Connect with us

Aktualitet

‘Kryeveprat e Humbura’

 

Dr Noah Charney

  • 12 kryevepra të humbura nga disa prej artistëve më të famshëm në botë, si Van Gogh, Cézanne, dhe Monet janë duke u ekspozuar në ktelevizorin ‘The Frame’, kuruar në bashkëpunim me Dr Noah Charney dhe Shoqatën e Kërkimit për Krimet kundër Artit.
  • Pjesët e çmuara duke përfshirë Pata e Bardhë nga Jean Baptiste Oudry dhe Portreti i Dr Gachet nga Van Gogh janë parë së fundmi gati 30 vjet më parë ; dhe Pamja e Auvers -sur-Oise e Cézanne u vodh në një mënyrë spektakolare, kinematografike
  • Samsung është duke shfrytëzuar fuqinë e teknologjisë për të shtyrë njerëzit drejt kërkimit të artit të humbur, nga komoditeti i dhomave të ndenjes duke përdorur televizorin ‘The Frame’ dhe mediat sociale.

Të gjithë të dashuruarit pas artit dhe detektivët amatorë mund të ndihmojnë në kërkimin drejt gjetjes së kryeveprave duke ndarë këshilla, teori apo të dhëna duke përdorur hashtag-un #MISSINGMASTERPIECES

Samsung njofton sot fillimin e ekspozitës së Kryeveprave të Humbura, një koleksion digjital i disa prej veprave artistike më ikonike dhe intriguese të botës. Duke përfshirë vepra që nuk mund të shihen fizikisht askund sepse druhet të kenë humbur përgjithmonë, ato janë sjellë për herë të parë për t’u shijuar nga të gjithë, kudo që janë, dhe për të ndihmuar në punën që po bëhet për t’i rigjetur ato.

Ato përfshijnë [Auvers-sur-Oise ”nga Paul Cézanne, e cila u zhduk kur hajdutët përfituan nga festimet e Vitit të Ri 1999 për të vjedhur pikturën në stilin kinematografik me një shkallë litari, fillimisht duke ngjitur skelat, shkatërruar një dritare çatie, dhe duke kamufluar rrugën e tyre me një bombë tymi. Si dhe [“Chloe & Emma” nga Barbora Kysilkova, e cila u vodh në mes të ditës nga një muze në Norvegji. Hajdutët këputën më shumë se 200 gozhdë për të nxjerrë kanavacën, duke e lënë kornizën e saj në një gjendje të patëmetë.]

Teksa jetët tona janë bërë më virtuale, fuqia që ka teknologjia për të sjellë njerëzit së bashku nuk ka qenë kurrë më e qartë. Ekspozita e Kryeveprave të Humbura përmban disa nga pikturat e humbura më të mrekullueshme të prodhuara nga bota – artistë të njohur të tillë si [ Van Gogh, Cézanne dhe Monet ] ; dhe i lejon të gjithë të përjetojnë dhe të mësojnë më shumë rreth këtyre pjesëve të bukura të artit, disa prej të cilave mund të  mos gjenden kurrë .

Në të gjithë Evropën , pandemia ka pasur një ndikim të rëndësishëm në art dhe kulturë. Miliona euro vlerë e artit ‘është vjedhur çdo vit, por vetëm gjatë karantinimit, të paktën gjashtë copë janë vjedhur duke përfshirë “Kopshti Pranveror” të Van Gogh, e cila është marrë në atë që do të ishte ditëlindja e 167 e artistit.

Për të ndihmuar ata që përpiqen në mënyrë aktive të gjejnë këto pjesë të mrekullueshme të humbura, dashamirësit e artit dhe detektivët amatorë janë të ftuar të ndajnë çdo këshillë, teori ose të dhëna që ata mund të zbulojnë me @SamsungShqiperi  dhe duke përdorur #MISSINGMASTERPIECES për të ndihmuar mblidhni të gjitha provat së bashku.

Iztok Šepec, Drejtor i Divizionit CE / SEAD / Samsung Elektronics tha, “Arti është për t’u shijuar nga të gjithë, dhe ne kemi një përgjegjësi kolektive për të mbrojtur dhe ruajtur kulturën tonë për brezat e ardhshëm. Kjo është arsyeja pse ne po lançojmë ‘Kryeveprat e Zhdukura’, për të siguruar që pjesët e paçmueshme që mund të mos shihen më kurrë, të mund të shijohen nga një audiencë sa më e gjerë. ‘The Frame’ mishëron këtë, duke ndihmuar në demokratizimin e artit për të gjithë dhe duke vepruar si një televizor, gjithashtu edhe si një dritare në botën e artit.”

