Connect with us

Politike

Numri 2 i partisë Erisa Xhixho: Ka lidhje të forta mes qeverisë, krimit të organizuar dhe fondeve publike

Zëvendëspresidentja e Partisë së Lirisë, Erisa Xhixho, ka ngritur akuza të forta për lidhje mes qeverisë, krimit të organizuar dhe keqpërdorimit masiv të fondeve publike.

Ajo u shpreh se përfshirja e individëve të denoncuar në nivele të larta përbën cënim të sigurisë kombëtare dhe të standardeve të NATO-s, ndërsa theksoi se qindra miliona euro të menaxhuara nga institucionet shtetërore janë shndërruar në “gropa thithëse korrupsioni”. Sipas Xhixhos, ndërkohë që qytetarët dhe pensionistët mezi mbyllin muajin, fondet publike shpenzohen për luks, afera dhe tendera të dyshimtë, duke thelluar pabarazinë dhe varfërinë në vend.

Erisa Xhixho: Vendin e NATO-s dhe këtu kemi një cënim të sigurisë kombëtare dhe ëh fakti është që Gys Agasi i cili u denoncua një vit më parë nga ish-zëvendëskryeministri i Edi Ramës, zoti Ahmetaj, që ky do të ishte në fakt koordinatori i krimit të organizuar, i cili lidh Edi Ramën, pra ato çfarë Edi Rama i sugjeron krimit të organizuar, bandave, kalojnë nëpërmjet Gys Agasit, por këtu flasim për votat, këtu flasim për deputetë në parlament që nuk justifikojnë votat, por dhe tendera të cilët i përcaktojnë këto grupe dhe nga ana tjetër grupet kriminale se si nëpërmjet Gys Agasit kanë marrë favore të ndryshme në tenderat publik. Më lejoni të them që gjatë vitit 2017 deri në 2025-ën, AKSHI ka menaxhuar rreth 530 milionë euro. Mesatarisht në vit rreth 100 milionë euro. 
Pra janë një shumë e jashtëzakonshme para, miliona e miliona para, ndërkohë që ti ke sot që flasim, qytetarë të cilët nuk mbyllin dot muajin dhe shpesh ne e kemi diskutuar dhe buxhetin e 2026-ës, që në fakt me këto skandale tregohen se ku shkojnë paratë e shqiptarëve, që shkojnë pikërisht në gropa thithëse korrupsioni dhe nuk shkojnë as për rritjen e pensionit, që sot që flasim pensionistët mezi mbyllin muajin dhe një me një pension 170 euro në muaj, kur më lejoni të theksoj që 20% të këtij pensioni ja japin shtetit. Pse do thoni ju? Me TVSH-në e shportës, produkteve të shportës, me TVSH-në që paguajnë tek uji, me taksat e larta përsëri këtë pension 20% ja merr përsëri mbrapsht shteti dhe në rritjen e buxhetit 2026, kemi vetëm 600 lekë në ditë rritje për pensionistët në qytet dhe 200 lekë të vjetra për pensionet në fshat. Ndërkohë, ti ke kopshtin Eden, 4.2 milionë euro. 

Ti ke verëra 33,000 euro të faktuara që pi kryeministri jonë me gjithë bandën e tij. Ke udhëtime charter pa fund. Ke nga ana tjetër skandali më i madh, ai i vinotekës 3 milionë euro, e cila u zhduk brenda natës, në një bashkëpunim të policisë, të krimit dhe të çdo gjëje tjetër, që ishte një skandal tjetër se si nuk paguhen akcizat, se si nuk paguhen taksat. Ndërkohë qytetarët shqiptarë kanë bërë burg për një faturë energjie, kanë bërë burg për një ndërtim pa leje e të tjerë me radhë. Pra, këtu duhet të kuptojnë qytetarët shqiptarë që absolutisht që para ka, sepse taksat e tyre pikërisht janë gjithë taksat që mbulojnë buxhetin e shtetit, por ato vidhen qoftë në tunelin e Llogarasë, rreth 75 milionë euro me një të rënë të lapsit, ku ndryshohet tenderi dhe urat në një projekt fillestar janë më pas zhduken duke u vjedhur.

Related Topics:
Advertisement