Bota
Izraeli kërcënon Iranin: Jemi gati të godasim sërish
Forcat Mbrojtëse të Izraelit (IDF) janë të gatshme të rifillojnë operacionet ushtarake kundër Iranit, nëse kjo konsiderohet e nevojshme. Deklarata u bë nga ministri izraelit i Mbrojtjes, Israel Katz, gjatë një aktiviteti në një bazë ajrore.
Sipas Katz, ushtria izraelite është në gatishmëri për të rikthyer epërsinë ajrore dhe për të goditur sërish objektiva në Iran, me synimin për të eliminuar kërcënimet ndaj Izraelit.
“IDF është gati dhe në gatishmëri për të rifilluar operacionet ushtarake me qëllim rifitimin e epërsisë ajrore dhe për të goditur përsëri Iranin për të eliminuar kërcënimet, për herë të tretë, nëse është e nevojshme”, deklaroi ai.
Ministri izraelit theksoi se, nëse situata e kërkon, Izraeli do të ndërmarrë një tjetër operacion ushtarak me intensitet edhe më të lartë.
“Nëse na duhet të kthehemi, do të kthehemi me forcë edhe më të madhe”, u shpreh Katz.
Ai lëshoi gjithashtu një paralajmërim të drejtpërdrejtë ndaj Teheranit, duke deklaruar se Izraeli është në gjendje të godasë objektiva në çdo pjesë të territorit iranian.
“Krahu i gjatë i Izraelit do t’ju arrijë në Teheran, Tabriz, Isfahan dhe kudo tjetër që përpiqeni të kërcënoni Izraelin dhe ta dëmtoni atë. Nuk ka vend ku mund të fshiheni”, tha ministri i Mbrojtjes.
Deklaratat vijnë në një kohë tensionesh të vazhdueshme mes Izraelit dhe Iranit, ndërsa retorika mes dy vendeve mbetet e ashpër.
Revolta e qytetares: Në spitale s’ka ilaçe, por japin 4 mln euro për një këngëtar
Izraeli kërcënon Iranin: Jemi gati të godasim sërish
Rritja e naftës/ Denoncon Erion Braçe: Tregu është i kapur, po nuk reagum, javën tjetër do jetë me 200 lekë
’20 vjet shpresë dhe lutje’/ Pasi zbuloi se pret binjakë, Xhuli prek me postimin
“Bëhet shumë zhurmë”/ Norvegjia ndërron hotel para çerekfinales së Botërorit, lojtarët u ankuan
Lapsusi i Trump në Samitin e NATO-s, ngatërron Iranin me Japoninë (VIDEO)
4 vite pas zhdukjes/ Dosja Aruba rikthen emrin e Ervis Martinajt, dalin bisedat
