Rama përplaset me Spiropalin: Të mos krijohen drama në parti

Sot u zhvillua një mbledhje e grupit parlamentar të Partisë Socialiste, e shoqëruar me debate të brendshme.

Gjatë diskutimeve, kryeministri Edi Rama pati një përplasje me ish-ministren e Jashtme Elisa Spiropali, pas publikimeve të kësaj të fundit në rrjetet sociale, ku ajo kishte shprehur qëndrime kritike ndaj partisë.

Sipas burimeve, Rama theksoi se nuk duhet të krijohen situata të panevojshme brenda partisë dhe se debatet publike nuk duhet të kthehen në “drama”. Ai kërkoi më shumë kujdes në komunikimin publik nga anëtarët e grupit.

Nga ana tjetër, Spiropali tentoi të japë sqarimet e saj, por kryeministri nuk i dha hapësirë për të vijuar reagimin në atë moment.