The Frame është ndryshe nga çdo televizor tjetër. Me dizajnin e tij unik si kornizë, ai funksionon si një platformë arti multi-mediale ndërsa përzihet në dekorin e shtëpisë kur nuk është në përdorim. Nga momenti kur fiket, ndizet ‘Art Mode’ – duke shndërruar ekranin e zbrazët dikur të zi, në një galeri për koleksionet më të mrekullueshme të artit në botë. Pajisur me teknologji QLED , ngjyrat e veprave origjinale të artit janë të shprehura në rezolucicion të lartë. Të gjitha 12 veprat e artit në ekspozitën e Kryeveprave të Zhdukura janë në dispozicion për përdoruesit e ‘The Frame’ falas në katalogun e ‘Art Store’, dhe këto pjesë të çmuara mund të shihen në internet nga të gjithë këtu: https://www.samsung.com/al/explore/entertainment/missing-masterpieces-and-lost-art-on-the-frame/ 

Ekspozita është kuruar në partneritet me Dr Noah Charney, ekspert i vlerësuar i krimit të artit dhe themelues i Shoqatës në Kërkimin për Krimet kundër Artit (ARCA) dhe përmban kryevepra të bukura që agjencitë globale të zbatimit të ligjit po përpiqen të rimarrin në mënyrë aktive.

 

Dr Noah Charney, Themelues i ARCA, tha, “Para se të filloni të zgjidhni një gjëagjëzë, doni të mblidhni të gjitha informacionet, apo jo? E njëjta gjë ndodh me një krim ose një zhdukje misterioze. Që nga raportet kontradiktore të mediave, e deri tek spekulimet në burimet e Reddit – të dhënat janë atje, por vëllimi i informacionit mund të jetë mbytës. Kjo është ajo ku teknologjia dhe mediat sociale mund të ndihmojnë duke mbledhur njerëzit së bashku për të ndihmuar kërkimin. Nuk është e padëgjuar që një këshillë e padëmshme e postuar në internet të jetë çelësi që zhbllokon një çështje. ”

 

Ekspozita e Kryeveprave të Humbura të Artit do të jetë live për tre muaj deri më 10 Shkurt 2021. Për të mësuar më shumë shikoni Art Store ose vizitoni faqen e Kryeveprave që Mungojnë këtu: https://www.samsung.com/al/explore/entertainment/missing-masterpieces-and-lost-art-on-the-frame/

Advertisement
Click to comment

Leave a Reply

Your email address will not be published. Required fields are marked *

Aktualitet

Dyrnjaja rrëzon akuzat ndaj Olsi Ramës: Po e përdor Bardhi për t’u bërë lider

Gazetari Denis Dyrnjaja duke komentuar në studion e emisionit “Të Paekspozuarit” akuzat e kreut të grupit parlamentar të PD-së, Gazment Bardhi ndaj Olsi Ramës, si të përfshirë në grupin e kokainës në Xibrakë, 10 vite më parë, u shpreh i bindur se vëllai i kryeministrit nuk është përfshirë, ndryshe do ta nxirrnin autoritetet gjermane, ndërsa Bardhi e bën sot për të fituar politikisht.

“Është një hetim shumë i mirë i prokurorisë dhe është një hetim i bërë nga gjermanët. Ata nuk do ta kursenin se nuk do të kishin interes. Është një tablo që po përdoret politikisht. 

E ka bërë Berisha prej 10 vjetësh e ka larë dhe tharë.

Pse po e bën Gazment Bardhi sot? Unë them se Gazment Bardhi po kërkon të bëhet lidership politik”-tha Dyrnjaja.

Continue Reading

Aktualitet

Prangosja e ish-drejtorëve të Bashkisë Tiranë, Vangjeli: Këta kanë bërë një gafë të madhe

Me urdhër të SPAK, tre ish-drejtorë të bashkisë së Tiranës janë vënë në pranga, ndërsa për gjashtë të tjerë janë lënë nën masën detyrim paraqitje.

Mbrëmjen e sotme në studion e “Top Story”, Lorenc Vangjeli, u shpreh se SPAK po godet themelet e zyrtarëve që kryejnë korrupsion dhe vjedhin.

“Janë të rinj, ambicioz, pa asnjë kontribut publik, që kanë lidhje direkte vetëm me eprorin e tyre, shfaqen vetëm në fushata elektorale dhe punojnë vetëm për eprorin e tyre dhe vjedhin në një mënyrë banale. Kjo që po ndodh nuk është një gjë e re. Janë të shpërndarë në disa vende, dhe sërish ky fenomen vijoj të them se është vetëm fillimi dhe një provë që SPAK në tërësinë e tij po vepron. Jo sipas asaj që ka pritshmëri shqiptari i zakonshëm, ai që del në televizor, por shtrohet resht pas reshti, dhe unë mendoj se kanë arritur te themeli.

