkos si njeri që blen vota“, tha Berisha.