Spanja starton Kupën e Botës pa Lamine Yamal

Kampionia e Europës, Spanja, do të startojë Kupën e Botës, pa yllin e saj Lamine Yamal. Trajneri Luis de la Fuente e njoftoi këtë përpara ndeshjes së tyre të parë kundër ekipit të Kepit të Gjelbër, që do të luhet pasditen e sotme, ora 18:00 CET në Atlanta kunder Kepit te Gjelber.

“Lajmi i mirë është se Lamine është shumë në formë. Ai është në formë të mirë dhe stërvitet shumë mirë. Është i disponueshëm, por nuk mund të aktivizohet”, tha de la Fuente.

Yamal, 18 vjeç, pësoi një dëmtim në kofshë në prill dhe u rikthye në stërvitjen e ekipit vetëm një javë më pare, ashtu si edhe Nico Williams, i cili është gjithashtu i lënduar. Anësori gjithashtu nuk do të jetë në formacionin titullar. Trajneri spanjoll do të vendosë nëse dyshja do të marrë të paktën pak minuta aktivizim në varësi të rrjedhës së ndeshjes.