Filluan të shfaqeshin në mandatin e dytë të qeverisë. Kjo është ngrehina që po ndërton SPAK. Në PS ka rryma dhe nënrryma. Këtu është një gafat më të mëdha që bëhet nga disa personazhe, që duke menduar Ramën vendos mbi fatet e tyre, mendojnë çfarë mund të ndodhë me ta vetë dhe zyrën e kryeministrit nëse një ditë kryeministri vendos të largohet.

Continue Reading

Aktualitet

“Pse nuk ka foto të Olsi Ramës me trafikantët/Hoxha për denoncimin e Bardhit

Artan Hoxha tha se nuk ka një fotografi të Olsi Ramës me trafikantët edhe pse ata ndiqeshin nga Operacionalja me mbikqyrjen e autoriteteve gjermane. Hoxha tha se kjo tregon se ose nuk ka lidhje mes vëllait të kryeministrit dhe trafikut të drogës, ose prokuroria ka fshehur pamjet.

Gazetari deklaroi se në këtë histori ka personazhe të tjerë të lidhur me politikën që janë përfshirë, ndërkohë që tha se Bardhi ka nxjerrë vetëm një fragment nga dosja zyrtare.

“Duket sikur tek fashikulli voluminoz i dosjes, për shkak të përfshirjes së autoriteteve, Gaz Bardhi ka hequr një fletë aty dhe e ka kapur. Kjo është çështje e hetuar nga Prokuroria e Krimeve të Rënda. E kanë hetuar prokurori i sotëm Olsian Çela dhe prokurori tjetër, Edvin Kondili. Dy nga më të mirët që kishin Krimet e Rënda. Pra, po ta shohësh, kemi përdorur kapacitetet më të mira të hetimit. Është bashkëpunuar me palën gjermane.

Në rast se ajo degë e grupit në Gjermani nuk do të dilte direkt në treg, për të kërkuar blerës për 100kg, nuk do të tërhiqte vëmendjen. Kjo histori ka patur emra të tjerë të përfolur, por kur është marrë fashikulli, është marrë ky. Po ta shfletosh atë dosje, ke plot elementë që mund t’i kapësh. Ka persona me lidhje me politikën.

Vij të makina, është një nga elementët. Kush e bëri atraktiv? Shumë ngjarje tjetërkush ka emrin dhe tjetërkush është përdoruesi. Pronarja e mjetit rezultonte motra e një ish-ministre dhe bashkëshortja e djalit të një ish-zyrtari të lartë të Policisë së Shtetit. Kjo tërhoqi vëmendjen. Këto ishin elementë rastësor.

Bardhi i referohet të dhënave të TIMS. Të gjithë këto që ka publikuar Bardhi janë në dosje dhe janë të hetuara. Ajo ka kaluar shkallët e gjyqësorit. Ka qenë Gjykata e Krimeve të Rënda. Pse nuk është zbardhur dhe është veçuar nga dosja ky personazhi? Janë përdorur disa makina, jo vetëm kjo. Nuk ka qenë kaq e thjeshtë historia, por ka kaluar dhjetë vjet dhe harrojnë njerëzit.

Ky laborator, disa mjete transporti dhe këta shtetas janë mbajtur në vëzhgim nga Operacionalja. Nëse thonë janë ulur këta të tre dhe një person 45 vjeç, Operacionalja ka fotografuar dhe ka filmuar, kanë lënë provë. Ose nuk i kanë filmuar, ose prokurorët i kanë fshehur.

Çudia që më bën, skuadra Operacionale që ishte nën mbikqyrjen e gjermanëve, nuk e kanë fotografuar? Nëse e kanë, ta shohim a është ky Olsi. Ai edhe paruke po të vendosë, ka elementë që duket, se është i gjatë”, tha Hoxha.

Si u kap grupi i Xibrakës ?

Artan Hoxha: Informacioni fillestar mbi këtë operacion ka ardhur nga autoritetet gjermane. E ka ndjekur çështjen dhe kanë patur prezencë në terren kur është bërë ndërhyrja në mesditën e 14 janar 2015. Gjatë atij operacioni, në rrugën nacionale Elbasan-Librazhd, në fshatin Xibrakë është gjetur një ambjent që ishte laborator kokaine. U kapën sasi të konsiderueshme. U kapën shtetas shqiptarë dhe kimistët kolumbianë. Ishte një nga laboratorët që cilësohej më i rëndësishëm i kapur ndonjëherë.

Objektivi ishte lënda narkotike kokainë, që vinte nga një kartel që dispononte jo vetëm lëndën narkotike, por edhe kimistët që e kishin kthyer kokainën në një tretësirë që iu vendoseshin teshave dhe më mbrapa kjo sasi nëpërmjet një procesi kimik, rikthehej në gjendjen fillestare. Në momentin kur janë kapur kimistët kolumbianë, u zbërthye skema, u zbulua se si kthehej kokaina në gjendje fillestare dhe bëhej gati për treg.

Pse ishte zgjedhur Shqipëria dhe ky vend në dalje të Elbasanit?

Në momentet e para kur grupi ka testuar linjën, nëse ishte në gjendje ta fuste kokainën në Shqipëri, bashkë me kokainën që vinte në formën e tjetërsuar, ishte futur edhe një sasi kokaine pluhur, që testonte aftësitë e grupit shqiptar për të trafikuar direkt nga Amerika Latine dhe garancia për të mos u prekur nga autoritetet.

Organizata krijoi infrastrukturën, solli pajisjet, kimistët, mbulimin e biznesit, krijoi lidhjet, kontaktet dhe besimin në Amerikën Latinën, u ra dakord për pagesat dhe i duhej një treg se ku do të shitej, një treg i qëndrueshëm.

Një nga vendet ku do të shitej kjo kokainë, ishte pikërisht Gjermania, kontaktet e grupit, në disa vende, filluan të lëvizin në treg dhe të kërkojnë blerës.

Në Gjermani, kishin udhëtuar me një çift. Atje u vunë në lëvizje për të kërkuar treg për të shitur 100 kg kokainë. Kur hynë në treg dhe kërkuan blerës për këtë sasi, autoritetet gjermane, me informatorët që kishin në treg, me agjentët e infiltruar, siguruan inforomacion se një operator i r inga Ballkani po tentonte të futej në treg dhe të trafikonte sasi të mëdha.

Dyshimet ishin se edhe rivalë të grupit atje, mund t’ju prishnin tregun. U futën në lojë autoritetet gjermane. Ndjekin çiftin e shqiptarëve që kërkonin tregun. Doli që baza nga ku do të vinte kokaina ndodhej afër kryeqyteti i Shqipërisë.

Erdhën vetë, kërkuan që të mbahej kjo gjë sekret.

Gjatë ndërhyrjes së policisë, binte në sy se ishte në grup Ermal Hoxha, që e ka kryer dënimin. Mes personazheve, më i rëndësishmi, Genci Xhixha nuk është arrestuar akoma, dyshohet se është në Amerikën Latine akoma.

Kush i dha ngjarjes peshën e madhe? Përveç laboratorit, sasisë dhe kolumbianëve, informacionit të gjermanëve, ajo që e bëri në ato momente dhe krijoi mjaft vëmendje ishte fakti që në këtë sipërmarrje kriminale ishin përfshirë pjesëtar të rëndësishëm të botës së krimit, organizata me aktivitet në dekada.

Para se të dilte Olsi, ishin disa të tjerë, te politika. Në nuk mund të themi ata që nuk janë dënuar dhe janë në aktivitet.

Continue Reading

Aktualitet

Reagim i Olsi Ramës: Lidhjet e mia me drogën, të vërteta sa lidhja me të vërtetën e këtij të paburrit

Olsi Rama ka reaguar pas akuzave të Gazment Bardhit, se ka qenë i përfshirë në trafikun e drogës.

Reagimi i plotë

Nuk jam as i shokuar, as hiç i habitur nga kjo rinxjerrje e një akuze të përsëritur vite më parë prej një njeriu që nuk ka lënë pjesë të familjes time pa prekur paburrërisht. Futja e njerëzve të familjes tonë – nga babai i ndarë nga jeta para se sa Edi të merrte detyrën, tek i biri kur ishte vetëm 10 vjeç – në çorbën e thashethemeve dhe akuzave nga më monstruozet që kundërshtarët e tim vëllai i sajojnë se s’dinë se si ta mundin atë me votë, është një mizerabilitet njerëzor që ne fatkeqësisht e kemi pranuar si një realitet, por të cilin duhet me doemos ta ndryshojmë sa nuk është shumë vonë.

Deri më sot nuk kisha marrë asnjëherë mundimin tju përgjigjesha akuzave drejt meje i ndërgjegjshëm se këto ishin dhe janë pjesë e baltës poltike ndaj tim vëllai e jo ndaj meje. Kush më njeh e di sa i pastër jam dhe sa kjo baltë nuk më përket, ndaj dhe nuk kam dashur ta hedh mbrapsht.

Të njohësh njerëz dhe madje edhe të udhëtosh me ta në ndonjë rast apo në shumë raste, nuk është as diçka për të cilën duhet t’i marrësh leje apo t’i japësh llogari kujt, as diçka që të bën fajtor për çfarëdo faji dikush prej tyre mund të kryejë në jetën e tij personale.

As nuk e mohoj dhe as kam asnjë arsye ta fsheh që unë kam njohur në distancë një nga personat në fjalë, po aspak atë për të cilin me aq zell e dëshirë më akuzon ky kanakari i atij sharlatanit famëkeq që na ka sulmuar me qindra herë familjen, ndërsa bën tani prokurorin politik për një çështje të hetuar dhe të gjykuar ku unë s’kam kurrfarë lidhje.

Megjithatë s’është as puna ime, as natyra ime të jap e marr me burra që siç thotë populli, “s’kanë ç’i bëjnë gomarit dhe i bien samarit”. Unë kurrë s’kam pasur punë me këtë shtet që kur ika në vitin e mbrapshtë 1997 në kushtet e kërcënimit të jetës dhe pasi jam kthyer në këtë vend ku drejtoj klubin e futbollit “Partizani”.

Jam krenar për tim vëlla, e votoj me kënaqësi si pjesë e shumicës së shqiptarëve për kaq vite dhe ia bëj hallall pjesën time të baltës familjare për shkak të detyrës së tij. Po as jam përfshirë ndonjëherë me politikë, apo me hallet e punës së tij dhe as i kam shkuar ndonjëherë në zyrë, apo kam kërkuar ndonjëherë prej tij ose ministrave të tij ndonjë favor. Për shembull, më vjen keq që prej vitesh klubi “Partizani” kërkon pa sukses nga Ministria e Mbrojtjes, kthimin e disa barakave të shkatërruara të ushtrisë në terren sportiv, për t’ia bashkëngjitur kompleksit sportiv që Presidenti i klubit e ka investuar vetë dhe asgjë nuk lëviz Në vitin 2025 Shqipëria do të mikpresë Europianin e të rinjve U-17 dhe stadiumi i Partizanit është përzgjedhur si një nga stadiumet e këtij kompeticioni që vjen për herë të parë në Ballkan. Uroj që qeveria t’ia japë më në fund “Partizanit” ato barraka që kalben mbi tokë pa asnjë ushtar rrotull tyre, që klubi ynë të krijojë një hapësirë të re të gjelbër për shumë djemtë e vajzat që luajnë futboll.

Ndërsa për sa i takon lidhjeve të mia me drogën, ato janë po aq të vërteta sa lidhja me të vërtetën e këtij të paburrit që më akuzon. Kështuqë dhe kaq sa i kushtova këtij teatri kukullash e shpenzova vetëm në emër të dinjitetit të rolit tim si drejtues i një klubi futbolli, ku racizmi dhe droga konsiderohen armiq të njeriut dhe shoqërisë.

Continue Reading

Aktualitet

Mehdi Malkaj i shkon Berishës poshtë penxheres: Jetojmë një diktaturë perverse

Aktori Mehdi Malkaj i ka shkuar poshtë penxheres mbrëmjen e djeshme, Sali Berishës.

Ai tha se sot ne jemi në një diktaturë, madje në një diktaturë perverse.

“Shqipëria ju meriton, që ju ka juve, unë vazhdoj të kem mendimin tim se kjo drejtësia e re është më e vjetër, se drejtësia e vjetër.

Për mua, dhe unë nuk e diskutoj fare këtë.

Sot është dita ndërkombëtare e Teatrit dhe ne jemi fatkeqë, nuk kemi Teatër se kështu donte ai.

Jemi të vetmit në Europë dhe ndoshta dhe më gjerë, që nuk kemi Teatër Kombëtar, se kështu do kryeministri i vendit.

Se këtu thonë që po rrëshqet në diktaturë, jo mor njerëz, ne jemi në një diktaturë, madje në një diktaturë perverse.

Një diktaturë persverse, mirë që shemb e vret e pret, por dhe gëzon, gëzon me fatkeqësinë e tjetrit.

Këtu kam ca zonja, këtu para, që mund të më thonë: Si i lajnë shkallët, nga poshtë? Apo nga lart?

Po ky SPAK pse nuk e fillon nga lart luftën kundër korrupsionit?!

Dhe nga lart është ai. Por e fillon nga poshtë, nga pastruesja, se aty qëndron gjithë korrupsioni sipas tyre”, tha ai.

Continue Reading
Advertisement

TRENDING